airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Alliaq - inunnut nakuusertartunut neqeroorut

Alliaq angutinut arnanullu qanigisaminnut nakuusernermik sorraannermillu ajornartorsiuteqartunut akeqanngitsumik kinaassutsimillu isertuussisumik neqeroorutaavoq.

                                                                                                                                                                                                                                                          

Alliaq suua?
Neqeroorut angutinut arnanullu aapparisaminnut, inooqatiminnut inunnulluunniit qanigisaminnut nakuusernermik sorraannermillu ajornartorsiuteqartunut tarnip pissusaanit katsorsarneqarnissamut neqerooruteqarpoq.

Alliami katsorsartinneq tarnip pissusaanik ilisimasalimmik kisimiilluni oqaloqateqarnermik imaqarpoq. Katsorsaanermi anguniarneqarpoq nakuusernermik ajornartorsiuteqartup nakuuserneq nassuerutigissagaa, nakuusernermut akisussaaffik tigussagaa nakuusertarnerminillu unitsitsinissaa.

Katsorsaanissamut neqeroorummi nakuusernermik nakuusertup akisussaasuuneranik aallaaveqarpoq. Iliuuseqarneq taamaammat pingaarnertut inunnik ataasiakkaaraluni katsorsaanikkut nakuusernermik unitsitsinissamik suliaqarpoq. Akerleriinnerli akerleriinnerullu annertusiartornera ataatsimoorluni akisussaaffiuvoq.

Alliaq taamaattumik aapparisarisinnaasamut tarnip pissusaanik ilisimasalimmik oqaloqateqarnissamik aamma neqerooruteqarpoq - kisimiilluni imaluunniit aapparisaq peqatigalugu oqaloqatigiinnikkut. Aappariit atugarisaat tunngavigalugu tarnip pissusaanik ilisimasallip nalilissavaa katsorsaariaaseq qanoq ittoq naleqqunnerpaajunersoq.

Neqeroorut nuna tamakkerlugu neqeroorutaavoq. Alliamiittut tamarmik nipangiussisussaatitaapput.

Akit:
Neqeroorut akeqanngilaq kinaanermillu isertuussilluni. Innuttaasut attaveqarsinnaapput

Attavissaq:
Innuttaasut namminneerlutik Alliaq attavigisinnaavaat oqarasuaammut 34 50 40-mut.

Telefoni ammasarpoq:

Ataasinngorneq - Sisamanngorneq 09:00 – 22:00
Tallimanngorneq 09:00 – 04:00
Arfininngorneq 16:00 – 04:00
Sapaat 16:00 – 22:00

Alliami oqarasuaatinut akisussaasut sianertunik oqaloqateqarnissamut piareersimapput.

Innuttaasut Alliamut aamma attaveqarsinnaapput attaveqarnissamut immersugassaq aqqutigalugu, tassanngaanniillu Alliami oqarasuaatinut akisussaasut innuttaasumut pituttuinngutsumik oqaloqateqarnissaq siunertaralugu attaveqassallutik.

Alliami ingerlatsinissamut paasissutissat:
Ingerlatsineq inunnut ataasiakkaanoorpoq sivisussusaallu assigiinngiiaarlutik, innuttaasunik ataasiakkaanik katsorsaaneq ataasiakkaanut naleqqussarneqarsimasarmata.
Ingerlatsinermi aapparisarisinnaasap tarnip pissusaanik oqaloqateqarnissaanut neqeroorummik aamma ilaqarpoq.

Katsorsaaneq suliatigut pissutsillu periarfissaqartitsineri naapertorlugit tarnip pissusaanik ilisimasalimmut ornigunnikkut imaluunniit Skype/oqarasuaat atorlugu ingerlanneqassaaq.
Internetimut/mobilimut aningaasartuutit atuisumit nalinginnaasumik akilerneqassapput.

Alliaq Kommune Peqqinnissaqarfilluunniit peqatigalugu internetimut aaqqiissuteqarnissamut naammaginartumik annertussusilimmik peqataasinnaavoq.


Ileqqorissaarnissamut malitassat
Alliaq Nunani Avannarlerni tarnip pissusaanik ilisimasallit ataatsimoorlutik ileqqorissaarnissamut malitassaat tunngavigalugit sulivoq.
• Atuisut pisinnaatitaaffiinik ataqqinassusaannillu ataqqinninneq
• Piginnaasat
• Akisussaaffik
• Innarligassaannginneq

Malitassat ilaatigut inuit pisinnaatitaaffii ataqqinassusaallu pillugit sungiussisimanermut ataqqinassusermullu tunngassuteqarput. Tarnip pissusaanik ilisimasallip suliatigut inissisimanerup pitsaalluinnartuunissaa attanniartarpaa kiisalu nammineq suliatigut inuttullu nukittoqutini sanngeequtinilu eqqumaffiginiarlugit.

Tarnip pissusaanik ilisimasallip suliamini katsorsakkaminut kiisalu suliffeqarfimmut inuiaqatigiinnilu inuuffigisaminut suliffigisaminullu akisussaaffini aamma eqqumaffigai. Tarnip pissusaanik ilisimasalik unneqqarissumik, kinaassusersiunngitsumik ataqqinnippaluttumillu pissuseqarpoq.

Nunani Avannarlerni tarnip pissusaanik ilisimasallit ileqqorissaarnissamut malitassaat pillugit itinerusumik nassuiaatit ilaatigut Dansk Psykologforeningip nittartaani aturneqarsinnaapput. www.dp.dk
Alliap aqqata tunuliaqutaa
Alliaq Ole Brandtip piniartup Qooqap inuiaqatigiinni sinnganermut nakuusernermullu akiuiniarnera pillugu oqaluttualiaanit atsiussaavoq. Qooqa aanaminit isumassiuillunilu silatuumiit Alliamit ilitsersorneqarpoq nakuusernerup ajornartorsiutinik aaqqiisannginneranik akerlianilli ajornartorsiuteqarnerulernermik nakuusernerunermillu nassataqartarneranik.