airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Sullissisunik Siunnersuisarfik


Sullissisunut Siunnersuisarfiup pingaarnertut suliassaraa meeqqanut inuusuttunullu atugarliortunut tunngatillugit kommuninik siunnersuillunilu ilitsersuineq, taamaaliornikkut suliassaqarfimmi inatsisitigut inunnillu sullissinermi suliatigut ilisimasanik periutsinillu nukittorsaanissaq anguniarneqarluni.

Sullissisunik Siunnersuisarfik immikkoortunut sisamanut agguarneqarsimavoq:

  • Suligasuartitaq Task Force
  • Siunnersuisartut
  • Ilaqutariinnut paarsisartunut tunngasut
  • Suliniut 5: Meeqqat inuusuttullu pillugit suliat suliarineqanngitsut ikilisarnissaat
  • Suliniut 6: Kommunini sullissinermik ikorfartuineq

Sullissisunik Siunnersuisarfimmi suliat pingaarnerit tulliuttut isumagin eqarput:

  • Meeqqat tapersersorneqarnissaannut inatsit naapertorlugu oqartussaasoqarfimmi suliamik suliaqartunut aqutsisuinullu siunnersuillunilu ilitsersuineq (oqarasuaat, e-mail imaluunniit Skype/Teams atorlugu)
  • Meeqqat tapersersorneqarnisaannut inatsit tunngavigalugu inatsisilerinermik pikkorissaaneq
  • Oqartussaasunik siunnersuineq, skabelonit ilitsersuutillu pillugit inatsisilerinermik pikkorissaanerit – nalunaarutinik, inunnik isumaginninnermi suliassanik suliaqarnermi (SFU) iliuusissatullu pilersaarutinik itinerusumik pikkorissaasoqarsinnaanera ilanngullugu.
  • Sulianut aalajangersimasunut tunngatillugu oqartussaasumik sulianik suliaqartunut aqutsisuinullu sulianik supervisioni atorlugu siunnersuineq
  • Sullissisunut ilitsersuut naapertorlugu oqartussaasuni sulianik suliaqartumik issiaqateqarluni ilitsersuineq
  • Annertuumik sumiginnaasoqarsimatillugu aamma meeqqanik inuusuttunillu kinguaassiutitigut atornerluineq pillugu suliani annertunerusuni kommunini ikiuunneq
  • Suliamik supervision atorlugu siunnersuineq
  • Ilaqutariinnut paarsisartunut tunngaviusumik pikkorissaaneq