Ulloq unnuarlu neqeroorutit innarluutilinnut
Indhold
Attaveqarfissat:
Pisortaagallartoq: Anna Wind
Najugaq:
Holbøllsvej 14
Postboks 1542, 3900 Nuuk
Oqar.: ( (+299) 31 32 24 / 32 66 60 / 56 37 73
E-mail: aaja@nanoq.gl
Sullitat: Meeqqat inuusuttullu sanngiitsut
Ukiui: 18-inik ukiulinnit qummut.
Inissat: 2
Immikkoortortaq pillugu nassuiaat:
Holbøllvejimi innarluutilinnut immikkoortortaq ulloq unnuarlu paaqqinniffiup Ajap ataaniippoq.
Attaveqarfissat:
Pisortaq: Else T. Jensen
Najugaq:
Qipoqqaq 22, B-940
Postboks 516
3940 Paamiut
Oqar.: (+299) 68 41 00 / 68 41 01
E-mail: palleq@nanoq.gl
Sullitat: Inersimasut tarnimikkut ineriartornerminni innarluutillit
Ukiui: 18-inik ukiullut qummullu
Inissat: 10
Angerlarsimaffik PALLEQ pillugu nassuiaat: Angerlarsimaffik PALLEQ inersimasunut tarnimikkut ineriartornerminni innarluutilinnut ulloq unnuarlu ikorfartorneqarnissamut pisariaqartitsisunut nuna tamakkerlugu ulloq unnuarlu paaqqinniffiuvoq. Angerlarsimaffik PALLEQ immikkoortortanut marlunnut avinneqarsimavoq katillugillu qulinik najugaqarfigineqarsinnaalluni. Immikkoortortani tamani tallimanik najugaqartoqarpoq. Illumi quleriit marluupput najugaqartullu allermi ineeraqarput. Tikeraanut illu paaqqinniffimmut atavoq. Angerlarsimaffik PALLEQ ineriartornerminni innarluutilinnut angerlarsimaffiuvoq, najugaqartunut ineriartornartunik assigiinngitsorpassuarnik iliuuseqartoqartarluni. Assersuutigalugit assassorneq, sungiusarneq, pisuttuarneq, qalipaaneq, interneterneq WII-millu pinnguarneq iliuusaapput. Angerlarsimaffik angallateqarpoq aasaaneranilu angalaartarput, tuttunniartarput, aalisariartarput nuniagiarlutillu. Angerlarsimaffik Paamiut avataanni illuaraqarpoq aasaanerani unnuisarfittut atorneqartartumik. Angerlarsimaffimmi atugassarititaasut pissutigalugit sullitat timimikkut innarluuteqassanngillat, tarnimikkut nappaateqassanngillat, autismeqassanngillat ADHD-qarnatillu. Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniagaq:
Angerlarsimaffik Pallip sungiagai suliassaalu ilaatigut makkuupput:
- Isumassiuinermik, ataqatigiinnermik ataqqeqatigiinnermillu pingaartitsisumik toqqissisimasumik angerlarsimaffimmik pilersitsineq.
- Najugaqartut iniminni illumilu suliaqarnermut piginnaasartik pisinnaasartillu naapertorlugit peqataanissaat pingaaruteqaroq.
- Isumaqatigiissutit naammassineqanngikkaangata paatsoornerit uteqattaarnerillu pinngitsoortinniarlugit oqaloqatigiittoqassaaq.
- Najugaqartut illumi qaammatikkaartumik ataatsimiittassapput, ataatsimiinnermi naleqartitat paasissutissallu uteqqinneqarnerat oqaluuserineqassallutik.
- Najugaqartut aalajangersimasumik attavissalerneqassapput pisinnaanngikkaangallu tulliuttumik attavissalerneqarlutik. Attavissap najugaqartup ulluinnarni suliassaanik ikiorlugulu ikorfartussavaa.
