Suleqatigiissitaq sulerusussuseqartoq nuna tamakkerlugu MISI-mit inuttalersugaasoq Meeqqat inuusuttullu tarnimikkut napparsimasut immikkoortortaqarfia suleqatigalugu, Kalaallit Nunaanni meeqqat inuusuttullu tarnimikkut nalinginnaanerusunik nappaatillit upernarsaasikkat pillugit paasissutissanik inerisaasimapput. Suliaasa inerneraat quppersagaaqqat qulingiluat naatsunik oqaasertallit, taakkua qanigisanut sulianillu sulialinnut pingaarutilinnik paasissutissanik innersuussutinillu imaqarput. Innersuussutit taakkua tapersersuinermut ineriartortitsinermullu annerusumik isiginiartuupput.
Suliniut taanna Psykiatrifonden-imit paasissutissanik naleqarluartunik aallaaveqarpoq, taakkua inuiaqatigiinni pisariaqartitanik matussusiisinnaanngorlugik peqqissaartumik naleqqussagaapput nutserneqarnikuullutillu. NunaFonden-imit tukkortumik tapiissuteqarneq tunngavigalugu suliniutip pingaarutillip uuma aningaasalersornissaa periarfissaqalersimavoq.
Suliniutip taassuma Kalaallit Nunaanni meeqqat inuusuttullu tarnimikkut peqqissuunissaannik ilisimaarinninnerup alliartornissaa anguniagaraa kiisalu tapersersorneqarnissaminnik pisariaqartitsisut tapersersorneqarnissaat aamma anguniagaralugu. Paasissutissat siunissami kinguaariinni peqqinnarnerusumik tapersersuinerusunillu avatangiiseqarnissaannut tapertaanissaat anguniagaavoq.
Isumaginninnermut Aqutsisoqarfiup nittartagaani quppersagaaqqat aakkiit paasissutissanillu amerlanernik ujaasillutit.
Qanigisanut sulianillu sulialinnut quppersagaaqqat qulingiluat: Meeqqat inuusuttullu tarnimikkut nappaatilittut uppernarsarneqarsimasut pillugit paasissutissat
MISI-mit suleqatigiissitaq pilersinneqarpoq aamma Meeqqat inuusuttullu tarnimikkut napparsimasut immikkoortortaqarfiat suleqatigalugu quppersagaaqqat qulingiluat Kalaallit Nunaanni meeqqat inuusuttullu tarnimikkut nappaatilittut uppernarsaaserneqarsimasut pillugit paasissutissat pingaarutillit aamma tapersersuinermut inerisaanermullu innersuussutit saqqummersippaat.
13. oktober 2023
