airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Ulloq unnuarlu aamma Inissitsiterineq, Meeqqanut inuusuttunullu immikkoortortaqarfik


Ulloq unnuarlu aamma Inissitsiterineq, Meeqqanut inuusuttunullu immikkoortortaqarfik meeqqanut inuusuttunullu ulloq unnuarlu paaqqinniffinnik Namminersorlutik Oqartussanit pigineqartunik ingerlatsinermik tamakkiisumillu aqutsinermik isumaginnippoq. Immikkoortortaqarfik Qitiusumik Inissitsiterinermut Aaqqiissummik, ulloq unnuarlu paaqqinniffinnut Namminersorlutik Oqartussanit kommuninillu pigineqartunut namminerlu pigisunut inissitsiterinermut atorneqartartumik ingerlatsivoq. Ulloq unnuarlu paaqqinniffinnik Namminersorlutik Oqartussanit kommuninillu pigineqartunik namminerlu pigisunik akuersisarnermik immikkoortortaq aamma akisussaasuuvoq.

Immikkoortortaqarfik immikkoortunut sisamanut agguarneqarsimavoq:

  • Ineriartornermut immikkoortoq
  • Ingerlatsinermut Inissitsiterinermullu immikkoortoq
  • Ulloq unnuarlu paaqqinniffiit, meeqqat inuusuttullu
  • Nuna tamakkerlugu qimarnguit

Immikkoortortamit suliat pingaarnerit tulliuttut isumagineqarput:

  • Perorsaanermik siunnersuineq, inerisaaneq ilitsersuinerlu
  • Meeqqanut inuusuttunullu ulloq unnuarlu paaqqinniffinnut ilinniartitaaneq pikkorissaanerillu
  • Sanaartornermut, illuutinut aserfallatsaaliinernullu suliassat
  • Ulloq unnuarlu paaqqinniffinnik Namminersorlutik Oqartussanit pigineqartunik nalinginnaasumik ingerlatsineq
  • Ulloq unnuarlu paaqqinniffinnik akuersineq