airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Qimarnguinnut ingerlatsinermut tapiissutit


Ukiut tamaasa 15. januar qinnuteqarnissamut killigitinneqarpoq.
Qinnuteqaatit piffissamut killiliussap kingorna tiguneqartut suliarineqassanngimmata eqqumaffigissavat.

Qimarnguinnut tapiissutinik qinnuteqarit

Qimarnguinnik ingerlatsinermut aammalu suliniuteqarnernut allanut qimarnguinnut attuumassuteqartunut tapiissuteqartoqarsinnaavoq.

Tapiissutit qimarnguinnut pineqartunut ingerlatsinermut missingersuutit kommunalbestyrelsimit akuerineqartut tunuliaqutaralugit aalajangersarneqassapput. Tapiissutit annertunerpaamik qimarnguiit ingerlatsinermut aningaasartuutaasa 50 pct.-iannik annertussuseqarsinnaapput.

Sullissivinnut imminut pigisunut tunngatillugu, taakkua kommunalbestyrelsimut isumaqatigiissuteqarsimassapput.

Tassunga atatillugu qimarnguiit nassuiarneqarput tassaasut sullissiviit imminut pigisut nammineq siulersuisoqartut, arnanut imaluunniit angutinut, immaqa meeqqisartunut, nakuuserfigineqarsimasunut, nakuuserfigineqarnissamik sioorasaarneqarsimasunut imaluunniit ilaqutariinnut imaluunniit inooqatigiinnermut attuumassuteqartumik taamaaqataanik ajornartoortunut, najugaqarfiugallarnissamik siunertaqartut.

OBS: Ilanngussassat makkua piareersimatikkit. Qinnuteqaatinnut ilannguttussaavatit.

  • Ukiumut qinnuteqarfigineqartumut ingerlatsinermut missingersuutit
    - Nammineq akiliutissat imaluunniit allaniit tapersiissutit missingersuutini allassimassapput.
  • Ukiumoortumik naatsorsuutit akuerisaasut kingulliit ilanngunneqassapput. Ukiumoortumik naatsorsuutit pineqarpata, taakkua kukkunersiuisumit nalunaarsorsimasumit imaluunniit naalagaaffimmit akuersissummik allagartaqartumit kukkunersiorneqarsimassapput, aammalu kukkunersiuisup atsiornera uparuaanertaqassanngilaq

Ugguuna qinnuteqarit

 

NALUNAARUSIORNEQ AAMMA NAATSORSUUTIT

Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.
Nalunaarusiat uunga tapi@nanoq.gl nassiuguk aammalu allassavat ”nalunaarusiorneq”.

Kontakt Socialstyrelsen om spørgsmål til TAPI-tilskud

Apeqqutissaqarpit?
Isumaginninnermut Aqutsisoqarfimmut sianerfigiuk
Oqarasuaat: Benigne (+299) 342396 / Linda (+299) 345413