Akuersinermut inatsit inuiaqatigiinnut paasititsiniutitut ingerlanneqarnerani Paarisa siammarterisuuvoq. Inatsisip qanoq paasineqarnissaanik paasissutissiinissaq paasititsiniaanermi siunertaavoq; akuersineq qanoq paasisariaqarnersoq ilanngullugu paasititsiniaasoqassalluni.
Akuersineq tunniunneqarsimatinnagu kinguaassiuutitigut atornerlunneqartut inatsisitigut illersugaanerat inatsisip qulakkiissavaa. Taamaalilluni inuup kialuunniit nammineq timini pillugu aalajangiisinnaassuseqarnissaa aamma atoqatigiinnermi iliuuseqarnerit tamarmik illuatungeriinnit tamanit kajumissusernermik tunngaveqarnissaat qulakkeerneqarput.
Akuersinermut inatsip ukua allanngortissavai 1) atoqateqarluni iliuutsit aamma innarligassaannginneq pillugit inuup nammineq aalajangiisinnaatitaanera, 2) misissueqqissaarnerit pineqaatissiillunilu suliat illuatungeriit tamarmik namminneq kajungillutik atoqatigiinnermi iliuuseqarsimanerinik samminninnerulissapput aamma pinerliivigineqartup akersuussimaneranik samminninneq atorunnaarsinneqassaaq aamma 3) akuersinermut inatsip pinerliivigineqartut, akersuussimanngitsut pinngitsaalisaallutik atoqatigineqarsimanerminnik imaluunniit pinngitsaalisaalluni atoqatigineqariarsimanermik tunniussinissamik periarfississavai.
Paarisa: Akuersinermut inatsip paasititsiniutigineqarnera
Pinngitsaaliilluni atoqateqartarneq pinaveersimatinniarlugu akuerseqqaarluni atoqateqartarnissap inatsisitaa juulip ulluisa aallaqqaataanniit atuutilerpoq. Tamatuma kingunerisaanik inuk akuersinermik tunniussinngitsoq atoqatigineqarsimatillugu pinerluttuliortulioqartalerpoq.
7. juli 2023
Pinngitsaaliilluni atoqateqartarneq pinaveersimatinniarlugu akuersisitseqqaarluni atoqateqartarnermut siunnersuut
Paasititsiniaaneq
Paarisa atortulersuutit, soorlu oqarasuaatip angallattakkap PopSockets-ii, usuup puui, allagartarsuit il.il. atorlugit akuersineq sammillugu sapaatip akunnera SEX-mi paasititsiniaalluni aallartippoq.
Juulip ulluisa aallaqqaataanniit www.paarisa.gl/akuersineq qupperarsinnaavat, tassani makkua atuarsinnaavatit:
- Meeqqanut, inuusuttunut inersimasunullu aalasuliat
- Akuersineq pillugu apeqqutigineqakulasut
Nittartakkami aalasuliaq taanna isiginnaaruk aamma aalasuliat allat isiginnaakkit - aalasuliat juulip ulluisa aallaqqaataanniit KNR-imi aamma isiginnaarsinnaavatit:
Paarisa.gl/Akuersineq-rmukarit