Paarisami peqqissuseq pillugu ilinniarsimasunik siunnersorti, Birthe Rasmussen: ”Pikkorissarnerit iluatsilluartut misigisimavunga. Ilisimatusarneq aallaavigalugu paasisat ilisimasallu paasissallugit assut pingaartuupput aamma inuiaqatigiinni inuppassuit taakkua iluaqutigisinnaavaat. Pikkorissakkatsinnit amerlanerit meeqqanik inuusuttunillu ulluinnarni attaveqartartuupput aamma ullut tamaasa allanngueqataasarput. Pikkorissaanermi eqqarsartaatsikkut ilorrisimaarlunilu inuunermik samminnittoqarpoq, taakkualu inuiaat peqqissuunissaanik suliaqarnitsinni Inuuneritta III-mi pingaarutilinnut ilaapput”.
Birthe Rasmussen imminut toquttarnerup pinaveersaartinneqarnerani ilitsersuisutut pikkorissarnerup nalaani aamma ilinniarpoq.
Center for Folkesundhed i Grønland-imeersoq Arnârak Patricia Bloch imminut toquttarnerup pinaveersaartinneqarnerani ilitsersuisutut misilittagaqarluartoq pikkorissaanerup ineriartortinneqarnerani Kalaallit Nunaanni ilisimatusarnerit ilisimasallu pikkorissarnermi ilaatinneqarnissaannut akisussaaffeqarpoq. Kalaallit ilitsersuisut nutaat sisamaasut ilinniartinneqarneri aamma najukkami pikkorissaanissaminnut piareersimanissaannut periarfissat pikkorissaanerup ingerlanerani qulakkeersimavai.
”Peqqissuseq oqaloqatigiissutigalugu ilisimatusaatit siuarsarneqarnissaat sulissutigivarput, peqqinnermik siuarsaaniarluni suliniuteqarnermi aamma atuutilersitsinerni taakkua Kalaallit kulturiannik nukittorsaaneq tunngaviusumillu naleqartitanik aallaaveqartarput. Peqataasut akornanni taamatut suleriuseqarneq katsorsaatitut sunniuteqartartoq erseqqissumik maligisinnaasarpara, tassami imminut toqunnissamik eqqarsaatinik, imminut toqoriaraluarnernik aamma imminut toqussimasunut qanigisaqarpassuaqarnerput amerlasuujulluta sunnertissutigisaratsigu. Taamaattumik kalaaliullunga akademisk uddannelseqarlunga suleriaatsit piginnaasallu inerisarneqarnissaannik suleqataanera assut pingaaruteqarpoq, taamaaliornitsinni naleqartitaavut kulturerpullu akuerineqartarmata. Taakkua kajungilersittarpaannga nukittortittarlungalu”.
Kommune Kujallermi pinaveersaartitsisut aqutsisuannut, Helga Nielsen-imut tamanna taamaattumik assut naammagisimaarnarpoq, taassuma kalaallisut oqaasilinnik pikkorissartitsisoqarnera aamma pingaartuusoq erseqqissaassutigaa: ”illoqarfinni nunaqarfinnilu pikkorissaanerit taamaatutt pisariaqartippavut, tassami pikkorissaqataasut oqaatsit ilitsoqqussatik atorlugit oqalussinnaaniassammata. Kommune Kujalleq-rmi innuttaasut inoorususseqalernissaat anguniassallugu siunniupparput aamma pikkorissarnerit taamaattut siunissami pisarnissaat maanna qulakkeersinnaalerparput”.
Attaveqarfigineqarsinnaasut
Kommune Kujalleq: Helga Nielsen, oqarasuaat 64 53 67
Paarisa: Tina Evaldsen, www.paarisa.gl, oqarasuaat Tlf. 56 55 09
Center for Folkesundhed i Grønland: Arnârak Patricia Bloch, www.folkesundhed.gl, oqarasuaat +47 4548 2579