Kommunit qanimut naapinnerat suliaminnut atatillugu imminnut immersoqatigiiffittut avitseqatigiiffittullu atorpaat. Tassani Inatsit naapertorlugu suleqatigiissutissat assigiinngitsut ersarissarneqarlutik ass. Inatsisartut Inatsisaat nr. 16 suliareqqinnerani ilassutigerusunneqartunik Kommuninut aallertoqarpoq, Paarisamiit TOPI-mut tunngasut saqqummiunneqarput, minnerunngitsumillu Inatsisartut Inatsisaat nr. 16 aallaavigalugu, meeraq imaqarluartumik peqqissumillu ineriartornissaanut massakkumiit qanoq pitsaanerusumik suleqatigiinnissap inerisarnissaanut sakkussanik saqqummiisoqarpoq oqallittoqarlunilu, ass. Meeqqap Ineriartornermini Inissisimaffianut Misissuutit (MIIM 3 & MIIM 5), kiisalu Meeqqap Mappia pillugit.
Naapinnermi ulloq kingulleq 30 sept. Suliniut 3 aallaavigalugu isumasioqatigiinnertut ingerlanneqarpoq, tassani suliniutini assigiinngitsuni tamani aqutsisuusoq kiisalu Qallunaat Nunaanniit Praksiskonsulent-itut atorfillit, Suliniut 3-mut atatillugu aallaqqaataaniilli suleqatigisagut peqataatigineqarlutik.
Kommunit siusikkukkut pilertortumik iliuuseqarneq pillugu suleriaatsiminnik imminnut avitseqatigiipput, kiisalu Suliniut 3 pillugu isumaanik killiffiannillu angalasartoqatigiit sinnerlugit suliami aqutsisoq saqqummiivoq, naggataatigullu Qallunaat Nunaanniit STUK-kikkut Praksiskonsulent-it suleqatigut (STUK – Praksiskonsulenter fra Styrelsen for Undervisning og Kvalitet i det danske Børne- og Undervisningsministerium) suleriutsiminnik saqqummiillutik.
Naapinneq oqallinnermik aallaaveqarpoq, isummanik sulianik avitseqatigiiffittut ingerlanneqarluni. Taamaattumik naapinneq peqataasuniit iluatsilluartutut amerlanertigut nalilerneqarpoq iluarisimaarneqarluni. Pingaarnertut peqataasut Suliniut 3-mut qujamasuutitik annguppaat, isumaqatigiissutigivaallu siunissami Suliniut 3-mut piginnittunngortussaanertik tigulluarlugu, maannakumiit Isumaginninnermi Aqutsisoqarfik Kommunillu suleqatigiinnerat siunissami akisussaaqatigiittumik ingerlanneqaqqissasoq.