Inuunerissaarnerup qulaajaaffigineqarneranik qarasaasiaq atorlugu sakkup TOPI-p Ilulissani Qeqertamilu atuutilersinneqarnera

- Atulernissaanut qilanaarpunga Meeqqat atualertussanut atoraanni aamma meeqqat paarisimagaanni atuarfimmi aallartilluarnissaat kissaatigineqartarpoq, taamaalillutik asuli pisoqanngitsoq qulakkeerniarneqartarpoq, ikaarsaariarnermi atortorissaarutip atulernissaa assut qilanaarivara, aaqqissuussamik TOPI-mik sulisoq atuisimasoq oqaaseqarpoq.

Sakkoq piffissami aalajangersimasumi misilerarneqarpoq, 2021-p naaneraniit 2022-p aallartinneranut, misileraanermi ulluunerani neqeroorutit tallimat, Ilulissani Saqqamilu atuarfiit marluk kiisalu meeqqerisoq peqataapput. Piffissaq misileraaffiusoq naammat kommunip sakkoq kommunimi tamarmi atuutilersinneqassasoq kissaatigalugu sulineq nanginneqassasoq nalunaarpoq. Taamaattumik piffissaq misileraaffiusoq 2022-miit 2023-mut sivitsorneqassasoq isumaqatigiissusiortoqarpoq. Kommunip sinnerani atuutilersitsineq aggulullugu pissaaq, aamma Ilulissani Qeqertamilu ulluunerani neqeroorutit sinneri aallarniutigineqassapput.

TOPI-p atuartitsissutigineqarnerani sulisut amerlasuunik oqaloqatigiissuteqarnissaanik aamma suliat aallaavigalugit isummanik paarlaasseqatigiinnissaannut tunngaviliivoq, matumani meeqqap atugarissaarnerata nalilersorneqarnissaa aallaaviusarluni. Sulisut tamarmik atuartitsinermi assut nuannaarnertik takutippaat aamma sakkup atoruminartuuneranik oqariartuuteqarput, taama naliliinerminni massakkut suleriusigineqartoq sanilliunneqartarpoq; tassani immersugassat assigiinngitsut pappilissallu assaannarmik allattorneqartarneri mianernarsinnaasarluni, tassami pappilissat tammarsinnaasaramik. Misileeqataasut ilaat ataaseq tassunga atasumik ima oqarpoq:

- Ulluinnarni suliarisartakkavut uteqqiinnartarpavut aamma ulluinnarni iliuuserisartakkavut pappiliartaqanngitsut suliariinnartartussaavavut, aamma oqinnerujussuuvoq, taamaattumik assut nuannerpoq.

Meeraaqqerivinni, meeqqerivinni atuareernerullu kingorna ornittakkani sulisut katillutik 109-t TOPI-p atuartitsissutigineqarnerani maanngamut peqataanikuupput. Sulisut qarasaasiaq atorlugu sakkup atuartitsissutigineqarnerani peqataasut tamarmik sakkup assut iluaqutaanerarpaat aamma sulinerminni atulernissaanut qilanaarrapput. Sulisut piffissami misileraaffiusumi siullermi peqataasut oqarput perorsaasutut sulinerminni aaqqissuussaanerusumik ilusilersugaanerusumillu sulisarlutik kiisalu perorsaasutut sulinerminnut tamanna pitsanngoriartitsisimasoq. Sulisut oqarput nalinginnaasumik sulisarlutik, massakkulli qarasaasiaq atorlugu sakkoq TOPI atuinnartarlugu, tamannalu oqinnerulerpoq sulianillu tamanik takunnissinnaanerulersitsivoq.
Meeqqat 0-18-p Avannaata Kommunia sulisuilu soqutiginninneranut aamma sulianik ilisimaarinninnerujussuatik avitseqatigiissutigimmatigit qujaffigai, taamaalilluta suliniutit inerisarnissaat ataatsimoorullugit sulissavavut, Kalaallit Nunaanni meeqqanut tamanut iluaqutaalersillugit.