- Najugaqartut ataasiakkaat tamarmik katsorsarneqarnissamut ukiut tamaasa pilersaarusiorfigineqartassaaq
Attaveqarfissat:
Pisortaq: Karen Larsen
Tullersorti: Lillian Lennerth Frederiksen
Najugaq:
Uulineq 2
Postboks 7121
3900 Nuuk
Oqar.: (+299) 32 11 41
Fax: (+299) 34 26 16
E-mail: uulineq@nanoq.gl
Sullitat: Meeqqat inuusuttullu autimsespektrumeqartut
Ukiui: Arfinilinnit qummut ukiullit
Inissat: 15
Angerlarsimaffik Uulineq pillugu nassuiaat: Angerlarsimaffik Uulineq meeqqanut inuusuttunullu kiisalu inersimasunut autimespektrumeqartunut (ASF) nuna tamakkerlugu ulloq unnuarlu paaqqinniffiuvoq. Najugaqartut arlaqartut qaavatigut assigiinngitsunik aamma nappaateqarput timiminnillu atuisinnaassuseqarnerat appasingaatsiarlutik. Angerlarsimaffik Uulineq sisamanik immikkoortortaqarfeqarpoq: UULINEQ, SULUPPALUK, QIIMANEQ aamma NIGERLEQ. Immikkoortortat illoqarfimmi sumiiffinni assigiinngitsuni sisamaniipput. Angerlarsimaffik Uulinermi najugaqartut ataasiakkaat ineriartornissamut periarfissaqarnissaannut paasinninneq akuersinerlu ulluinnarni atorneqarpoq. Inuit ataasiakkaat pillugit ilisimasat, misilittakkat, pimoorussineq, akuersineq ataqqinninnerlu tunngavigalugit ineriartortitsinissaq Angerlarsimaffik Uulinip qulakkeerniarpaa. Immikkoortortani tamani ajoqusersuinerit ikittunnguunissaat pingaartinneqarpoq, taamaammallu init pisatsersorujussuarneqarsimanatik. Immikkoortortanit tamanit atorneqartartumik maluginiarnermut katsorsaanermullu ineqarpoq. Najugaqartunut ataasiakkaanut tamanut ukiut tamaasa ineriartornissamut pilersaarusiortoqarlunilu killiffimmik nalunaarusiortoqartarpoq.
Anguniakkat:
Najugaqarfik Uulinip anguniagai suliassaalu ilaatigut makkuupput:
- Takorlooruminartumik ullut ingerlanissaat qulakkeerniarlugu aaqqissuussaasmik sulineq.
- Najugaqartup ulluinnarni inuunerminut sunniuteqarsinnaalernissaa, toqqagassaqartitsinikkut.
- Najugaqartut namminneq aalajangiinissamut sunniuteqarnissamullu ikiorlugillu ikorfartornissaat, taamaaliornikkut nammineersinnaanerat nukittorsarlugulu inerisarneqassammat.
- Inuttut eqqiluisaarnissamut, paaqqutarinissamut isumassornissamullu ikiuullunilu ikorfartineq.
- Nerisaqarneq timigissarnerlu ukkataralugit timikkut peqqissuunissamut ikiuullunilu ikorfartuineq.
- Sulianut soorlu ataani taaneqartunut ikiuullunilu ikorfartuineq Pisiniarneq, filmeriarneq, timersorsoqatigiit.
- Angajoqqaanik suleqateqarneq pingaartinneqartorujussuuvoq sapaatip akunnikkaartumik oqaloqatigiittarnikkut.
- Sulisut suliatigut qaffasissumik piginnaasaqarnissaat pingaartinneqarpoq suliffeqarfimmi avataanilu ilinniartitseqqittarnikkut.
Perorsaanermi periaaseq:
- Atassuteqarneq pillugu perorsaaneq
- TEACCH isumassarsiorfigalugu - titartakkat atorlugit oqaatsinik isummanilluunniit takutitsisut ullormullu skemat naqitat atorlugit takussutissiineq aaqqissuussinerlu.
- PECS
- Ussersornermiit oqalunnermut - Tegn Til Tale (TTT)
Attaveqarfissat:
Pisortaq: Ann Andreassen
Najugaq: Radioqarfiup aqqutaa B-1451, 3961 Uummannaq
Oqar.: (+299) 95 12 38
Fax: (+299) 95 16 39
E-mail: bhjumq@nanoq.gl
Sullitat: Meeqqat inuusuttullu innarluutillit kiisalu meeraanermi sumiginnarneqarsimanermut attuumassuteqartumik ajornartorsiutillit.
Ukiui: 0-init 18-inut ukiullit.
Inissat: 6
Innarluutilinnut avataani imikkoortortaq pillugu nassuiaat: Uummannami Meeqqat Angerlarsimaffiat nuna tamakkerlugu meeqqanik inuusuttunillu tigusaqartarpoq. Isumaginninnikkut takussutissat saniatigut ilai inunnguutigalugu innarluuteqartarput taakkulu Meeqqat Angerlarsimaffiata innarluutilinnut avataani immikkoortortaanut inissinneqartarput. Meeqqat inuusuttullu ilaatigut makkuninnga atugaqarsinnaapput Imigassaq pissutigalugu inunnguutigisamik qaratsakkut ajoquteqarneq, autismespektrumimik ajoquteqarneq, ADHD-mik nappaateqarneq kiisalu silamikkut inortuuneq. Arlalitsigut marloriaammik eqqugaasimasarput, siusissukkut ajoqusersimanermit innarluuteqarnermillu atugaqartarmata. Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniagaq:
Innarluutilinnut avataani immikkoortup anguniagai suliassaalu ilaatigut makkuupput:
- Meeqqanut inuusuttunullu ulluinnarni toqqissisimaneq. Toqqissisimaneq katsorsaanermut piumasaqaataavoq katsorsaanermullu ilaalluni.
