Matuma ataani Akileraartarnermut Aqutsisoqarfiup inuit pillugit paasissutissat qanoq suliarisarnerai atuarsinnaavat.
Paasissutissanut akisussaasoq
Isumaginninnermut Aqutsisoqarfik suliamik ingerlatsinermini inuit pillugit paasissutissat ilinnut tunngasut tigusartakkatsinnik imaluunniit illit nammineq qinnuteqaatinik tunniussinikkut aammalu arlaatigut Isumaginninnermut Aqutsisoqarfimmut saaffiginnissimanikkut inuit pillugit paasissutissanik tunniussimasannik suliaqarnissamut akisussaasuuvoq.
Inuit pillugit paasissutissat pillugit suliarinnissimanermut arlaannik apeqqutissaqaruit, uunga saaffiginnissinnaavutit:
Isumaginninnermut Aqutsisoqarfik
Postboks 1755
P.H. Lundsteensvej 2
3900 Nuuk E-mail:
iass@nanoq.gl
Oqarasuaat: (+299) 34 50 00
Inuit pillugit paasissutissaatitit sooq suliaraagut?
Isumaginninnermut Aqutsisoqarfik inuit pillugit paasissutissat suliassanik suliaqarnermini suliarisartagai. Inuit pillugit paasissutissatit pisortatigut oqartussatut suliaqarnitsinni, matumani assersuutigalugu qinnuteqaatinik suliaqarnerni suliarisarpavut. Isumaginninnermut Aqutsisoqarfiup qinnuteqaatini suliaqarnermini paasissutissat illit tunniussimasatit aallaavigalugit, imaluunniit oqartussanit allaniit paasissutissanik tunisinnerminit suliaqartarpoq. Nittartakkatigut iserasuarnermittaaq cookies aqqutigalugit aallertoqartarpoq.
Qarasaasiakkut paasissutissanik suliarinninnermi pitsaasumik ileqqoqarnissamut naapertuuttumik paasissutissat suliarineqassapput.
Maleruagassat suut aallaavigalugit inuttut paasissutissaatitit qanoq suliarisarpavut?
Inatsisitigut aallaavittut inummut paasissutissat pillugit suliarinninnermi inatsisit aammalu aalajangersakkat attuumassutillit aallaavigalugit paasissutissatit suliarisarpagut.
Isumaginninnermut Aqutsisoqarfik inuit pillugit paasissutissanik suliarinninnermini Inuit pillugit paasissutissanut inatsit Kalaallit Nunaanni atuuttumi maleruagassat aallaavigalugit suliaqartarpoq. Taakku uani atuarsinnaavatit.
Isumaginninnermut Aqutsisoqarfiup teknikikkut aaqqissuuseriaatsimilu pitsaanerpaat atorlugit inuttut paasissutissatit pitsaanerpaamik illersorniarpai. Taamaammat suliamik sullissinermi paasissutissat pisariaqartinneqartut kisimik inatsisitigut tunngaveqarlutik aanneqarsinnaasarput.
Inuttut paasissutissaatitit taamaallaat suliami pisariaqavissorpata aatsaat attorneqassapput. Arlaatigut illit pillutit paasissutissat eqqunngitsut imaluunniit kukkusut tigusimagutsigit, tamakku pisinnaasaq aallaavigalugu aaqqinneqassapput aammalu paasissutissatit allat takunnginniassagamikkit paarilluassavagut.
Isumaginninnermut Aqutsisoqarfiup inatsimmi kapitali 4 naapertorlugu paasissutissatit suliarisarpai, tassanilu suliaqarnermut maleruagassat ima inissisimapput.
Aallaavittut paasissutissat suliarineqaqqusaanngitsut
Inatsimmi inuit pillugit paasissutissat suliarineqaqqusaanngitsut ima tulleriiaarneqarput takk. § 7, imm. 1., imaluunniit inatsisip akuerippagu tak. § 7, imm. 2-8.
Inuit pillugit paasissutissat inatsisitigut tunngaveqarlutik suliarineqaqqusaanngitsut:
- nunami imaluunniit inuiannit kingoqqineq pillugit paasissutissat,
- politikikkut, upperisatigut isumaliortaatsikkulluunniit isummat.
