Aap. Kalaallit Nunaanni kommunerisavit innarluutilinnut ikiortip taartaasulluunniit annertuumik innarluutillip Kalaallit Nunaannut sulinngiffeqarluni angalaneranut ingiortaalluni angalanermi akissarsiaanut aningaasartuutit utertissinnaavai.
Innarluutilimmut ikiortip akissarsiassaanut qinnuteqaat:
Innarluutilimmut ikiortip akissarsiaanut qinnuteqarnermi amerlanerpaamik sapaatip akunneranut suliffiusumut nalinginnaasumut akunnerni 37-ini sulinermut akissarsiassat utertinneqarsinnaapput, ajoqutinut tunniussat qaangiuttoornermusiallu ilanngaatigalugit, taakku ingiortaanermut akissarsianut ullunullu sulinngiffiusussanut annaasanut pissarsiassanut immikkut akilerneqartunut ilaatinneqareermata.
Innarluutilimmut ikiortip taartaanut akissarsiassanut qinnuteqaat:
Innarluutilinnut ikiortimut taartissap akissarsiassaanut qinnuteqarnermi amerlanerpaamik utertinneqarsinnaapput innarluutilimmut ikiortip akissarsianut isumaqatigiissutaa sulinissamullu pilersaarutaa kiisalu ajoqutinut pissarsiassaanut innarluutilinnut ikiortip sulinissamut pilersaarutaa aamma tunngavigalugu taartinut akissarsiaritinneqartut tunngavigalugit.
Uppernarsaammik nassiussereernermi aningaasartuutit utertinneqassapput.
Qinnuteqaammut immersugassap immersornerani innarluutilimmut ikiortip akissarsiaanut aningaasartuutit matussuserneqarnissaat kissaatiginerit.
Aap. Nammineerlutit ingerlatitut ikiuutit soorlu kørestolet akeqanngitsumik nassarsinnaavat.
Qinnuteqarnissamut immersugassap immersornerani nammineq ingerlatitut ikiuutit nassarusunnerit qanorlu initutigalunilu oqimaatsiginersoq aperineqassaatit.
Kørestolit nassatallu immikkuullarissut allat pillugit Air Greenlandip nittartagaani paasisaqarnerusinnaavutit: https://www.airgreenland.dk/faq/foer-rejsen/saerlig-bagage
Malugiuk angalasut kørestolelisartut aallarnissamit kingusinnerpaamik 45 minutsit sioqqullugit mittarfimmi aallarfissap matuata eqqaaneereertussaammata.
Air Greenland ilisimatitsivoq angalanermi kørestole isumannaatsumik poorneqarsimanngippat arlaatigut ajoqusersimappat akisussaaffiginagu, puuanulli qanoq piumasaqaateqarnerlutik ersarinnerusumik paasissutissiisimanngillat.
Kørestolemik nassaruit aallartinnak ajoqusernissamut sillimmasersimanissaa taamaammat qulakkiissagit innersuussutigissavarput.
Aap. Ikiuutit pisariaqartut allat, soorlu saniatigut kørestole alla, sullulikkut nerisaqarneq nangiillu immikkuullarissut qinnutigereersimagukkit akeqanngitsumik nassarsinnaavatit.
Qinnuteqarnissamut immersugassap immersornerani aperineqassaatut ikiuutinik pisarialinnik allanik nassataqassanersusit nassatallu oqimaappallaarneranik akiliinissamut pinngitsoortinneqarnissat pisariaqartinnerit.
Nassatat immikkuullarissut pillugit Air Greenlandip nittartagaani paasisaqarnerusinnaavutit: https://www.airgreenland.dk/faq/foer-rejsen/saerlig-bagage
Aap. Illit nammineq angalanissavit ingiortivillu angalanerata sillimmasersimanissaat qulakkeernissaat isumassarsiatsialaavoq.
Sillimmat eqqarsaatigalugu ikiuutit nassatalluunniit angalanerup nalaani ajoquserpata ajoqusernerit mittarfiup qimannginneranitimmisartuutileqatigiiffimmut nalunaarutigineqassapput.
