airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Isumaginninnermi siunertanut tapiissutinik qinnuteqarnissaq ammavoq!

Sammisaqartitsinermut pilersaarutaasutut aningaasartuutissat annerpaamik affaat (50%) tapiiffigineqarsinnaapput. Meeqqat, inuusuttuaqqat ilaqutariilluunniit inuuniarnermikkut atugarliortut tapiissutinit iluaquserneqassapput. Kommuni, isumaginninnermi suliassaqarfimmi paaqqinniffik imminut pigisoq imaluunniit isumaginninnermi suliassaqarfimmut sammisoq kajumissutsimik suleqataaffiusoq peqatigiiffik sinnerlugu qinnuteqarsinnaavutit.
6. december 2022

Sumut tapiissutinik qinnuteqarsinnaavunga?

Ingerlartsinermut tapiissutit
PaaqqinniFfiit imminut pigisut, makkuninnga ingerlatsisut, ingerlatsinermut tapiissutinik qinnuteqarsinnaapput:

  1. meeqqat ornittagaat
  2. qimarnguiit
  3. nuna tamakkerlugu isumaginninnermi suliassaqarfimmi kajumissutsinik suleqataaffiusut peqatigiiffiit
  4. ilaqutariinnut paarsisartunut siunnersortimik atorfinitsitsinermi, ilaqutariinnut paarsisartunut suliassaqarfimmik kivitsinissamik siunertarineqartutut, ingerlatsinermut tapiissutit

 

Ingerlatsinermut tapiissutit suussusii Ingerlatsinermut tapiissutinik kikkut qinnuteqarsinnaappat?
Ornittakkat ingerlanneqarnerinut tapiissutit Neqeroorutit suussusii pillugit Meeqqanut tapersiisarneq pillugu inatsimmi §25 takukkit Ornittagaq, imminut pigisoq
Qimarnguinnut ingerlatsinermut tapiissutit, qimarnguiit pillugit nalunaarut takuuk Qimarnguiit, imminnut pigisut
Nuna tamakkerlugu kattuffinnut ingerlatsinermut tapiissutit Nuna tamakkerlugu isumaginninnermi suliassaqarfimmi kattuffiit
Ilaqutariinnut paarsisartunut siunnersortinut ingerlatsinermut tapiissutit Kommunit

Suliniutinut tapiissutit

Aamma suliniutinut tapiissutinik qinnuteqarnissamut periarfissaqarpoq. Suliniutit piffissami killilikkami sammisassaqartitsisut aamma paasititsiniaanerit, 2023-imi naammassineqartussat.

 

Suliniutinut tapiissutit suussusii Suliniutinut tapiissutinik kikkut qinnuteqarsinnaappat?
1. Pingaarnersiuineq 2. Pingaarnersiuineq Tamalaat
Paasititsiniaanerit aamma paasissutissiisuusumik sammisaqartitsinerit - inuttut ajornartorsiutinut kiisalu atornerluinermut malitseqartitsinernut tunngasut. Kommuni Isumaginninnermi suliassaqarfimmi paaqqinniffiit imminnut pigisut Isumaginninnermi suliassaqarfimmi peqatigiiffiit
Isumaginninnermi perorsaanermi neqeroorutit; Suliniutit aamma misileraalluni aaqqissuussinerit. Meeqqanut tapersiisarneq pillugu inatsimmi §25 takuuk. Kommuni, ornittagaq Isumaginninnermi suliassaqarfimmi paaqqinniffiit imminnut pigisut -
Qimarnguinnut atatillugu suliniuteqarnerit. Qimarnguiit Kommuni -
Kattuffiit isumaginninnerup iluani suliaqassaqarfiit pillugit paasititsiniaanermik siunnersuinermillu sammisallit. Nuna tamakkerlugu kattuffiit kajumissutsimik suleqataasartut - -
Atuagaaqqat, atuakkat assigisaallu kiisalu ilaqutariinnut paarsisartunut suliassaqarfiup nukittorsarnissaa pillugu isumasioqatigiinnerit. Kommunit - -
Sammisassat meeqqanut naleqqussakkat. Kommunit Isumaginninnermi suliassaqarfimmi paaqqinniffiit imminnut pigisut Isumaginninnermi suliassaqarfimmi peqatigiiffiit

 

Akuerineqarnissamut tungavigneqartartut

  • Aningaasanik tapiissutisinermi sullissat iluaqusiiffiussussat tassaassapput: meeqqat, inuusuttuaqqat aamma/imaluunniit ilaqutariit inuuniarnermikkut atugarliortut
  • Sammisassaq Kalaallit Nunaanni ingerlanneqassaaq
  • Kommuni imaluunniit suleqatigisat allat, minnerpaamik aningaasartuutit affaat akileeqataaffigisassavaat
  • Missingersuutit qinnuteqaammut naapertuutissapput. Kommunimit imaluunniit aningaasaliissuteqartumit allamit isertitat allat missingersuutit takussusissavaat (assersuutigalugu ilaasortat akiliutaat, aningaasaateqarfinnit tapiissutit assigisaallu)
  • Suliniutit aningaasanut inatsimmi siunertanut 30.10.49-imut imaluunniit 30.14.29-imut tunngasuussapput. Aningaasanut inatsimmi sammisassatut naatsorsuutigineqartut takukkit uani
  • Qinnuteqartoq kommunimi suliniuteqarfimmit, paaqqinniffimmit imminut pigisumit imaluunniit Kalaallit Nunaanni isumaginninnermi suliaqarfimmi suliaqartumit nuna tamakkerlugu kattuffimmit pisuussaaq
  • Kalaallit Nunaat tamakkerlugu tapiissutit agguaanneqartarnissaat Isumaginninnermut Aqutsisoqarfiup anguniagaraa
  • Sammineqartoq kommunit nalinginnaasumik ingerlatassatut pisusaaffigisaannit allaanerussaaq

 

Uku pillugit tapiissutnik qinnuteqarsinnaanngilatit:

  • Angalanerni ullormusiat
  • Sulinermi akissarsiassaraluanut annaasat
  • Aaqqissuussanut niuernermik tunngaveqartunut - matumani assersuutigalugu aaqqissuussinerit isernermi akiliuteqarfiusartut ilanngullugit
  • Sammisaqartitsinerit kulturimut tunnganerusut, assersuutigalugu atuakkanik saqqummersitsineq, isiginnaartitsinerit.
  • Suliniutit Kalaallit Nunaannut attuumassuteqanngitsut
  • Inuit nalinginnaasut imaluunniit niuerpalaartumik suliffeqarfiit tapiissutinik qinnuteqarsinnaanngillat
  • Sammisassat inuit inuuniarnermikkut atugarliortunut toqqaannartumik tapiissuteqartutut isikkullit Assersuutigalugu inuuniarnermikkut atugarliortunut assigisaannullu aningaasat, atisat, nioqqutissat, nerisassat, sunngiffeqarnerit
  • Akissarsianut assigisaanulluunniit imaluunniit siulersuisunut ilaasortanut, imaluunniit nuna tamakkerlugu kajumissutsimik suleqataalluni suliniaqatigiiffinni ilaasortanut allanut tapiissuteqartoqarsinnaanngilaq.