- Meeqqap inuusuttulluunniit timikkut peqqissusaata ineriartorneratalu nukittorsarlugulu siuarsarnissaa.
- Sulisunut meeqqanullu allanut attaveqalernissap nukittorsarlugulu siuarsarnissaa kiisalu meeqqap inuusuttulluunniit ilumigut ineriartornerata nukittorsarnissaa.
- Meeqqap inuusuttulluunniit misigissutsitigut nukittorsarlugulu siuarsarnissaa, taamaaliornikkut misigissutsit, soorlu toqqissisimaneq, tatiginninneq, iluarinninneq, akisussaassuseqarneq,
- kamanneq inuunermilu nuannaarneq, paasinissaannut ineriartorlunilu, attassillunilu ilinniarniassammat.
- Meeqqap inuusuttulluunniit pilersitisinnaanera piginnaasaalu nukittorsarlugillu siuarsarnissaat.
- Kinaassutsimik pilersitsinerup nukittorsarnissaa siuarsarnissaalu.
- Meeqqap inuusuttulluunniit eqqarsaataa isumassarsiorsinnaaneralu nukittorsarlugulu inerisarnissaa.
- Meeqqap inuusuttulluunniit imminut, kinaassutsiminut avatangiisiminullu kiisalu oqaatsiminut/inunnguuseralugu oqaatsiminut ilisimasaqarnerata nukittorsarlugulu siuarsarnissaa.
- Meeqqap inuusuttulluunniit ataatsimoornermut peqataasutut misiginerata nukittorsarlugulu siuarsarnissaa taamaaliornikkut inooqataasutut perorsarneqassalluni.
- Meeqqap inuusuttulluunniit avatangiisimini inuunermut peqataanissamut atatillugu perorsarneqarnerata nukittorsarlugulu siuarsarnissaa.
Periuseq:
- Avatangiisini katsorsaaneq inummut ataatsimut aaqqissuussamik iliuuseeqarnermik ilallugu. Matumani inuusuttup tunngavigisai nnikinnerusumillu pisinnaasaqarnerup malitsigisaanik pisariaqartitai ukkatarineqarput.
- Meeqqanut inuusuttunullu tunngatillugu, siusissukkut ajoqusernermik kingunerluuteqarnermi saniatigut inunnguutigisamik autismeqartunut, inooqatanermut sungiusarluni suliaqarnerit aqqutigalugit ilisimaaralugu misiginneqataanermik inooqataasinnaanermillu ineriartortitsinermik suliaqartoqartarpoq.
- Meeqqanut inuusuttunullu tunngatillugu, siusissukkut ajoqusernermik kingunerluuteqarnermi saniatigut ADHD-mik nappaateqartunut, periataarnissamik aqutsisinnaannginnermut aaqqissuussinissamullu ajornartorsiuteqarnermut tarsiutit immikkut ukkatarineqarput.
- Nipilersornermik, eqqumiitsuliornermik, pinngortitami misigisaqarnermik, angalanernik, kinaassutsip kalaallit kulturiannut ilaaneranik timersornermillu suliniutit suliallu.
Attaveqarfissat:
Pisortaq: Niels Berthelsen
Tullersorti: Akutaq Olsen Hansen
Najugaq: Fahlip aqq. 3, Postboks 22, 3911 Sisimiut
Oqar.: (+299) 86 46 88
Fax: (+299) 86 57 72
E-mail: grm@nanoq.gl
Sullitat: Meeqqat inuusuttullu tarnikkut innarluutillit, ADHD-mik nappaateqartut kiisalu misigissutsikkut siusissumik ajoquteqarnermik ajornartorsiuteqartut sumiginnagaasimasut.
