Ulloq unnuarlu inissitsiterinermullu immikkoortortap meeqqat innarluutillit nakuuserfigineqartarnerisa aamma kinguaassiuutitigut atornerlunneqartarnerisa paasiniartarnissaat aammattaaq pitsaaliornissaat pillugit aalasuliat naatsut marluk, kalaallisut oqaasertalerlugit nutserneqarsimasut, saqqummiuppaat.
Tassaapput sakkussat pisortat oqartussaaffiini sulisunut, meeqqanik innarluutilinnik aamma/imaluunniit ineriartornermikkut kinguarsimasunik sullitalinnut, tulluarsakkat.
Taamaaattorli aammattaaq tassaapput sakkussat siammasissumik ilaqutaasunit, paaqqinniffinnit allanit imaluunniit innuttaasunit nalinginnaasunit nakuusertoqartarneranik aamma kinguaassiuutitigut atornerluisoqartarneranik paasiniaanissamut pitsaaliuinissamullu atorneqarsinnaasut, aammattaarli inunnut innarluutilinnut inunnullu ineriartornermikkut kinguarsimasunut paasinninnissamut atorneqarsinnaasut.
Eqqaamallugu tamatta nalunaarutiginnittussaatitaagatta, Inatsisartut inatsisaanni § 15, meeqqat tapersersorneqarnissaannut inatsit, aammattaaq § 32, inuit innarluutillit tapersersorneqarnissaat pillugu Inatsisartut inatsisaat naapertorlugit, ilisimalersimagutsigu meeraq imaluunniit inuk innarluutilik pissutsitigut atukkamigut, peqqissusaa imaluunniit ineriartornera ulorianartorsiortinneqartut. Kommunimut nalunaarutiginnittoqartassaaq, illit kommunerisanni attavissat aamma ilitsersuutit assigiinngitsut takukkit. Aammattaaq kinaassutsimik isertuussilluni nalunaarutiginninnissamut periarfissaqarpoq.
