airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Meeqqanik katsorsaasut angalasartut pillugit quppersagaaraq


Meeqqanik katsorsaasut angalasartut ilisarnaataat

Meeqqanik Katsorsaasut Angalasartut neqeroorutaat

Meeqqanik Katsorsaasut Angalasartut nuna tamakkerlugu katsorsaanissamut neqerooruteqartarput, meeqqanik inuusuttunillu qulaajaasoqartarluni katsorsaasoqartarpoq. Angalasartut illoqarfinni/nunaqarfinni suliniuteqartarnerat aallaaviatigut ukiumik ataatsimik sivisussuseqartarput ilaatigullu Nuummiit angalanikkullu ingerlanneqartassallutik.

• Meeqqanik Katsorsaasut Angalasartut, meeqqat inuusuttuaqqallu kinguaassiuutimikkut atornerlugaasimasut 18-nit inorlugit ukiullit pingaarnertut sullitaraat.
Tulliullugit sullinneqartut tassaapput meeqqat inuusuttuaqqallu 18-nit inorlugit ukiullit kinguaassiuutitigut imminut innarlertartut aammalu kinguaassiutitigut kangutsaatsuliortartut.

Kommuni Meeqqanik Katsorsaasut Angalasartunut suliniuteqarnissaannik noqqaassuteqarneratigut suleqatigiinneq aallartittassaaq. Taamaallaat pisortat/aqutsisut Meeqqanik Katsorsaasut Angalasartut saaffigisinnaavaat. Suliniuteqarnerup nalaani kommunip oqartussaasutut akisussanini paariinnassavaa.

 

Suleriusissaq

Kommunip Meeqqanik Katsorsaasut Angalasartut suliniuteqartilereerpagit suliap ingerlariusissaa:
1. Suleqatigiinnissap aallartisarnera: Suliamut attuumassutillit illoqarfimmi/nunaqarfimmi ataatsimeeqatigiinnerat. Suleqatigiinnissamut isumaqatigiissuteqartoqassaaq.
2. Kommunimi inunnik sullissisut (sagsbehandlerit) Meeqqanik Katsorsaasut Angalasartunut allakkatigut innersuussissapput (immersugassaq tunngavigalugu). Meeqqanik Katsorsaasut Angalasartuni innersuussat neqeroorummut naleqqunnersut nalilersorneqartarput.
3. Siullermeerluni naapinnermi ilaqutariit inunnillu sullissisut ataatsimeeqatigiittarput.
4. Qulaajaaneq Sakkortuumik nalaassinerup kingunerlutsitsinerata/artorsartitsinerata annertussusaanik nalilersuineq aammalu katsorsaanissap pilersaarusiornera.
5. Katsorsaaneq Qaammammut marloriarluni oqaloqatiginnittoqartarpoq. Ilaatigut ornigunneq ilaatigullu nittartakkatigut attaveqatigiinneq katsorsaanissamut neqeroorummi ilaatinneqassapput.
Katsorsaanermi periusaasinnaasut:
     • Aataasiakkaanik katsorsaaneq
     • Eqimattakkaanik katsorsaaneq
     • Pinnguaatinik pinnguarnikkut katsorsaaneq
     • Ilaqutariinnik meeqqallu isumassuisuinut oqaloqatiginninnerit
     • Pisariaqartitsineq naapertorlugu attaveqaatit ataatsimeeqatigiittarnerat.


6. Piginnaasanik ineriartortitsineq Sullissisunut attuumassuteqartunut siunnersuineq, suliatigut avitseqatigiinneq, ilinniartitsineq aammalu workshoppertitsineq. Suleqatigiinnerup aallartinnerani isumaqatigiissutigineqassaaq qulaani pineqartut sorliit pisariaqartinneqarnersut.
7. Suliamut attuumassuteqartunut inaarutaasumik ataatsimeeqateqarneq Suliamik tunniussineq aammalu siunnersuutinik innersuussutinillu tunniunneqartunik eqqartueqatigiinneq

 

Boernerejseholdet pjece - KAL