Isumaginninnermut Aqutsisoqarfiup maanna kommunit ilaqutariinnut innuttaasunullu atugarliortunut puigunaatsumik juullerpalaartitsinermik ingerlatsinissaannik kaammattorpai. Innuttaasut atugarliortut nuannaarnermik pissarsiffigisinnaasaannik juullerpalaartitsinermik ingerlatsinissamut aningaasanik tapiiffigineqarnissamik qinnuteqarnissamut kommunit maanna periarfissaqarput.
Tapiissutit matussusigassaat
Ininik attartornermut aningaasartuutit, juullimut pinnersaatit, nerisassat, juullerpaluttunik qiortaanermut atortussat soorunalumi puussiaaqqat mamartukujunnik imallit pinngitsoorneqarsinnaanngitsut tapiissutinit matussuserneqarsinnaapput. Tapiissutit taakku siunertaat tassaavoq, ulluinnarni ulapaarfiusumiit unillatsiarnissamik pilersitsinissaq aamma ilaqutariit atugarliortut juulleriartornerani kusanartumi nuannersumik misigisaqartinnissaat.
Tapiissutit matussusersinnaanngisaat
Taamaattoq Isumaginninnermut Aqutsisoqarfik sammisassanut aalajangersimasunut tapiiissutinik tunniussisanngimmat maluginiassallugu pingaartuuvoq. Tassunga ilaapput ileqquliussamik juullimi koorit aamma juullimi tunissutisiat, innuttaasunut inuuniarnikkut atugarliortunit aallussisumik peqataasoqartitsinani agguaanneqartartut. Taamatuttaaq innuttaasut akulerutsinnagit nerisassiornermut imaluunniit ataatsimoorlutik nereqatigiinnermut, nerisassat agguaanneqarnerinut tapiissutinik tunniussisoqarneq ajorpoq. Innuttaasunut aningaasanik agguaassinerit aamma tapiissuteqarfigineqarsinnaasutut isigineqanngillat, taakku ataatsimooqatigiittarnernut siuarsaaneq ajormata.
Isumagissavat
Juullerpalaartitsinermut puigunaatsumut tapiissutinik qinnuteqarnissat kissaatigigukku, sammisaqartitsinissamut missingersuummik kakkiussinnaasanik piareersimatitaqarnissat isumagissavat. Tamatuma qinnuteqaativit suliarineqarnissaa oqilisaatissavaa aamma inuit atorfissaqartitsinerpaajusut puigunaatsumik juullisiortinnissaannut aningaasat atorneqarnissaat qulakkiissallugu.
Apeqqutissaqaruit imaluunniit paasissutissanik amerlanerusunik pisariaqartitsiguit, Isumaginninnermut Aqutsisoqarfimmut saaffiginnissinnaavutit oqarasuaatip normuanut uunga sianerlutit +299 58 04 19, nalunaaqutaq 9.00-ip aamma 15.00-ip akornanni.
Maannakkut tapiissutinik qinnuteqarit! Ilaqutariinnut innuttaasunullu atugarliortunut juullerpalaartitsineq
Inunnut atorfissaqartitsinerpaanut juullip nuannaarutaanissaanut siammarterinissamut aningaasanik qinnuteqarnissamut kommunit kaammattorneqarput. Ilaqutariinnut innuttaasunullu atugarliortunut naleqqussakkamik juullerpalaartitsinernut tapiissuteqartarneq Isumaginninnermut Aqutsisoqarfiup ammarpaa.
15. oktober 2023
