[8 resultater for: “”]
Tunngaviit 1-7 perorsaanilerinermi tunngaviupput, Kalaallit Nunaanni meeqqeriviit tamarmik perorsaanilerinermik suliaqarnerminni tunngavittut atorsinnaasaat.
TakuukSammisaqaqatigiilluni pilersitsineq tassaavoq ilikkagassatut anguniagalimmik naammassillugu suliaqarneq, peqataasut tamarmik suliamut tunniussaqarlutik naammassisaat, ataatsimoorlutik pilersitaat.
TakuukOqaatsinik, allassinnaalernissamut atuarsinnaalernissamullu inerisaaneq tassaavoq meeqqap oqallorissinissaanut allassinnaalernissaanut atuarsinnaalernissaanullu kaammattuineq, meeqqap nammineq oqarsinnaanissaa allanullu attaveqarsinnaanissaa ilanngullugu.
TakuukIlisimasanut misilittakkanulluunniit ataqatigiilersitsineq tassaavoq meeqqap angerlarsimaffimmini, meeqqanik sullissivinni najukkaminiluunniit nalunngeriigaanut misilittagareriigaanullu sammisaqarnermi ilikkagassaanut meeqqamut isumalimmik ataqatigiisitsineq.
TakuukApeqqutit atorlugit eqqasalersitsineq tassaavoq meeqqap apeqqutinik unamminartunik akisinnaalernissaanut aamma nammineq aperisinnaalernissaanut.
TakuukOqaloqatigiinnikkut ilitsersuineq tassaavoq naligiissumik oqaloqatigiinneq akuersaartumillu attaveqatigiinneq aqqutigalugit meeqqap ilikkarsinnaanerata ineriartortinnissaa.
TakuukIssuagassiineq, Ilaagassiineq Maligassiinerlu tassaavoq pilersitassap qanoq ittuusinnaaneranik inersimasumiit meeraqammilluunniit sammisaqarnermi isumataarutissanik takutitsineq, malitasseeqatigiinneq maligasseeqatigiinnerlu.
TakuukMeeqqat isumassarsiaat kissaataalluunniit aallaavigalugit sammisaqartitsineq tassaavoq meeqqap soqutigisaanik, kissaataanik periataarsinnaaneranillu tapersersuinikkut ineriartortitsineq.
Takuuk