Ukiui: 6-nnit 18-inik ukiullit
Inissat: 15
Gertrud Rask Minde pillugu nassuiaat: Gertrud Rask Minde meeqqanut inuusuttunullu tarnimikkut innarluutilinut ADHD-millu nappaateqartunut nuna tamakkerlugu ulloq unnuarlu paaqqinniffiuvoq. Immikkoortortat avataaniittut pingasut paaqqinniffimmut atapput, NANUAQQAT aamma AKULLIIT. NANUAQQAT immikkoortortaavoq meeqqanit arfinilinnit arlalinnik innarluutilinnit najugaqarfigineqartoq. Arfinilinnit sisamat timiminnik atuisinnaanerat appasissorujussuuvoq sunullu tamanut ikiortariaqarlutik. Pisussinnaanngimmata sunut tamanut assartorneqassapput/kissumiarneqassapput. Najugaqartut affaat inuunermut navianaatilinnik innarluutigisap malitsigisaanik nappaateqarput. Najugaqartut amerlanersaat ulloq unnuarlu 1-1-imik ikiortariaqarput. NANUAQQANI najugaqartut timikkut innarluuteqarnerat pissutigalugu pisinnaasaasa attatiinnarnissaat siunertaralugu timimik sungiusaasumit katsorsarneqarnissamik pisariaqartitsipput. Tamanna PISSASSARFIMMUT qinnuteqarnikkut pissaaq. AKULLIIT immikkoortortaavoq immikkoortunut illersukkanut minnernut agguarneqarsimasoq, meeqqanit 4-nit 18-inik ukiulinnit qulingiluanit najugaqarfigineqarsinnaasoq. AKULLERNI meeqqat pingaartumik ADHD-mik nappaateqartut autismespektrumimilluunniit ajoquteqartut najugaqarput.
Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniakkat:
Gertrud Rask Mindep anguniagai suliassaalu ilaatigut makkuupput:
- Meeqqat sumiginnarneqarnermik, innarlerneqarnermik, nakuuserneqarnermik atornerluinermillu misigisaqartinneqarsimasut toqqissisimasumik nalorninanngitsumillu atugassaqartinnissaat.
- Meeqqat naleqartutut misigitinniarlugit misigeqataanermik avatangiiseqartitsinissaq. Inuunermi pikkoriffeqarneq imminut tatiginermik naleqartinnermillu misigititsisoq.
- Sapinngisamik imminut ikiorsinnaanerulernissaannut periarfissaallu inerisarsinnaanissaannut atugassaqartitsineq.
- Inooqataanermi pissusilersornermut meeqqat ikorfartorneqarnissaat, nammineq pissusilersuutigisanik akisussaaffimmik tigusinissaat inuunermilu pissusissamik malinnissinnaalernissaat siunertaralugu.
- Meeqqat attaveqaataannik qanittumik suleqateqarneq.
Attaveqarfissat:
Pisortaq: Inge Kolby Pedersen
Tullersorti: Malene Høegh-Olsen
Najugaq: Majavej B-1581, Postboks 147, 3920 Qaqortoq
Oqar.: (+299) 64 21 13
E-mail: ivaaraq@ivaaraq.gl
Sullitat: Meeqqat inersimasullu tarnikkut timikkullu arlalinnik innarluutillit.
Ukiui: 0-inik ukiulinniit qummut
Inissat: 15
Meeqqat Angerlarsimaffiat Ivaaraq pillugu nassuiaat: Meeqqat Angerlarsimaffiat Ivaaraq meeqqanut inersimasunullu nuna tamakkerlugu ulloq unnuarlu paaqqinniffiuvoq immikkoortortanut marlunnut avinneqarsimasoq, immikkoortortaq TUNGUJORTOQ aamma immikkoortortaq SUNGAARTOQ. Ornittagaq ORPIGAQ paaqqinniffimmut atavoq, najugaqartunit ulluinnarni suliassaqartinneqarnissamut orninneqarsinnaalluni.
Immikkoortortaq Tungujortoq meeqqanut inuusuttuaqqanut inersimasunullu aalanerusinnaasunut/ aalasinnaasunut immikkoortortaqarfiuvoq, soorlu assersuutigalugu pisussinnaasut, paarngorsinnaasut imaluunniit pisuutilerlutik pisussinnaasut.
Immikkoortortaq Sungaartoq najugaqartunut aalasinnaanngivissortunut naleqqunneruvoq.
Najugaqartut tamarmik namminneq pisariaqartitsinitik naapertorlugit immikkoortortaqarfinnut nalimmassarneqartarput.
