Tusaannga Facebook-imi aamma Instagram-imi

Tusaannga, Kalaallit Nunaanni nuna tamakkerlugu meeqqanik, inuusuttunik inersimasunillu oqarasuaat atorlugu siunnersarfik maanna nammineq Facebook-imi qupperneqalerpoq aamma Instagram-imi nittartagaqalerpoq. Tusaannga-p inuit attaveqaqatigiittarfiini nuisanerulernissaa siunertaavoq. Innuttaasut taamaalillutik Tusaannga-p neqeroorutai ajornannginnerusumik paasisaqarfigisinnaalissavaat aamma unamillernartut siunnersuisartunut apeqqutigikkajunneqartut pillugit paasisaqarsinnaalissapput siunnersuutinillu pitsaasunik pissarsisinnaalissallutik. Sapaatip akunneranoortumik paasissutissat nutarterneqartassapput aamma illit malinnaavigerusukkutsigut ugguuna malinnaasinnaavutit
www.facebook.com/tusaannga aamma www.instagram.com/tusaannga/