Siorna peqqissuunissaq ataatsimoornissarlu aallaavigalugit nuna tamakkerlugu aaqqissuussinerit ingerlanneqartut quianarlutillu ilikkagaqarnarsimapput. Aaqqissuussinerni meeqqat inersimasullu 300-rujut illoqarfinniit arfineq-pingasuniit nunaqarfinniillu 25-iniit najukkaminni peqataapput.
Sapaatip akunnera 18-ip siunertaraa imigassamik atuisarnerni imigassartornermilu ileqqulersortarnerni pissutsit illersuutitut sunniutartut eqqumaffiginissaat. Pissutsit illersuutitut sunniuttartut tassaapput avatangiisitsinni sunniutit pitsaasorpassuit uagut peqqinnartumik ineriartornissatsinnik siuarsaataasartut. Ilaatigut makkuusinnaapput:
- arlaannik sammisaqarneq
- peqatigiilluni arlaannik sammisaqarneq
- arlaannik isumalimmik iliuuseqarneq
Peqqinnartumik ataatsimoorfiusunillu aaqqissuussinerni pissutsit illersuutit ilaatinneqarsinnaapput assersuutigalugu pinngortitami aalanikkut, kulturerput sammisinnaavarput, ilaquttavut peqatigisinnaavavut, peqqumaatissanik katersisinnaavugut nereqatigiillutalu.
Inuit amerlasuut ataatsimoornerit sammisaqartitsinerillu kulturimik pingaartitanillu aallaavillit inuunerminni assut qiimmaallaatigisarpaat, najukkamilu inuiaqatigiinni meeqqat ilaqutariillu ataatsimoortitsinerni sammisaqartitsiviusuni isumalinnilu peqataagaangata eqqarsartaatsikkut tamanna peqqissunissaannut siuarsaataasarpoq.
Paasissutissanik sukumiinerusunik pissarsiniaraanni Paarisami immikkoortortaqarfiup pisortarigallagaa, Aviaaja Ravnshøj Johansen oqarasuaammut uunga sianerfigalugu attavigineqarsinnaavoq +299 34 67 48 imaluunniit e-mail-ianut uunga allaffigalugu: araj@nanoq.gl