- kattuffeqarnikkut attuumassuteqarfiit,
- inuup sananeqaataanut tunngasut,
- inuup ilisarnaataasigut kinaassuserseeriaatsimut paasissutissat, peqqissutsimut tunngatillugu paasissutissat,
- Kinguaassiutitigut suussusersiutit pillugit aammalu kinguaassiutitigut sammivimmut paasissutissat.
Pineqaatissiissutaasinnaasunut aammalu inuiaqatigiinni ajornartorsiutini inissisimavimmut paasissutissat suliarineri aammalu ingerlatitseqqinneq
Taamatuttaaq uatsinni pineqaatissiissutaasinnaasunut aammalu inuiaqatigiinni ajornartorsiutini inissisimavimmut paasissutissat suliarineri aammalu ingerlatitseqqinnermut maleruagassat atuupput. Aallaavittut paasissutissat taamaattut inatsisitigut tunngavissaqartinnagu suliarisinnaanngilagut.
Malittarisassat Inatsisip § 8-mi nassaassaapput.
Allagaatinik takunnissinnaatitaanermik pisinnaatitaaffiit
Isumaginninnermut Aqutsisoqarfik pisortatigut oqartussasut allagaatinik takunnikkumanermut, pisortat ingerlatsineranni suliassat suliarineqartarnerat pillugit inatsit naapertorlugu maleruagassat malittussaatitaavai, taamaammallu illit innuttaasutut allagaatinik takunnikkumasinnaatitaavutit.
Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni nr. 9, 13. juni 1994-imeersumi (pisortat ingerlatsineranni suliassat suliarineqartarnerat pillugit inatsit) malittarisassat malillugit allagaatinik takunnikkumallutit qinnuteqaatit suliarineqassaaq.
Isumaginninnermut Aqutsisoqarfimmut saaffiginnissimaguit, allagaatinik takunnikkumanermut suliamut atatillugu Isumaginninnermut Aqutsisoqarfiup paasissutissatit, allagaatinik takunnikkumanermut attuumassuteqassappata tuniussinnaatitaavai.
Isumaginninnermut Aqutsisoqarfiup inummut ataatsimut paasissutissat tamatumunngalu atatillugu aningaasaateqarniarnermut paasissutissat tunniussinnaatitaanngilai.
Pisinnaatitaaffitit pillugit uani paasisaqarnerusinnaavutit: Datatilsynip nittartagaa
Paasissutissanik inunnut tunngasunik toqqortaateqarnerit
Isumaginninnermut Aqutsisoqarfik pisortatigut oqartussatut suliamik allattuisussaatitaanermut malittarisassanut pisussaatitaavoq. Paasissutissat tamarmik ukiuni tallimani tigummineqartarput, tassanngaanniillu Naalagaaffiup allagaateqarfianut toqqortaatit pillugit inatsimmi maleruagassat naapertorlugit, tamatumalu saniatigut Statens Arkiver-ip tamatumunnga aalajangersagai naapertorlugit tunniunneqartarput. Tapiissutinut qinnuteqaatittaaq naatsorsuusiornermilu inatsisimmi maleruagassanut, tassa ukiuni tallimani allattorsimasuuteqarnermut atuuttumut ilaapput.
Naammagittaalliuuteqarnissamut ilitsersuut
Datatilsynimut Isumaginninnermut Aqutsisoqarfiup illit inuttut paasissutissaatitit pillugit suliaanik naammagittaalliuuteqarsinnaavutit. Pisuni amerlanerni Datatilsynip Isumaginninnermut Aqutsisoqarfimmut saaffiginneqqussavaatit.
Datatilsynimut naammagittaalliorniaruit immersugassaataatigut naammagittaalliorsinnaavutit. Datatilsynip nittartagaani immersugassaq nassaarisinnaavat.
Pisinnaatitaaffitit aammalu naammagittaalliornissamut ilitsersuut pillugit sukumiinerusumik Datatilsynip nittartagaani atuarsinnaavatit