Isumaginninnermut Aqutisoqarfik nalinginnaasumik suiaassuseq, immikkut inuiaassuseq, utoqqaassuseq upperisamullu tunngasunik assigiinngisitsineq ajormat. Tamanna meeqqanut ulloq unnuarlu paaqqinniffiini, Ulloq unnuarlu neqeroorutini Namminersorlutik Oqartussanit pigineqartunik ingerlatsinermi tamani piuvoq.
Sermitsiaq/AG-mi ilanngutassiami ulloq unnuarlu neqeroorut Ivaaraq, Ivaaqqami angutinik unnuarsiortartunik unitsitsigallartoqarnera ataasiaannarluni pisoq pineqarpoq. Taamaattoqarnera piffissami artornartumi angajoqqaat toqqissisimasumik pisariaqartitsineminnik kissaataannik akuerinninnermik aallaveqarmat.
Isumaginnermut Aqutsiqarfimmi nassuerutigaa angutinik unnuarsiortartunik unitsitsigallarneq angutit arnallu naligiissitaanissaat pillugu Inatsisartut inatsisaannik unioqqutitsinerummat. Tassani inatsimmi § 2-mi allaqqavoq inuk suiaassutsini pissutigalugu inummit allamit allatut suiaassusilimmit assigisaannik atugaqartumit ajornerusumik pineqarsinnaanngitsoq.
Ulloq unnuarlu neqeroorut Ivaaraq, Ivaaqqami angutinik unnuarsiortartunik unitsitsigallarneq suiaassusermik assigiinngisitsineruvoq. Isumaginninnermut Aqutsisoqarfik Ivaaqqamilu aqutsisut pisarnertut suleriaasermut uteqqittoqarnissaa qanimut sulissutigivaat.
Isumaginninnermut Aqutsisoqarfik sinnerlugu
Isumaginninnermut aqutsisarfimmi pisortaq Tina Evaldsen
Isumaginninnermut aqutsisoqarfiup isornartorsiuineq miserratiginngilaa
Sermitsiaq/AG-mi junip 13.-ni 2023 Ivaaqqami angutinik unnuarsiortartunik unitsitsigallartoqarnera pillugu ilanngutassiamut Isumaginninnermut Aqutsisoqarfik erseqqissaateqarniarpoq nassuiaateqarlunilu.
14. juni 2023
