Ilaqutariit paarsisartut
Ilisimasatsitut nunatsinni ilaqutariit paarsisartunik amingaateqarnerput annertuvoq, tassani angerlarsimaffiup avataanut meeqqamik inissiinerup ilusaa apeqqutaasinnaasarluni.
Nunatsinni ilaqutariit paarsisartut meeqqanik pisariaqartitsisunik paarsaqarsinnaasut siunissatsinnik annertuumik kivitseqataasuupput akisussaaffimmik annertuumik tigusinermikkut. Meeqqat inatsisitigut illersorneqarnerat aallaaviulluni angerlarsimaffiup avataanut inissiinissaq aaliagiunneqartarpoq tamannalu siunnerfeqarlunilu anguniagaqarfiunissaa angajoqqaarsianut piumasaqaatitaqarpoq.
Meeqqat tamarmik timikkut tarnikkullu atugarissaarlutik peroriartortinneqarnissaat inersimasut akisussaaffigaat, angerlarsimaffiullu avataanut inissiisariaqarnermi angajoqqaarsiat tamanna akisussaaffigilertarpaat annerpaamilli qanimut suleqatigiinneq nukiusussaavoq. Meeraq angerlarsimaffiup avataanut inissinneqarnerani ingerlaannartumik suliuniutit aallartinneqartarput taamaattumik ilaqutariit paarsisartut, angajoqqaatut oqartussaaffilik Kommune-lu inissiisoq qanimut suleqatigiillutik meeqqap siunissaanik qulakkeerinnittussaapput.
Qinnuteqaat
Ilaqutariit paarsisartutut qinnuteqaat illoqarfimmi Kommune-risami aaneqarsinnaavoq tassanilu ilanngullugu annerusumik nassuiaanneqarneq ingerlanneqarsinnaalluni.
Qinnuteqaat Kommune-mit tiguneqarsimaleruni qinnuteqarsimasunut akuersilluni atsiorneq atorlugu paasissutissat pisariaqartinneqartut aaneqassapput, aningaasanut tunngasut paasissutissat Akileraartarnermik Aqutsisoqarfimmut piniarneqassapput, Pinerlussimannginnermut uppernaat aaneqassaaq, Meeqqanut pinerliisimannginnermik uppernarsaat aaneqassaaq kiisalu Peqqinnissaqarfimmut misissorneqarnissamik piffissamik tunineqarluni misissortittoqassalluni. Peqqinnissaqarfimmi misissortinnerup siunertaraa tuniluunnartumik nappaateqannginneq qulakkeerneqarnissaa aammalu aanngajaarniutinik atuisuunnginnerup qulakkeerneqarnissaa.
Paasissutissat tamaasa tiguneqarnerani tullinnguukkajuttarpoq Kommune-mi susassaqartunit angerlarsimaffimmut qinnuteqarsimasunut ornigulluni ”pulaarneq” tassani angerlarsimaffimmi pissutsit takuniarneqartarput, angajoqqaarsiassatullu qinnuteqarsimasut aamma oqaloqatigineqartarlutik ilaqutariittut paarsisartunngorniarnerminni soqutiginninnerat aallaavigalugu.
Ilaqutariittut paarsisartutut atuuffeqarnerup ilangaa nutaanut tunngaviusumik pikkorissarsimanissaq tamanna inatsisitigut aaliagersangaavoq. Tunngaviusumik pikkorissarneq ingerlanneqartarpoq ulluni tallimani, pikkorissarneq nammineq Kommune-risamit aaqqissuunneqarsinnaasarpoq imaluunniit Isumaginnernermut Aqutsisoqarfimmiit aaqqissuunneqarluni. Tunngaviusumik pikkorissarneq ilaqutariittut paarsisartutut atuuffilinnik meeqqanullu inatsisit, perorsaanilerinerlu aallaavigalugit ingerlanneqartarpoq. Imaappoq ilaqutariittut paarsisartunngornermi sakkussaqarluarnissaq siunertaavoq meeqqamik paarsaqalernissamut. Paarsisartutut pisinnaatitaaffiit, angajoqqaatut oqartussaasoq, Kommune suliffigisaq taakkua qanimut periusissaat suleqatigiinnissaallu ilanngullugit pikkorissaanermi sammineqartarput.
Angajoqqaarsianngorniartunut
Angajoqqaarsianngorniarlutik soqutiginnittunut qinnuteqarsimasunut qinnuteqarniarlutillu siunertaqartunut neqeroorut:
Angajoqqaarsianngorniarlutik soqutiginnittut nittartakkakkut saqqummiisoqarneranut innersuuppagut peqataanissaat, saqqummiineq Isumaginnernermut Aqutsisoqarfimmiit aaqqissuunneqarpoq. Taakkua saqqummiinerit ima ingerlanneqartassapput Link iserfissaq atorlugu Teamsikkut peqataasoqartassalluni.
Saqqummiunneqartassapput: Qinnuteqaatip ingerlanneqartarnera, angajoqqaarsiaariaatsit assigiinngitsut, piumasaqaatit, meeraq qitiutillugu suleriusissat, angajoqqaarsiatut periusissat pisinnaatitaaffiillu. Apeqquteqarsinnaanersilu periarfissaavoq.
Ataani ullut sorliussanersut takusinnaavasi iserfissarlu ilaavoq. Tuungassaq iserfissaq ima allaqqavoq: “Klik her for at deltage i mødet” taanna toornialerukku eqqaamallugu (ctrl) tooqqassangakku.