Najugaqartut amerlanersaat kørestolemik atuisuupput paarineqarnissamillu pisariaqartitsisorujussuullutik. Meeqqat Angerlarsimaffiat Ivaaraq najugaqartut pillugit ataatsimut isiginnittumik periuseqarpoq najugaqartullu ineriartornerminni inissisimaffii aallaavigalugit atugarisamikkut pisariaqartitaat aallaavigalugit suliffiulluni. Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniakkat:
Meeqqat Angerlarsimaffata Ivaaqqap anguniagai suliassaalu ilaatigut makkuupput:
- Najugaqartut sapinngisamik nalinginnaasumik angerlarsimaffeqartinnissaat ataasiakkaat innarluutaat eqqarsaatigalugit kiisalu pitsaasumik, isumalimmik misigisaqarfiusumillu inuuneqarnissaat.
- Anguniagaqartumik suleriaaseqarput, najugaqartut sapinngisamik nammineersinnaaqqullugit.
- Najugaqartut ataasiakkaat toqissisimasumik isumassarsinartumillu ulluinnarni inuuneqartinnisaat, tamannalu ataasiakkaanut iliuusissatut pilersaarusiornikkut anguneqassaaq.
- Najugaqartut periarfissaqarpata ajunngippallu illoqarfimmi pisunut neqeroorutinullu sapinngisamik peqataanissaat.
- Sulisut najugaqartut ullormut pilersaarutaat malillugit sungiusarnissamut pilersaarutaannik, paarinerannik sammisaqartinnerannillu ullut tamaasa sulissasut.
- Najugaqartut ullut tamaasa najugaqartut ullormut pilersaarutaat maillugit sammisaqartinneqassasut maluginiutit tallimat aallaavigalugit; takunninneq, naamaneq, tusaasaqarneq, susunninneq misiginerlu.
- Atuartut immikkut atuarfimmi atuartinneqarnissaat illoqarfimmiluunniit meeqqerivinni inissamik qinnuteqarnissaq.
- Najugaqartut ataasiakkaat tamarmik attavissalerneqassapput. Attaveqaatip ilaquttanut attaveqarnerup attanneqarnissaa isumagissavaa najugaqartullu ataasiakkaat pilersaarutaat nutartertarlugu.
- Najugaqartut meeqqat nakorsaannit, timimut iluaqusersuusiortumit, kamippaliortartumit saarngilluunniit nakorsaannit misissorneqarnissaat.
- Najugaqartut Ivaaqqami timimik sungiusaasumit aalajangersimasumik atorfilimmit ullut tamaasa malinnaavigineqarnissaat.
- Najugaqartut qaqugukkulluunniit pisariaqartitaannik ikiuutinik tunineqarnissaa, soorlu Kørestoli, nikorfanissamut tunngavimmik, qamutimik pisuutimik, sukarummik, isikkanut qerattaqqummik il. il.
- Attaveqaqatigiinnermut atortunik atinissamut ilitsersuisoqarlunilu nutarterisoqartassaaq, soorlu Najugaqartut tamarmik oqalussinnaannginnerat pissutigalugu ussersornermiit oqalunnermut, iliuuseqarnissamut aalajangersimasumik takutitsisinnaanermik, titartakkat atorlugit oqaatsinik isummanilluunniit takutitsinermik, assinik il. il.
Perorsaanermi periaaseq:
- Sianiutit tunngavigalugit perorsaaneq
Attaveqarfissat:
Pisortaq: Ane B. Jensen
Tullersorti:
Najugaq: Esbjergvej 751, Postboks 89, 3912 Maniitsoq
Oqar.: (+299) 81 33 43
Fax: (+299) 81 39 27
E-mail: elis@nanoq.gl
Sullitat: Inersimasut tarnimikkut ineriartornerminni innarluutillit
Ukiui: 18-inik ukiulinnit qummut.
Inissat: 21
Najugaqarfik Elisibannguaq pillugu nassuiaat: Najugaqarfik Elisibannguaq inunnut tarnimikkut ineriartornerminni innarluutilinnut nuna tamakkerlugu ulloq unnuarlu paaqqinniffiuvoq. Najugaqarfik Elisibannguaq inersimasunut tarnimikkut ineriartornerminni innarluutilinnut Kalaallit Nunaanni ulloq unnuarlu paaqqinniffinni siullersaavoq. Najugaqarfik Elisibannguaq avataani marlunnik immikkoortortaqarfeqarpoq, SIKKERNEQ aamma UKALIUSAQ. Sannavik Inneruulat atavoq, najugaqartut ulluinnarni tassunnarlutik sammisaqarsinnaallutik. Immikkoortortaq Sikkerneq tallimanik inissaqarpoq immikkoortortarlu Ukaliusaq utoqqaanerusunik immikkut paaqqutarineqarnissamik pisariaqartitsisunik sisamanik inissaqarluni. Inunnik tarnimikkut ineriartornerminni innarluutilinnik sullissinissamut sulisut siammasissumik ilisimasaqarput. Najugaqarfik Elisibannguami najugaqartut sullinnerannut tunngatillugu qitiutinneqarnissaat pingaartinneqarpoq. Tarnimikkut ineriartornermini innarluutillip isertinnginnerani peqateqarluni sapaatip akunnerani najugaqarallarnissaa Najugaqarfik Elisibannguamit pingaartinneqarpoq, taamaaliornikkut pineqartup sullitanut naapertuunnersoq inuppassuillu akornanniissinnaanersoq paasineqassammat. Najugaqarfik Elisibannguami najugaqartut amerlanersaat ukiuni 28-ini tassani najugaqarsimapput.
