airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Siusissukkut Iliuuseqartarnermi sulisunut siunnersuisarfik ammarpoq

Meeqqanik Inerisaanermut Immikkoortortaqarfiup nuannaarutigalugu nalunaarutigisinnaalerpaa Siusissukkut Iliuuseqartarnermik suliaqartartunit utaqqineqarnikooqisumik siunnersuisarfimmik ammaanertik.
19. oktober 2023

Ilaqutariit naartusortallit Siusissukkut Iliuuseqarfigisarnerinik pilersaarutip killiffianik nalunaarusiami 2021-imi tamanut saqqummiunneqartumi atuarneqarsinnaavoq najukkami Siusissukkut Iliuuseqartartoqatigiit isumaginnittoqarfiup peqqinnissaqarfiullu kiisalu najukkami neqeroorutini allani isumalluutillu suleqatigiinniarnerinik unamminartoqartitsisoqartartoq.

Siusissukkut Iliuuseqartarnermut pilersaarutip immikkut ittumik siunertaanik tapersersuiniarluta sulisut Siusissukkut Iliuuseqartarnermik suliaqartartut, ilaqutariinnik naartusortalinnik Siusissukkut Iliuuseqartartoqatigiinni suleqataareersunut Siunnersuisarfimmik inerisaanikuuvugut; assersuutigalugu ernisussiortut, ernisussiortut ikiortaat, peqqissaasut, sundhedsassistentit, meeqqerisut, isumaginninermut siunnersortit, sulianik suliaqartartut, tarnip pissusaanik ilisimasallit, perorsaasut, perorsaasut ikiortaat, ilaqutariinnik katsorsaasartut, pinaveersaartitsinermik suliallit, pinngitsuuisinnaanngitsunik katsorsaasartut il.il..

Siunnersuisarfiup atuuffigissavai Siusissukkut Iliuuseqarluni sulinermi kiisalu suliassaqarfiit assigiinngitsut suleqatigiinneranni ajornartorsiummik aalajangersimasumik aallaaveqarluni siunnersuineq aqqutissiuussinerlu. Ajornartorsiutit makkua pillugit nalornissuteqarnermut imaluunniit ajornartorsiuteqarnermut tunngasinnaapput; suliamik suliaqarnermi aalajangersimasumik ajornartorsiuteqarneq, inatsit pillugu apeqqutissaqarneq, suliaq aalajangersimasoq pillugu isumasioqatissaqarneq il.il..

Siunnersuisarfik 12.oktober 2023-imiit saaffiginnittunut ammassaaq aamma siunissami marlunngornerit sisamanngornerillu tamaasa nal. 14-mit 16-mut ammasassaaq.

Maili oqarasuaalluunniit atorlugu saaffiginnittoqarsinnaavoq. Mailit ajornartorsiutip imartussusaa apeqqutaatillugu ingerlaavartumik akineqartarumaarput. Siunnersuisartut mailiat:

tidligindsats@nanoq.gl

Oqarasuaatikkut saaffiginninnerit:

Oqarasuaat: +299 251019 Marlunngorneq aamma sisamanngorneq nal. 14-p 16-illu akornanni.

Qarasaasianni paasissutissat ilaat atoqqissinnaajumallugit quppernermi matumani cookiet atorneqartarput. Akueriuk annertunerusumilluunniit uani paasisaqarit.