airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Katsorsartinnissamik neqeroorut Klinik Kililiisa ammarpoq

Klinik Killiliisa tassaavoq inersimasunut, meeqqanik inuusuttuaqqanillu kinguaassiuutitigut kannguttaatsuliornermik pissusilersortartunut, imaluunniit kinguaassiutitigut kannguttaatsuliorusullutik eqqarsaatersortartunut nuna tamakkerlugu akeqanngitsumik katsorsaanissamik neqeroorut. Klinikki ulloq 21. apriili ilassinninnertalimmik aammalu Meeqqanut, Inuusuttunut, Ilaqutariinnut Peqqinnissutsimullu Naalakkersuisoq Mimi Karlsenip oqalugiarneratigut ammarneqarpoq.
12. maj 2022

 

Klinik Killiliisa-p ammarneqarnera iliutigalugu Kalaallit Nunaanni innuttaasut kinguaassiuutitigut katsorsartissinnaalernerat nutaajuvoq.    Taamaattorli katsorsaaneq pinaveersaartitsinerlu suliniutaapput pingaarutillit.  Tamanna pillugu Mimi Karlsen ima oqarpoq: 

”Klinik Killiliisa tassaavoq ini neriuummik nassaarfiusinnaasoq.   Ini pitsaanermik inuuneqalernissamik pilersitsiviusoq.  Ini paqumigisanik eqqartuiffiusinnaasoq.  (…) Meeqqanik inuusuttuaqqanillu kinguaassiuutitigut atornerluisarnermut akiuiniarluni katsorsaanissamik neqeroorut una pingaaruteqarluinnarpoq.” 

”Meeqqat ikinnerit kinguaassiuutimikkut atornerlunneqartalissapput, inuit meeqqat kinguaassiuutaasigut eqqarsaasersortartut ikiorserneqartuuppata.  Katsorsaaneq kannguttaatsuliortup kannguttaatsulioqqinnginnissaanut ikiuutaasinnaavoq.  Taamaattumik katsorsaasariaqarpugut.  Taanna pilersinneqarpoq meerartatsinnik illersuiniarluni.

 

Kina kannguttaatsuliortarnersoq aamma sooq inuup meeqqat inuusuttuaqqallu kannguttaatsuliorfigisarnerai eqqarsaatigissallugu aamma pingaartuuvoq.  Taamaattumik pitsaanerpaamik ikiuisinnaaniassagatta Klinik Killiliisa-mi innuttaasut pillugit ilisimasat sammineqassapput.   Inuit kannguttaatsuliortartutut pissusilersortartut kisitsisinngorlugit pigineqarneri ajoraluartumik alianarput.  

”Kanngutsaattuliortut pingajuat nammineq meeraallujni kannguttaatsuliorfigitissimasarpoq.  Taakku uagut akisussaaffigaavut.  Meeraallutik ikiorserneqarsimannginnerinut uagut ikiussallugit akisussaaffeqarpugut.  (…) Nammineerluni alliartornermi qanoq atugaqarnissaq toqqarneqarsinnaaneq ajorpoq.  Imaluunniit sumik misigisaqarnissaq toqqarneqarsinnaaneq ajorluni.”  Taama Mimi Karlsen oqarpoq. 

 

Innuttaasut ikiorneqarnissaminnik pisariaqartitsisut Klinik Killiliisa-mut nittartakkatsinni attaveqarnermut immersugassaq atorlugu Attaveqarnermi immersugassaq (socialstyrelsen.gl) atorlugu saaffiginnissinnaapput. 

Sulisut apeqquteqarlutik mailimut uunga allallutik klinikkilliliisa@nanoq.gl saaffiginnissinnaapput.

 

Suliniutinut Klinik Killiliisa Kalaallit danskillu suliaqarfiisa tamarmik suleqatigiiinnerannut ilaavoq (nr. 16), taanna 2020-2023-mi atorunnaassaaq aamma Kalaallit Nunaanni meeqqat inuusuttuaqqallu inuuniarnermikkut atugarliortut inuunnerissaarnerunissaannik peqqinnarerusumillu ineriartornissaannut ikiuineq siunertaraa. 

 

Klinik Killiliisa pillugu itinerusumik apeqqutissaqaruit suliniummik aqutsisoq Simon Cordes ugguuna simc@nanoq.gl