Killiliisa 2018-mi saqqummiunneqarmalli suliniutit amerlasuut pilersinneqarput. Kinguaassiutitigut atornerluinermut tunngasunik paqumigisaqarunnaarnissamut suliat ilaat ukuupput; sulisunut najoqqutassiaq, piviusulersaarusiaq, podcast isiginnaagassiarlu. Taavalu inunnik nukittuunik maligassiuisunik, maani nunatsinni namminneq misilittakkaminnik oqaluttuartunik suleqateqarneq. Ullumikkut meeqqamut inuusuttumulluunniit kinguaassiutitigut killissamik qaangiisimasumut, eqqarsaateqartartumulluunniit katsorsartinnissamik neqeroorut Klinik Killiliisa pilersinneqarnikuuvoq. Taanna neqeroorut pitsaalluinnartumik misilittagaqarfineqalereerpoq innuttaasunillu tigulluarneqarnikuulluni.
Killiliisap nalilersorneqarnerata takutippaa paqumigisaqarunnaarnissamut suliniutit iluaqutaasut, kinguaassiutitigullu akiuiniarnermut iluaqutaasut. Taamaattumik Killiliisap ataani suliniutit avitseqatigiinnermik imaqartut paasissutissiinerillu ingerlaannassapput.
Una tooruk