Ilaqutariinni aqqutissioqatigiinneq

Isumaginninnermut Aqutsisoqarfik sulinermi periuser­tut atorneqarluarsinnaasorujussuartut isigaat, isumaginninnermi sulinermi atorneqarsin­naasoq.

Periaatsip ilaqutariinni ataqatigiimmik aaqqissuussaanerat aallaavigaa, tamanna kalaallit ilaqutareeriaasaannut naleqqulluartuuvoq.

Aammat­taaq periaaseq isumalluutinik qitiutitsivoq, tassani ilaqutariit attaveqaqatitik ilagalugit, pilersaarusiortussaammata, meeraq imaluunniit inuusuttoq ikiorserniarlugu qanoq iliortoqarsinnaanersoq.

Ilaqutariinni aqqutissioqatigiinneq ilaqutariit meeqqallu oqaasissaqaqataanerinik aqqutissiuisarpoq, periarfissiisarlunilu siumut sam­misumik aalajangiisumik ingerlariaqqittoqarnissaanik.

Atuagaq najoqqutassaq ugguuna aaneqarsinnaavoq

Ilaqutariinni aqqutissioqatigiinneq sunaava?

Ilaqutariinni aqqutissioqatigiinneq aalajangiinermut periaasiuvoq atorneqartartoq, meeraq immikkut ittunik ajornartorsiuteqaraangat. Ilaqutariinni aqqutissioqatigiinneq periusaavoq angajoqqaat meerarlu qanigisatik peqatigalugit namminneq pilersaarusior­figisinnaasaat aamma pilersaarusiaminnik naammassillugu piviusunngortitsisinnaafiat.

Ilaqutariinni aqqutissioqatigiinneq aalajangiinermi ingerlatsinermi killiliineruvoq katsorsaariaatsimik eqqartuinngitsoq.

Ilaqutariinni aqqutissioqatigiinneq neqeroorutigineqar­sinnaavoq, meeqqap peqqissusaa, alliartornera ineriartorneralu eqqasunnaraangat navia­nartoqaraangalluunniit. Periaatsip aallaavigaa ilaqutariit tamarmik isumalluuteqarnerat aamma ilaqutariit isumaginninnermi ajornartorsiutillit. Ilaqutariinni aqqutissioqatigiinner­mi ilaqutariit ilaquttaminnik, ikinngutiminnik imaluunniit inunnik allanik meeqqap inuune­ranut pingaarutilinnik naapiffigaat. Peqataasut tamarmik, meeqqap aamma ilaqutaasut inuunerat qanoq pitsannguiffigineqarsinnaanersoq Ilaqutariinni aqqutissioqatigiinneq pisarpoq ilaqutariit aamma ilinniarsimasut attaveqaataasartut peqatigalugit.

Ilaqutariinni aqqutissioqatigiinnermi tunngaviit pingaartut

Ilaqutariinni aqqutissioqatigiinneq tunngavinnik pingaartunik sisamanik tunngaveqarpoq.

- Ataqatigiissaarisoq, ingerlatsivimmut naleqqiullugu nammineerluni inissisimavoq, ilaqutariinni aqqutissioqatigiinnermik pilersaarusiornermik aamma naammassinninner­mik ilaqutariinnik ikiuuttartoq.
- Ilaqutariit qanigisaat, meerarlu, aqqutissioqatigiinnermi peqataassapput.
- Ilaqutariit kisimiillutik, atorfilittat ilinniagaqartunit akuleruffigineqaratik, aqqutissio­qatigiinnermi apeqqutinut akissutit eqqarsaatigissavaat akissutillu tunngavigalugit pilersaarusiussallutik.
- Ilaqutariit eqqarsaatersuutaat pilersaarusianngussapput, suliniuteqartullu aalajangiif­fissavaat. Pilersaarusiaq akuerineqassaaq, meeqqamut pitsaanerpaasussamik aker­liunngippat.
- Ilaqutariinni aqqutissioqatigiinnermi ataatsimiinneq attaveqaqatigiit ataatsimiinneranniit allaaneruvoq, ilaqutariit nammineerlutik aalajangertarmassuk kikkut aqqutissioqatigiin­nermut  peqataassanersut, aamma ilaqutariit nammineerlutik meeqqamut, atorfilittat ilinniagaqartut peqatiginagit, pilersaarusiortarput. Aallaaviuvoq pilersaarusiap suliniuteqar­tumit akuerineqarnissaa.

Isumaginninnermi siunnersortitut ilaqutariinni aqqutissioqatigiinnermik suliaqarneq »paasisimasaqarluartoq«-miit ajornannginnerulersitsinermut ingerlaneruvoq, tassa imaappoq inunnik eqimattakkaanik ataatsimoorussamik anguniagaqartitsinermik ikiuineq.

Periaaseq, ilaqutariinni aqqutissioqatigiinneq New Zealandimi ineriartortinneqarsimavoq, periaaseq 1989-miilli inatsisit malillugit pisussaaffiulersimavoq. Kisianni periaaseq nunani amerlasuuni allani aamma atugaavoq, soorlu Tuluit Nunaanni, Sverigemi, Norgemi aamma Qallunaat Nunaanni.