airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Isumaginninnermut Aqutsisoqarfiup aaqqissuugaanerata allanngornera

Inuit innarluutillit sullissisuinik siunnersuisarnermik suliat Sullissisunik siunnersuisartunut nuupput aamma inuit innarluutillit ulloq unnuarlu paaqqinniffinnut neqeroorfigineqartarnerinut suliassat ulloq unnuarlu inissititerinermullu immikkoortortaqarfimmut ulloq 17.marts 2023-imi nuupput.
3. april 2023
Isumaginninnermut Aqutsisoqarfimmi innarluutilinnik sullissisunik siunnersuisartut immikkoortortaqarfiat atorunnaarsinneqarpoq aamma suliassat ulloq unnuarlu inissisititerinermullu immikkoortortaqarfimmut aamma sullissisunik siunnersuisarfimmut agguataarneqarput.

Isumaginninnermut Aqutsisoqarfiup taamaalilluni immikkoortortaqarfiit arfineq-pingasuniit immikkoortortaqarfinnut arfineq-marlunnut naleqqussarpai:
  • Meeqqanik Inerisaanermut immikkoortortaqarfik
  • Innuttaasunut immikkoortortaqarfik
  • Ulloq unnuarlu inissititerinermullu immikkoortortaqarfik
  • Paarisa
  • Sullissisunik Siunnersuisarfimmi Immikkoortoqarfik
  • Allattoqarfik
  • Aningaasaqarneq

Ulloq unnuarlu inissititerinermullu immikkoortortaqarfiup ulloq unnuarlu paaqqinniffiit ingerlanneqarnerinik aamma inunnut innarluutilinnut, meeqqanut inuusuttuaqqanullu ulloq unnuarlu paaqqinniffiit neqeroorutaannik nukittorsaasarpoq aamma taakkua pitsaassaannik qulakkeerinnittarpoq. Suleqatigiinnermik nukittorsaasarpugut, piginnaasanik qaffassaanissat pilersaarusiortarlutigit aamma forstanderit kommunillu peqatigalugit ingerlaavartumik pisariaqartitaanik qulaajaanerit misissueqqissaarnerillu tunngavigalugit suliniutinik ataqatigiissaarisarluta.

Meeqqat, inuusuttuaqqat aamma inuit innarluutillit pillugit ulloq unnuarlu paaqqinniffiinut saaffiginnissutit tamarmik uunga nassiunneqartassapput: uupi@nanoq.gl

 

Organisation diagrammi-veq Ulloq unnuarlu inissititerinermullu immikkoortortataqarfik

 

Sullissisunik siunnersuisarfik, kommunini sulianik suliaqartartunut taakkualu aqutsisuinut meeqqat, inuusuttuaqqat ilaqutariit, innarluutillit aamma angajoqqaarsiat pillugit sullinnerini siunnersuisarpoq, aqqutissiuussisarluni, suliat aallaavigalugit oqaloqatigiinneq atorlugu imaajaasarlutni aamma piginnaanngorsaallutik pikkorissasarluni.

Sullissisunik siunnersuisarfimmut saaffiginnissutit tamarmik uunga nassiunneqartassapput: suinnersuisarfik@nanoq.gl

 

Organisation diagrammi-veq Sullissisunik Siunnersuisarfimmi Immikoortoqarfik