Innuttaasunut

Siusissukkut Suliniuteqarneq suua?

Siusissukkut Suliniuteqarneq angajoqqaanngornermi aamma angajoqqaatut tapersersorneqarnissamik, siunnersorneqarnissamik ilitsersorneqarnissamilluunniit pisariaqartitsisumut neqeroorut. Neqeroorut naartunermiit meeqqavillu marlunnik ukioqalernissaata tungaanut atuussinnaavoq.
”Ilaqutariinni naatsusortalinnut Siusissukkut Suliniuteqarneq”-mi peqataaguit ernisussiortumik, meeqqerisumik imaluunniit inunnik isumaginninnermut siunnersortimik angajoqqaanngorlaatut ernumassutitut unammillernatitallu pillugit oqaloqateqarnissamut periarfissaqarputit.
Siusissukkut Suliniuteqarneq inersimasunik sullisisunik sulisoqarpoq. Angajoqqaanngussaguit, meerartaannissamik pilersaaruteqaruit, aanngajaarniutinillu ajornartorsiuteqaruit, tarnikkut unammillernartitaqaruit, ilinniarnissamut siunissamullu periarfissat pillugit ilinnut ilaqutannullu pitsaanerpaamik ikiorneqarnissarsi siunnersorneqarnissarsilu pillugit sulianik suliaqartartunik assigiinngitsunik suleqatigiiffiusoq.

 

Qanoq iliorlunga ilanngussinnaavunga?

Ikorfartorneqarnissannik pisariaqartitsiguit ernisussiortorisat, ernisussiortup ikiortaa, meeqqerisoq, meeqqeerisumut ikiorti, imaluunniit najukkanni kommunimi meeqqanut inuusuttunullu sulianik suliarinnittartorisat attaveqarfigisinnaavatit.
Ilinnut nunaqarfimmiittumut peqataarusukkuit illoqarfimmi ernisussiortorisavit, ernisussiortup ikiortaa, meeqqerisoq imaluunniit meeqqerisup ikiortaata najugarisaanit innersuunneqarsinnaavutit.
Illoqarfinniit illoqarfinnut neqeroorutit assigiinngisitaarsinnaapput. Taamaammat illoqarfinni imaluunniit nunaqarfinni Ilaqutariinnut naartusortalinnut Siusissukkut Suliniuteqartut arlaat neqeroorutit sorliit periarfissaanersut paaserusukkukkit aperisinnaavutit.

Najukkanni kommunerisat pillugu attaveqarfissanut paasissutissat nassaarikkit

Nunap assingani illoqarfigisat imaluunniit nunaqarfigisat toorlugu attaveqarfissanut paasissutissat nassaarikkit.