Anguniakkat:
Najugaqarfik Elisibannguup anguniagai suliassaalu ilaatigut makkuupput:
- Najugaqartut sulisunit pikkorissunit ikorfartorneqarlutillu ikiorneqarnissaasa qulakkeernissaa
- Ulluinnarni inuuneq najugaqartunut ataasiakkaanut naleqqussarsimanissaa.
- Toqqissisimaneq pisoqarnissaa utaqqinagu iliuuseqarneq aallaavigalugit sullissineq
- Najugaqartut ulluinnarni suliassaqarnissaasa sullivimmilu suliassaqartinneqarsinnaanngitsut angerlarsimallutik aalajangersimasumik suliassaqarnissaasa qulakkeernissaa.
- Najugaqartut ilaquttaminnut attaveqarnerisa attannissaat
- Najugaqartut illoqarfimmi pisunut peqataanissaat.
Perorsaanermi periaaseq:
Najugaqartut ataasiakkaat pisariaqartitaat apeqqutaatillugit periutsimik toqqaaneq.
- Najugaqartut utoqqaat pisinnaasaasa attannissaat.
- Nalinginnaasumik ulluinnarni inuuneq aaqqissuussanilu sapersarfiginngisanut peqataaneq.
- Susoqassaneranik ataavartumik ilisimatitsineq.
Attaveqarfissat:
Pisortaagallartoq: Mitdlaraq Olsen
E-mail: mmo.pmb@nanoq.gl
Tullersortiugallartoq: Asta Jensen
E-mail: asje.nasippi@nanoq.gl
Najugaq: Akitterni B-1520, Postboks 505, 3913 Tasiilaq
Oqar.: (+299) 98 15 74
E-mail: pmbforstander@outlook.dk
Sullitat:
Ukiui: 18-inik ukiulinnit qummut.
Inissat: 6
Nasippi pillugu nassuiaat: Nasippi innarluutilinnut avataani immikkoortortaavoq nuna tamakkerlugu ulloq unnuarlu paaqqinniffiup Prinsesse Margrethep Meeqqanut Angerlarsimaffiata ataaniittoq. Najugaqartut timikkut tarnikkullu annikitsumik pisinnaasaqarput, ulloq unnuarlu nakkutigineqanngikkunik, ikorfartorneqanngikkunik ikiorneqanngikkunillu namminneq angerlarsimaffimmiissinnaanngitsut. Najugaqartut ilai Danmarkimi ulloq unnuarlu paaqqinniffimmut inissinneqarnikuusimapput, maannali Tasiilamut utersimallutik. Nasippimmi inersimasut timimikkut tarnimikkullu annikitsumik pisinnaasaqartut ilaannakortumik nammineersinnaasut najugaqarput. Sannavik illersugaq QAALIAAQ innarluutilinnut avataani immikkoortortamut attuumassuteqarpoq, najugaqartut tassani illersorneqarlutik aningaasarsiaqartinneqarlutillu suliaqarsinnaallutik. Sannavimmi ataatsimoorneq pingaarnerutinneqarpoq atuisullu sanalukkanik suliaqartarput. Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniakkat:
Nasippiup anguniagai suliassaalu ilaatigut makkuupput:
- Najugaqartunut toqqissisimasumik atugassaqartitsineq, taamaaliornikkut sapinngisamik nalinginnaasumik inuuneqarsinnaallutik.
- Najugaqartut takuneqarlutillu tusarnaarneqarnissaat.
- Najugaqartut ataqqineqarlutillu inuttut naligisatut isigineqarnissaat akuersaartumillu naapinneqarlutik.
- Najugaqartut ingerlataqarnissamut inuunerminnilu pilersitseqataanissaannut ikorfartorneqarnissaat.
- Najugaqartut imminnut allanullu akisussaassuseqartumik pissuseqarnissaannut ikorfartorneqarnissaat.
