Aalasuliap aappaani Ida, ineriartornermigut kinguarsimasuusoq pineqarpoq, taamaammallu nammineq timimini aamma misigissutsimini susoqarnersoq paasiuminaatsissinnaasarlugu. Aalasuliallu aappaani Nikolaj, qaratsami ajoquteqarnikkut nukinnik aqutsisinnaannginnermik nappaatilik (cerebral parese), pineqarpoq tamatumalu ilaatigut kingunerisaanik, oqaatsit atorlugit attaveqarnissamik ajornartorsiuteqartarpoq. Najoqqutassiami qulequttat nassuiarneqartut sammineqartullu aalasulianit saqqummiunneqarput.
Meeqqani assigiinngitsunik innarluutilinni, misigissutsinik timimiittunik oqaasinnguinissamik imaluunniit paasinninnissamik ajornartorsiuteqarsinnaasartuni, ersiutit qisuariaataasartullu aalasulianit assersuusiorfigineqarput. “Meeqqanut innarluutilinnut nakuusertarneq aamma kinguaassiuutitigut atornerluisarneq” pillugit najoqqutassiami sammineqartunut aalasuliat marluusut saqqummiussisuupput.
Pisortat oqartussaaffiini sulisunut, meeqqanik innarluutilinnik imaluunniit ineriartornermikkut kinguarsimasunik sullissisunut, najoqqutassiaq perorsaanikkut atugassiaavoq naleqqussagaasoq. Tamatuma saniatigut atornerluinerup pitsaaliunissaanik, paasiniarnissaanik isumaginiarnissaanillu suliaqarnissamut perorsaasut atorsinnaasaminnik peqalissapput. Taakkunani ersiutit qisuariaatillu suut sulisut eqqumaffigisariaqarneraat aamma nassuiarneqarput. Kingullertut minnerunngitsumillu: Atornerluisoqarsimaneranik pasitsaassinerup suliarinissaanut malittarisassanik suliaqarnissamut immersugassamik nassaartoqarsinnaava.
Inunnik isumaginninnermut aamma innarluutilinnik suliaqarfimmi tunuliaqutaqartunit inunnit sulialinnit arlaqartunit atuagaq suliarineqarpoq. Najoqqutassiaq danskisuinnaq nassaassaavoq.
"Atuagaq najoqqutassaq meeqqat kinguaassiuutitigut atornerlunneqarsimasut pillugit sulianik ilisimasalinnoortoq" Kalaallit Nunaanni meeqqanik inuusuttunillu sullissisartunit inunnit suliaqartunit allanneqarsimasumik Killiliisaq najoqqutassiamik saqqummersitsinikuuvoq. Saqqummersitaq taanna danskisut kalaallisullu nassaassaavoq.
Paasiniaanermut pinaveersaartitsinermullu aalasuliat najoqqutassiallu
Meeqqanut innarluutilinnut kinguaassiuutitigut atornerluinernik paasiniaanermut pinaveersaartitsinermullu atugassiat aalasuliat najoqqutassiat marluk – maanna kalaallisuumut nutserneqarsimalersut – najoqqutassiamik ilaqartut Ulloq unnuarlu inissitsiterinermullu immikkoortortaqarfiup saqqummiuppai.
13. juli 2023
Uani "Atuagaq najoqqutassaq meeqqat kinguaassiuutitigut atornerlunneqarsimasut pillugit sulianik ilisimasalinnoortoq" aajuk]
Nakuusertarnermik kinguaassiuutitigullu atornerluisarnermik paasiniaanissamut pitsaaliuinissamullu atortussiaq ilaqutaasunit, suliffeqarfinnit allanit imaluunniit innuttaasunit aamma atorneqarsinnaavoq.
Meeqqanut innarluutilinnut nakuusertarnerup atornerluisarnerullu pitsaaliorneqarnissaanut aalasuliat najoqqutassiarlu takukkit uani