Inuit innarluutillit Danmarkimiittut, tunngavigalugu Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq.
Kalaallit Nunaannut tikeraarnissamut angalanissamik akuerineqaruit, piffissaq siunnersuutigisimasat qaninnerpaarluunniit tunngavigalugit billetsimik najugaqarfissannillu inniminniissaagut. Tikeraagassavit aqqi najugaqarfiilu ilisimagutsigit tikeraarnissannut piffissaq allaganngorlugu nassiutissavarput. Angalanissallu pillugu ilinnut, immaqalu najugaqarfigisannut innarluutilinnullu ikiortinnut nassiussissaagut.
Angalaqqinnerit
18-it inorlugit ukioqaruit ukiumut marloriarlutit angalanissamut tikeraarnissamulluunniit akuerineqarnissamut inatsisitigut periarfissaqarputit.
Inatsit naapertorlugu angalaqqinnissamut/tikeraaqqinnissamut akuersisoqarsinnaavoq assersuutigalugu pilersaarutaanngitsumik ullorsiortoqarpat imaluunniit qanigisamik napparsimasoqartillugu toqusoqarsimatilluguluunniit
Kalaallit Nunaannit tikeraarneq
Immikkorluinnaq pisoqartillugu Kalaallit Nunaanni qanigisannit tikeraartoqarsinnaavutit.
Eqqumaffigissavat 18-it sinnerlugit ukioqaruit nammineerlutit angalasinnaanngikkuit aatsaat qanigisannit tikeraarfigineqarnissamut akuerineqarsinnaagavit.
Taamaammat nammineerlutit toqqarsinnaanngilat Kalaallit Nunaannut tikeraarusunnerlutit qanigisanniilluunniit Kalaallit Nunaannit Danmarkimi tikeraarteqassanerlutit. Qanigisannik tikeraarteqarnissamut akuerineqaruit tikeraarnissaq illit, immaqalu najugaqarfiit kiisalu qanigisavit illoqarfik najugarisaa suleqatigalugit aaqqissuutissavarput.
Apeqqutissaqarpit?
Apeqqutigineqakkajuttartut akissutaat FAQ - Apeqqutigineqakkajuttartut-ni atuakkit.
Tikeraarlutit angalanissamut imannak qinnuteqassaatit
Tikeraarlutit angalanissamik qinnuteqarusukkuit qinnuteqaat internetikkut immersugassaq immersussavat.
Qinnuteqaat immersugassaq ilanngussat ilanngullugit tigugutsigit qinnuteqaatit Kalaallit Nunaanni kommunerisat isumasioqatigalugu suliarissavarput kiisalu akuersissummik itigartitsinermilluunniit allakkiamik nassillutit.
COVID-19
Angalanissavit nalaani Covid-19-imut malittarisassat atuuttut ilinnut qanoq sunniuteqarnissaat eqqumaffigiuk.
Tikeraarluni angalanerit sivisunerpaamik ullut qulingiluaanissaannik malittarisassaq suli atuuppoq, angalanissap nalaani mattusimanissamik malittarisassaqaraluarpalluunniit. Angalanerup ullunik qulingiluanik sivisussuseqartumi taamaammat ulluni tallimani mattusimaratarsinnaavutit.
www.corona.nun.gl-imi Kalaallit Nunaanni Coronavirusi (COVID-19) pillugu paasissutissat malittarisassallu atuuttut pillugit paasisaqarnerusinnaavutit.
Angalanissat taamaatiinnassappat tamanna kingusinnerpaamik sapaatit akunneri marluk sioqqullugit nalunaarutigissavat.
f-oekonomi@nanoq.gl-imut e-mailimik nassiussigit.
Qinnuteqartut ukioq manna angalanissamut akuerineqarsimasut COVID-19-ili pissutigalugu angalanissamik atuisimanngitsut qinnuteqaasioqqissanngillat.