- Najugaqartut ilaquttaminnut attaveqarnerisa attanneqarnissaat ilaqutaasunillu tatiginnittumik ataqqeqatigiittumillu suleqatigiinnermik pilersitsinissaq.
Attaveqarfissat:
Pisortaq: Rasmine Fly
Najugaq: Elisabeth Thomsenip aqq. 15, Postboks 1015, 3952 Ilulissat
Oqar.: (+299) 94 36 83
Fax: (+299) 94 71 26
E-mail: suik@ikinngut.gl
Sullitat: Inuusuttut inersimasullu ineriartornerminni innarluutillit.
Ukiui: 14-inik ukiulinniit qummut
Inissat:
Immikkoortortanut marluusunut agguarneqarsimasunut 20-nik inissaqarpoq.
- Immikkoortortaqarfinni marluusuni inissat immikkut 10-upput.
- Sannaveqarpoq iffiorfeeraqarlunilu
Sungiusarfik Ikinngutip nassuiarnera:
Sungiusarfik Ikinngut inuusuttunut inersimasunullu timikkut tarnimikkullu ineriartornerminni innarluutilinnut nuna tamakkerlugu ulloq unnuarlu paaqqinniffiuvoq.
Sungiusarfik Ikinngut nuna tamakkerugu ulloq unnuarlu paaqqinniffiuvoq, inuusuttunik inersimasunillu timikkut tarnimikkullu ineriartornerminni innarluutilinnik najugaqartitsisartoq. Najugaqartut ataasiakkaat sapinngisartik tamaat nammineersinnaalernissaat siunertaralugu pingaarnertut nakkutigineqarlutillu sungiusarneqartarput. Qaammatini pingasuni nakkutigineqarnissamut periarfissaqarpoq, suliatigullu pissutissaqarpat sivisunerusumik najugaqarnissamik malitseqartinneqarsinnaalluni. Sungiusarfik Ikinngutip neqeroorutigaa qaffasissumik inissisimasumik persorsaanermik tunngaveqarluni katsorsaaneq pitsaasoq, nammineernerulernissamut najugaqartullu inuunerminut akisussaassuseqarnissaanut peqataanissaanullu sammisoq. Sungiusarfik Ikinngutip najugaqartup ilaquttaminut attaveqarnerata attannissaa siunissarlu pillugu ilaqutaasunik suleqateqarnissaq pingaartippa. Najugaqartunut ataasiakkaanut ineriartornissamut ukiut tamaasa pilersaarusiortoqartarpoq.
Anguniagaq:
Sungiusarfik Ikinngutip anguniagai suliassaalu ilaatigut makkuupput:
- Nakkutilliineq
- Perorsaaneq tunngavigalugu sungiusaanermik neqerooruteqarneq
- Najugaqartup takuneqartutut, tusaaneqartutut paasineqartutullu misiginissaa siunertaralugu tusarnaarneq Iliuusissanik pilersaarusiorneq
- Siunissami najugaqarfissamut inuunermilu atugassanut tunngatillugit naliliineq
- Sivisunerusumik najugaqarnermi najugaqartunut ataasiakkaanut toqqissisimasumik ineriartorffiusumillu atugassaqartineq kiisalu perorsaanermi inuttullu annertunerpaamik neqerooruteqarneq
- Sivisunerusumik najugaqarnermi najugaqartup ilaquttaminut attaveqarnissaanik siunissamilu pilersaarutit pillugit suliaqarnermik ilaqutaasut malinnaatinneqarnissaannik qulakkeerineq
Perorsaanermi periaaseq:
- Nakkutiginninneq
- oqaloqatigiinneq
- ilinniartitsineq
- ilitsersuineq
- maligassiuineq
- inooqataanermi sunniivigeqatigiinneq
- aaqqiagiinngissuteqarnermi nalerisaaneq
- Nakkutiginninneq
- Kajumilersitsisumik oqaloqateqarnerit / ikorfartuisumik oqaleqateqarnerit
- Inooqataasinnaanermut sungiusarneq
- Aaqqiagiinngissuteqarermi nalerisaaneq
Attaveqarfissat:
Pisortaq: Sussi Lynge
Tullersorti: Pia Larsen
Najugaq:
Adolf Jensensvej 22
Postboks 391
3900 Nuuk
Oqar.: (+299) 36 22 33
E-mail: aaqa@aaqa.gl
Sullitat: Inersimasut skizofreniimik nappaateqartut.
Ukiui: 18-inik ukiulinnit qummut.
