airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Tunngaviit 1-7

Tunngaviit 1-7 perorsaanilerinermi tunngaviupput, Kalaallit Nunaanni meeqqeriviit tamarmik perorsaanilerinermik suliaqarnerminni tunngavittut atorsinnaasaat.

Ilikkartitsiniarnermi ineriartortitsiniarnermilu tunngavigineqartut ilikkartitsiniarnermut teoriinit socio-kulturelliusunit (inuit kulturillu sunneeqatigiinnerannit) ineriartortitaapput, ukuninnga pingaartitsiviusut:
  • Sammisaqaqatigiinnermi ikioqatigiinneq
  • Oqaatsinik ineriartortitsineq
  • Meeqqap inuunerata ataqatigiinnera, aamma
  • Meeqqap ineriartornissaminut qaninnerpaasai

Tunngaviit arfineq marluk aallaavigalugit, perorsaanilerinermik suliallit meeqqap ineriartornermini pisariaqartitai, aammalu meeqqap ineriartorneranut ikorfartuutitut atorlugit sammisassanik aaqqissuisinnaapput.


Tunngaviit arfineq-marluk tassaapput:
  • Sammisaqaqatigiilluni pilersitsineq
  • Oqaatsinik, allassinnaalernissamut, atuarsinnaalernissamullu inerisaaneq
  • Ilisimasanut misilittakkanulluunniit ataqatigiilersitsineq
  • Apeqqutit atorlugit eqqarsalersitsineq
  • Oqaloqatigiinnikkut ilitsersuineq
  • Issuagassiineq, ilaagassiineq maligassiinerlu.
  • Meeqqat isumassarsiaat kissaataalluunniit aallaavigalugit sammisaqartitsineq

Ilinniartitaanermut Aqutsisoqarfik suli atualinngitsunut suliassaqarfimmi sulisut tunngavinnik taakkuninnga aallaaveqartumik pikkorissaatitsisarnikkut aqqutissiuussisarnikkullu suliaqarfimmi tassani ineriartortitsinermut ikorfartuisuuvoq.

 

Aallerfissaq



Katrine Larsen Lennert
Meeqqanik inerisaanermut immikkoortortaqarfik siunnersorti
(+299) 34 61 52
kall@nanoq.gl


Liili Kleist
Meeqqanik inerisaanermut immikkoortortaqarfik siunnersorti
(+299) 34 62 76
likl@nanoq.gl


Augustine Olsen Inûsugtok
Meeqqanik inerisaanermut immikkoortortaqarfik siunnersorti
(+299) 34 28 44
aoli@nanoq.gl


Rita Thomsen
Meeqqanik inerisaanermut immikkoortortaqarfik siunnersorti
(+299) 34 62 09
rith@nanoq.gl


Inatsisit
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaattut siunnersuut nr. 16, 3. december 2012-meersoq