Nakuuserneq ajornartorsiutinik aaqqiineq ajorpoq - Nakuuserneq ajornartorsiutinik pilersitsisarpoq.
Alliaq pillugu ilisimaarinninnissaq saaffiginnittartullu amerlinissaat anguniarlugu 2023-mi katsorsartinnissamut neqeroorutip annerusumik nittarsaanneqarnera pitsaasumik kingunilimmik ingerlasimavoq. Inuit qanigisaminnut sakkortuumik pissusilersortartut suli qassioqqissaarneri erseqqissumik ilisimaneqassangatinneqanngilaq. Aammattaaq 2023-p ingerlanerani aappariittut katsorsartittoqarsinnaaneranik apersuutiginnittoqarsimavoq.
Neqeroorut nuna tamakkerlugu neqeroorutaavoq Alliamiik, taanna innuttaasunut 15-leereersunik kamannermik misigisaqaraangamik naleqqutinngitsumik nakuusernermillu qisuariartartunut saaffiginnittuuvoq.
Alliaq pillugu tusagaqarnerorusukkuit ikiorneqarnissamulluunniit innersuunneqarusukkuit Alliaq oqarasuaatikkut uunga 80 11 99-mut sianerlutit akeqanngitsumik attavigisinnaavat. Oqarasuaat sapaatip akunnera tamaat nal. 9.00-imiit 21.00-imut sianerfigineqarsinnaavoq.