Pinerluuteqarsimasunut inissiisarfimmiittut il.il. pillugit Pinerluttunik Isumaginnittunut paasissutissat:
Katsorsaanermik ingerlatsinerup atuisumit nammineq piumassutsimik peqataaneranik tunngaveqarnissaa Alliami tunngaviusumik malitassaavoq.
Piumasaqaatit nalinginnaasut innersuussinermullu piumasaqaatit naapertorlugit innuttaasut pinerluuteqarsimasunut inissiisarfimmiittut innuttaasullu Pinerluttunik Isumaginnittunit nakkutigineqartut neqeroorummik atuisinnaapput. Pinerluuteqarsimasunut inissiisarfik inissinneqarsimasumut akuersissummik piniassaaq Alliamilu tarnip pissusaanik suliaqartunut ataqatigiissaarisoq ilisimatillugu una atorlugu koordinatoralliaq@nanoq.gl.
Pinerluttunik Isumaginnittut neqeroorut pillugu ilisimatitsisinnaapput tassungali innersuussisinnaanatik.
Pinerluuteqarsimasunut inissiisarfimmiittut Alliamut innersuunneqarpata Pinerluttunik Isumaginnittut ingiortaanikkut, biiliussinikkut assigisaannillu ikiuussinnaapput.
Pinerluuteqarsimasunut inissiisarfimmiittunik inissiisarfimmi katsorsaasoqarpat katsorsaanerup inimi/ataatsimiittarfimmi katsorsaanermut naleqquttumik peqarnissaa, kiisalu katsorsaasup isumannaallisaavigineqarnera inissiisarfimmit akisussaaffigineqarput.