Inissat: 30
Sungiusarfik Aaqa pillugu nassuiaat: Sungiusarfik Aaqa inersimasunut skizofrenimik nappaateqartunut inunnik persorsaanermut nuna tamakkerlugu ulloq unnuarlu neqeroorutaavoq. Najugaqartut amerlanersaat marloqiusamik nappaateqarput, soorlu atornerluinermik, bipolar-imik, puigortunngoriartornermik annikinnerusumillu silamigut inornermik. Sungiusarfik Aaqa inunnut 30-nut inissaqarpoq immikkoortortanut tallimanut agguarneqartunut. Tamatuma saniatigut orniguttarfik ALLORIARFIK atavoq. Sungiusarfik Aaqa angallateqarlunilu Nuup kangerluani illuaraateqarpoq.
Sungiusarfiup Aaqap tarnip pissusaanik nappaat skizofreni immikkut pisinnaasaqarfigaa. Najugaqartut ilai katsorsarneqarnissamut eqqartuunneqarsimapput Pinerluttunillu Isumaginnittoqarfimmut attuumassuteqarlutik. Sungiusarfik Aaqami immikkoortortaqarfiit tallimaapput, taakkunannga immikkoortortat pingasut qitiusumik illorsuarmut attuumassuteqarlutik. Immikkoortortoat taakku pingasut ateqarput:
SIVISUUMIK INISSISIMAFFIK, arfineq-pingasunik inissalik,
PAAQQUTARINNIFFIK, arfineq-pingasunik inissalik kiisalu
IMMIKKOORTORTAQ ALLOQ, arfineq-marlunnik inissalik.
Avataani immikkoortortat Sungiusarfik Aaqamut attuumassuteqartut pingasuupput, SUNGIUSARFIK arfinilinnik inissalik, taannalu Nuussuarmiippoq. AKUITSUT inunnut Prader-Willi-Syndrom-eqartunut marlunnut inissalik, taannalu aamma Nuussuarmiippoq. ALLORIARFIK, sannavik illersugaq Aaqamit atuisunut 15-inut inissalik. ALLORIARFIK Industrivejimi putorsuup eqqaaniippoq. Immikkoortortani tamani ullut aaqqissugaalluarput najugaqartut tamarmik aaqqissuussamik ulloqarnissamut ikiorneqartariaqarmata. Sapaatip akunneranut skemaqarpoq najugaqartunit malinneqartoq, taannalu Sungiusarfik Aaqami iliuusissatut pilersaarut tunngavigalugu suliarineqartarpoq kommunellu iliuusissatut pilersaarutaa tunngavigalugu suliaalluni. Najugaqartut ulluinnarni annikitsuinnarmik allannguuteqartunik nalorninanngitsumik ulloqarnissaat immikkoortortani tamani pingaaruteqarpoq. Najugaqartut ulluinnarni suliassanut ilinniartinneqartarput. Sungiusarfik Aaqami assigiinngitsunik pingasunik neqerooruteqarpoq: Qaammatini pingasuni nakkutigineqarluni najugaqarneq, Qaammatini arfinilinni sungiusartinneqarluni najugaqarneq kiisalu Ukiut marluk tikillugit sivisuumik najugaqarneq.
Anguniakkat:
Sungiusarfik Aaqap anguniagai suliassaalu ilaatigut makkuupput:
- Najugaqartut ataasiakkaat isumassorneqarneq, sinaakkutit killeqartitsinerlu atorlugit ineriartortinnissaat.
- Najugaqartut ataasiakkaat nappaatiminnik paasisaqarlutillu akuersinissaannut ineriartortinnissaat.
- Ataasiakkaat ullut tamaasa nerinissamut, sulinissamut isumaqatigiissutinillu naammassinninnissamut aaqqissuussamik inuuneqarnissaannut ineriartortinnissaat.
- Najugaqartup sungiusaqqinneqarnissaa, najugaqartoq taamaalilluni nammineq inigisami najugaqarfimmiluunniit nammineersinnaalersillugu.
- Ataasiakkaat pisinnaasaasa ineriartortinnissaat, soorlu Inuttut eqqiluisaarneq.
- Ataasiakkaat timiminik assamminillu atuisinnaanera inerisarlugu nukittorsarlugillu sungiusaanikkut.
- Najugaqartunut katsorsaalluni oqaloqateqarnissamik neqeroorfiginissaat.
Perorsaanermi periaaseq:
- Kajuminnermik suliaqarneq
- Sunniutilimmik perorsaaneq aamma akuersaartumik perorsaaneq
- Inummiit inummut attaveqarneq
- Qipik toqqissisimatitsisoq
- Ballstick