airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Isumaginninnermut Aqutsisoqarfiup meeqqanik inuusuttunillu suliaqarfimmi sulisut ilinniarsimanngitsut pikkorissartinneqarnissaannut neqeroorutai

Isumaginninnermut Aqutsisoqarfiup, kalaallit danskillu suleqatigiinnerannut ilaasoq, Suliniutaa 7 tunngavigalugu Perorsaanermik Ilinniarfik (PI/SPS) suleqatigiinnissamik 2021-mi ukiakkut isumaqatigiissusiorfigaa. Meeqqanik inuusuttunillu suliaqarfinni sulisut ilinniarsimanngitsut pikkorissartinneqartarnissaannik neqeroorfiginnittarnissaq isumaqatigiissutip imarivaa.
18. november 2021
Pikkorissarnerit sulisut peqataaffigisinnaasaat akeqanngitsumik ilaaniarluni nalunaarfigineqarsinnaapput. Pikkorissarnerit siulliit 2021-mi ukiukkut pissapput aamma piviusut aallaavigalugit piginnaasanik nalilersuinermik (PKV-imik) aamma modulikkaartumik pikkorissarnernik marlunnik imaqassapput. Kingulleq taanna paaqqinnittarfinni sulisunut ilinniarsimanngitsunut, meeqqanik inuusuttunillu inuuniarnermikkut atugarliortunik aamma sanngiitsutut inissisimasunik sullissisartunut, sammivoq.

Piviusut aallaavigalugit piginnaasanik nalilersuinerit sapaatip akunnerini 48 aamma 49 atorlugu Nuummi pissapput, tassani inuit 28-t peqataanissaat ilimagineqarpoq. Peqataasut ataasiakkaarlutik piviusut aallaavigalugit piginnaasaat (sulinermik misilittagaat aamma ilinniarsimasat) nalilersorneqarnissaat tassani siunertaavoq, isumaginninnermut ikiortip ilinniartinneqartarnerani ilinniagassatut siunertat aamma tassunga ilinnialernissamut piumasaqaatit nalilersuinermi aallaavigineqassapput.

Taakkua saniatigut ilaqutariit illuini, ulloq unnuarlu paaqqinnittarfinni aamma innarluutilinnut paaqqinnittarfinni sulisut iliniarsimanngitsut Ilulissani sapaatip akunnerini 46-mi aamma 47-mi modulini marlunni pikkorissartinneqassapput. Modulini taakkunani marlunni inuit 26-t peqataanissaat ilimagineqarpoq. Modulit ilinniagaqalersinnaamut nalilersuinermi tamatuma kingorna ilanngunneqarsinnaapput, soorlu assersuutigalugu socialhjælperitut ilinniarsinnaanermut.

Suliniut 7 pillugu paasissutissat amerlanerit
Meeqqanik inuusuttunillu suliaqarfimmi sulisut piginnaasaminnik tamanik takunnissinnaalernissaaminnut inerisaaffigineqarlutik neqeroorfigineqarneri aamma neqeroorutit paaqqinnittarfinni kommuninilu pisariaqartitanik naammassinnissinnaanerinik qulakkeerinninnissaq Suliniutip 7-p siunertarivai.
Taamaattumik Suliniutip suliassartaasa ilaat ataaseq tassaavoq sulisut ilinniarsimanngitsut pikkorissartinneqartarnissaannik pilersitsineq, taamaaliornermi sulisut arlallit suliaqarfimmi iluanni piginnaasaannik pitsanngorsaanissaq qulakkeerniarneqarpoq.

Pikkorissaanernik pilersitsinerit suleqatigiinnermut aallarnisaaffiupput, RKV-inik arlalinnik suliaqartoqarlunilu ukiuni tulliuttuni modulikkaartumik pikkorissaasoqartassaaq.

Paasissutissanik amerlanerusunik pissarsiniarlutit uunga attaveqarit:
Isumaginninnermut Aqutsisoqarfiup allattoqarfia:

Allattoqarfiup pisortaa, Sheila Flyckt Steen
Oqarasuaat: 54 66 66
Maili: iass@nanoq.gl