airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Isumaginninnermut Aqutsisoqarfik pillugu


Isumaginninnermut Aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataaniippoq.

Isumaginninnermut Aqutsisoqarfiup ingerlatsinermut tunngasut aamma kommunini meeqqanik inuusuttunik innarluutilinnillu suliassaqarfinni suliassat pillugit ikorfartuinerit suliarisarpai. Isumaginninnermut Aqutsisoqarfik nuna tamakkerlugu sullissivoq ilaatigullu pitsaaliuinermik, katsorsaanermik, siunnersuinermik ilitsersuinermillu, nuna tamakkerlugu kommunini sulisunik pikkorissaanernik, ulloq unnuarlu paaqqinniffiit ingerlanneqarnerinik il.il. suliaqartarluni.

Isumaginninnermut Aqutsisoqarfik arfineq marlunnik immikkoortortaqarfeqarpoq:

  • Pinaveersaartitsinermik immikkoortortaqarfik Paarisa
  • Aningaasaqarnermut immikkoortortaqarfik
  • Allattoqarfik
  • Innuttaasunik toqqaannartumik sullissivik
  • Ulloq unnuarlu meeqqanik inuusuttunillu paaqqinnffiit
  • Sullissisunik Siunnersuisarfik
  • Inuit innarluutillit sullinneqarfiat

                                                                               Isumaginninnermut Aqutsisoqarfiup aaqqissuussaaneranik takussutissiaq:

Aqutsisoqarfiup aaqqissuussaaneranik takussutissiaq

(Immikkoortortaqarfiit ataasiakkaat pillugit saamiup tungaani toortagaq toorlugu itinerusumik atuarsinnaavatit)

Isumaginninnermut Aqutsisoqarfiup isumaginninnerup iluani pingaarnertut suliat makkua suliarisarpai:

 

  • Nuna tamakkerlugu ulloq unnuarlu meeqqanik inuusuttunik kiisalu innarluutilinnik paaqqinniffiit ingerlanneqarneri
  • Kommunit suleqatigalugit isumaginninnermik paaqqinniffiit allilerneqarneri
  • Inuit ajornartorsiutigisinnaasaasa pinaveersaartinneqarneri aamma katsorsarneqarneri
  • Kommuninik aqqutissiuussineq, oqaloqateqarneq aamma pikkorissartitsineq

Aqutsisoqarfiup ulloq unnuarlu meeqqanik inuusuttunillu paaqqinniffiit aqqanillit aamma ulloq unnuarlu innarluutilinnik paaqqinniffiit arfineq-marluk taakkualu ataani immikkoortortaqarfiit (satellitsit) ingerlappai.

(Ulloq unnuarlu meeqqanik inuusuttunillu paaqqinnffiit itinerusumik uani atuakkit)

(Ulloq unnuarlu innarluutilinnik paaqqinniffiit ataasiakkaat pillugit itinerusumik uani atuakkit)