airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Innuttaasunut immikkoortortaqarfik


Isumaginninnermut Aqutsisoqarfiup innuttaasunut neqeroorutai Innuttaasunut immikkoortortaqarfimmit ingerlanneqarput. Innuttaasunut immikkoortortaqarfiup ilaatigut ingerlappai, Meeqqanik kinguaassiutimikkut atornerlunneqarsimasunik katsorsaasut angalaqatigiittartut aamma Inersimasunik kinguaassiutimikkut atornerlunneqarsimanermit kingunerlutsitsisunik katsorsaasut angalaqatigiittartut. Immikkoortortaqarfiup isumaginninnermut tunngatillugu oqarasuaatikkut siunnersuineq, Tusaannga, akisussaaffigaa.

Innuttaasunut immikkoortortaqarfik immikoortunut pingasunut agguarneqarsimavoq:

  • Ataqatigiissaarineq
  • Innuttaasunut Sullissivik - Suliniut 10: Meeqqanut inuusuttunullu atugarliortunut kinguaassiutitigut atornerlunneqarsimasunut katsorsaanissamut neqeroorut pitsanngorsarneqassaaq, aamma Suliniut 16: Inersimasunut meeqqanut inuusuttunullu 18-it inorlugit ukiulinnut kinguaassiutitigut kannguttaatsuliornermik pissusilersortartunut katsorsaanermik sullissivimmik pilersitsinissaq
  • Ilaqutariinnut immikkoortoq - Suliniut 8: Meeqqanut ornittagassaannik misiliutitut pilersitsineq, aamma Suliniut 9: Ilaqutariinnut Sullissiviit sulinerat meeqqanut, inuusuttunut ilaqutaannullu atugarliortunut siunnerfilerneqassaaq

Innuttaasunut immikkoortortaqarfimmi suliat pingaarnerit tulliuttut isumagineqarput:

  • Tusaannga aqqutigalugu isumaginninnerup tungaatigut oqarasuaatikkut siunnersuineq
  • Inersimasunik kinguaassiutimikkut atornerlunneqarsimanermit kingunerlutsitsisunik katsorsaasut angalaqatigiittartut
  • Meeqqanik kinguaassiutimikkut atornerlunneqarsimasunik katsorsaasut angalaqatigiittartut
  • Katsorsarneqarnissamut neqeroorut Alliaq inunnut nakuusertartunut saaffiginnippoq
  • Inatsisitigut ataataqanngitsunut katsorsaanissamut neqeroorut inatsisitigullu ikorfartuineq
  • Ilaqutariinnut immikkoortoq aqqutigalugu Ilaqutariinnut Sullissivinnut qimarnguinnullu piginnaanngorsaaneq
  • Inunnut meeqqanut inuusuttunullu kinguaassiutitigut kannguttaatsuliornermik pissusilersortartunut katsorsaanermik sammisumik ikorfartuinermik katsorsaanermillu neqeroorut sanarfineqarpoq

(Innuttaasunut immikkoortortaqarfik neqeroorutaalu pillugit paasissutissat uani atuarsinnaavatit)