Ulloq unnuarlu aamma Innersuussisarnermut Immikkoortortaqarfiup Isumaginninnermut Aqutsisoqarfiup ataani inissisimasoq innersuussinerit ukununnga tunngasut isumagisarpai:
- Namminersorlutik Oqartussat ulloq unnuarlu angerlarsimaffiutaannut inissiinerit
- Kalaallit Nunaata avataanut inissiinerit
- Innuttaasup Namminersorlutik Oqartussat ulloq unnuarlu paaqqinniffiutaannut inissinneqarsimasup inissinneqarnerata allanngortinnera
- Innuttaasut angerlarsimaffiup avataanut inissinneqartut efterskolernerat pillugit suliami paasissutissanik pitsaassutsikkut qulakkeerinninneq
Namminersorlutik Oqartussat Ulloq Unnuarlu paaqqinniffiutaannut innersuussisarnerit:
Innuttaasoq Namminersorlutik Oqartussat ulloq unnuarlu paaqqinniffiutaannut inissinneqassappat kommunit Ulloq unnuarlu aamma Innersuussisarnermut Immikkoortortaqarfimmut innersuussineq pillugu nassiussissapput.
Allakkat nassiunneqartut tunngavigalugit Ulloq Unnuarlu Inissitsiterinermullu Immikkoortortaqarfiup nalilertarpaa, ulloq unnuarlu paaqqinniffik sorleq innuttaasumut naleqqunnerunersoq.
Innersuussinerit Isumaginninnermut Aqutsisoqarfiup pisortatigoortumik mailianut nassiunneqassapput: uupi@nanoq.gl
Innersuussinermik nassiussinermi mailip qulequtaani uku allaqqassapput: Ulloq unnuarlu paaqqinnittarfittut akuerisamut inissiinissamik tunineqarnissamik qinnuteqaat.
Suliamut paasissutissat makkua ilanngunneqassapput:
- Isumaginninnikkut misissuineq
- Iliuusissatut pilersaarusiaq
- Isumaginninnermut Ataatsimiititaliamiit ulloq unnuarlu paaqqinniffimmut naleqquttumut inissiinissamik akuersinermut uppernarsaat/ aalajangiinermut allakkiaq
Innuttaasoq Inunnut innarluutilinnut peqqussummi ilaatinneqarpat aamma ataani allaqqasut ilanngunneqarsimassapput
- Piginnaasaqassutsinut allattuiffik
- Oqaaseqaatit – Nalunaarusiat
Suliamut paasissutissat tamarmik PDF-filiussapput aamma susassaqartunit atsiorneqarsimassallutik.
Uani ilitsersuut takusinnaavat.
Matuma ataani allaqqasut pillugit innersuussinermut tunngatillugu paasissutissanik pissarsiniaruit qinnuigineqarputit Ulloq Unnuarlu Inissitsiterinermullu Immikkoortortaqarfimmut saaffiginneqqullutit uunga: uupi@nanoq.gl.
- Kalaallit Nunaata avataanut inissiinerit
- Innuttaasup Namminersorlutik Oqartussat ulloq unnuarlu paaqqinniffiutaannut inissinneqarsimasup inissinneqarnerata allanngortinnera
- Innuttaasut angerlarsimaffiup avataanut inissinneqartut efterskolernerat pillugit suliami paasissutissanik pitsaassutsikkut qulakkeerinninneq