Air Greenland ilisimatitsivoq angalanermi kørestole isumannaatsumik poorneqarsimanngippat arlaatigut ajoqusersimappat akisussaaffiginagu, puuanulli qanoq piumasaqaateqarnerlutik ersarinnerusumik paasissutissiisimanngillat.
Nassatat immikkuullarissut pillugit Air Greenlandip nittartagaani paasisaqarnerusinnaavutit: https://www.airgreenland.dk/faq/foer-rejsen/saerlig-bagage
Kørestolemik nassaruit aallartinnak ajoqusernissamut sillimmasersimanissaa qulakkiissagit taamaammat innersuussutigissavarput.
Aap. Illit innarluutilimmullu ikiortit/it kalaallisut oqalussinnaanngikkussi sulinngiffeqarnermi oqalutseqarnissamut qinnuteqarsinnaavutit. Ullormut sivisunerpaamik akunnerni tallimani akuersisoqarsinnaavoq. Kalaallit Nunaanni kommuni sulinngiffeqarfigisat oqalutsissarsinissaq akisussaaffigaa. Illit, qanigisatit, kommuni innarluutilinnullu ikiortivit akornanni naapinnerni oqalutseqartariaqarpoq.
Qinnuteqarnissamut immersugassamik immersuininni aperineqassaatit oqalutsimik pisariaqartitsinerlutit.
Aap. Falckimit mittarfimmiluunniit ikiorneqarsinnaavutit:
Qinnuteqarnissamut immersugassamik immersuininni mittarfimmi ikiorneqarnissamik pisariaqartitsinerlutit aperineqassaatit.
Qanoq ikiorneqarusunnerlutit nassuiaruk, taava inniminnissavarput.
Naagga. Pappilissamik billetsit qangatoortut atorunnaarlugit angalanissamut pilersaarummik inniminniinermullu normumik taarserneqarsimapput. Angalanissamut pilersaarut nassatanik tunniussisarfimmi takutinneqassaaq kinaanermik uppernarsaammik atuuttumik ilallugu, soorlu Danmarkip naalagaaffiani innuttatut pas-i, biilersinnaanermut uppernarsaat imaluunniit napparsimalersinnaanermut sillimmasigaanermut allagartaq.
Angalanissamut pilersaarut aallarnissat tikillugu allanngortinneqaratarsinnaavoq. Angalanissat allannguuteqarpat qinnuteqaammut immersugassami e-mailimut allatannut nalunaarfigineqassaatit. Allannguutit aallarnissamut akunnerit 24-it ataallugit pippata qinnuteqarnissamut immersugassami oqarasuaatip normuanut SMS-ikkut nalunaarfigineqassaatit.
Allannguuteqaratarsinnaanera malinnaaviginiarlugu Air Greenlandip nittartagaa alakkarternissaa isumassarsiatsialaasinnaavoq: www.airgreenland.gl
Angalanissavit nalaani Covid-19-imut malittarisassat atuuttut ilinnut qanoq sunniuteqarnissaat eqqumaffigiuk.
Tikeraarluni angalanerit sivisunerpaamik ullut qulingiluaanissaannik malittarisassaq suli atuuppoq, angalanissap nalaani mattusimanissamik malittarisassaqaraluarpalluunniit. Angalanerup ullunik qulingiluanik sivisussuseqartumi taamaammat ulluni tallimani mattusimaratarsinnaavutit.
www.corona.nun.gl-imi Kalaallit Nunaanni Coronavirusi (COVID-19) pillugu paasissutissat malittarisassallu atuuttut pillugit paasisaqarnerusinnaavutit.
Angalanissat taamaatiinnassappat tamanna kingusinnerpaamik sapaatit akunneri marluk sioqqullugit nalunaarutigissavat.
f-oekonomi@nanoq.gl-imut e-mailimik nassiussigit.
Qinnuteqartut ukioq manna angalanissamut akuerineqarsimasut COVID-19-ili pissutigalugu angalanissamik atuisimanngitsut qinnuteqaasioqqissanngillat.