airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Alliap ammasarfini sivitsorpai

Septembarip aallaqqaataa aallarnerfigalugu, qanigisaminnut nakuusernermik kamaqqajaanermillu ajornartorsiuteqartut, ajornannginnerusumik Alliaq-mi katsorsartinnissamut attaveqarsinnaalissapput. Ammasarfiit sivitsorneqarput sapaatip-akunnera naallugu ullut tamaasa ammasartussanngorlugu.
1. september 2021

Maanna Alliaq ulluinnarni 9.00 – 22.00 (ataasinngornermit  – sisamanngornermut), tallimanngornermi 09.00 – 04.00, arfininngornermi 16.00 – 04.00 aammalu sapaammi 16.00 – 22.00 attavigineqarsinnaalerpoq.

Oqarasuaatit siusinnerusukkut ataasinngornikkut sisamanngornikkullu 20.00 - 22.00 akornanni ammasarsimapput.

Alliaq angutinut arnanullu qaniginerpaasaminnut nakuusertartunut kamaqqajaanermilluunniit ajornartorsiuteqartunut, nuna tamakkerlugu akeqanngitsumik neqeroorutaavoq.

Alliaq oqarasuaat 34 50 40 attavigineqarsinnaavoq imaluuniit annerusumik paasisaqarusukkaani www.socialstyrelsen.gl/alliaq takuneqarsinnaavoq.

Annertunerusumik paasisaqarusukkuit: Immikkoortortami pisortaq Lars Husted – mail: larh@nanoq.gl oqa.: (+299) 34 60 14