Alliaq suua?
Neqeroorut angutinut arnanullu aapparisaminnut, inooqatiminnut inunnulluunniit qanigisaminnut nakuusernermik sorraannermillu ajornartorsiuteqartunut oqaloqatigiinnikkut katsorsarneqarnissamut neqerooruteqarpoq.
Alliami katsorsartinneq tarnip pissusaanik ilisimasalimmik imaluunniit psykoterapeutimik kisimiilluni oqaloqateqarnermik imaqarpoq. Katsorsaanermi anguniarneqarpoq nakuusernermik ajornartorsiuteqartup nakuuserneq nassuerutigissagaa, nakuusernermut akisussaaffik tigussagaa nakuusertarnerminillu unitsitsinissaa.
Katsorsaanissamut neqeroorummi nakuusernermik nakuusertup akisussaasuuneranik aallaaveqarpoq. Iliuuseqarneq taamaammat pingaarnertut inunnik ataasiakkaaraluni katsorsaanikkut nakuusernermik unitsitsinissamik suliaqarpoq. Akerleriinnerli akerleriinnerullu annertusiartornera ataatsimoorluni akisussaaffiuvoq.
Alliaq taamaattumik aapparisarisinnaasamut katsorsartilluni oqaloqateqarnissamik aamma neqerooruteqarpoq - kisimiilluni imaluunniit aapparisaq peqatigalugu oqaloqatigiinnikkut. Aappariit atugarisaat tunngavigalugu katsorsaasup nalilissavaa katsorsaariaaseq qanoq ittoq naleqqunnerpaajunersoq.
Neqeroorut nuna tamakkerlugu neqeroorutaavoq. Alliamiittut tamarmik nipangiussisussaatitaapput.
Akit:
Neqeroorut akeqanngilaq
Attavissaq:
Innuttaasut Alliaq attavigisinnaavaat oqarasuaammut 80 11 99-mut.
Telefoni ammasarpoq:
Oqarasuaat ammasarpoq sapaatit akunnerata ullui tamakkerlugit, sapaatit akunnerata naanera ilanngullugu, nalunaaqutaq 09:00-imiit 21:00-imut.
Alliami oqarasuaatinut akisussaasut sianertunik oqaloqateqarnissamut piareersimapput.
Alliami ingerlatsinissamut paasissutissat:
Ingerlatsineq inunnut ataasiakkaanoorpoq sivisussusaallu assigiinngiiaarlutik, innuttaasunik ataasiakkaanik katsorsaaneq ataasiakkaanut naleqqussarneqarsimasarmata.
Ingerlatsinermi aapparisarisinnaasap tarnip pissusaanik oqaloqateqarnissaanut neqeroorummik aamma ilaqarpoq.
Katsorsaaneq suliatigut pissutsillu periarfissaqartitsineri naapertorlugit Skype/Teams imaluunniit oqarasuaat atorlugu ingerlanneqassaaq.
Piffinni ataasiakkaani tarnip pissusaanik immikkut ilisimasalimmik imaluunniit psykoterapeut-imik qanimut oqaloqateqarsinnaaneq periarfissaavoq.
Internetimut/mobilimut aningaasartuutit atuisumit nalinginnaasumik akilerneqassapput.