Isumaginninnermi anguniakkanut assigiinngitsunut Isumaginninnermut Aqutsisoqarfimmut qinnuteqarnissamut periarfissaqarpoq.
Matumani tapiissutit aaqqissuussat ataasiakkaat kiisalu tapiissutinut ataasiakkaanut piumasaqaatit suuneri pillugit paasisaqarnerugit.
Kikkut qinnuteqarsinnaappat?
Kommuninut, nammineq piumassuseq malillugu suliniaqatigiiffinnut aamma paaqqinnittarfinnut imminnut pigisunut tapiissuteqartoqarsinnaavoq.
Uku pillugit tapiissutinik qinnuteqarsinnaanngilatit:
- Ullormusianut
- Sulinermi akissarsiassaraluanut annaasanut
- Aaqqissuussanut niuernermik tunngaveqartunut - tassunga ilaallutik aaqqissuussinerit isernermi akiliuteqartitsinertallit
- Suliniutit Kalaallit Nunaannut attuumassuteqanngitsut
- Siulersuisunut ilaasortat imaluunniit ilaasortat allat akissarsiassaat assigisaalluunniit
| Suliassat naatsorsuutigisat, aningaasanut inatsimmi konto 30.14.29 | Suussuseq |
|---|---|
| Paasititsiniaaneq | |
|
Matumani missingersuusiorfigineqarput paasititsiniaanermut atortussat, paasititsiniaanermik suliaqarneq, paasititsiniaanermik sammisaqartitsinerit - inuttut ajornartorsiuteqarnermut atornerluinermuttaaq tunngasut |
Suliniut |
| Sammisassat meeqqanut sammititat | Suliniut |
| Isumaginninnermi perorsaanikkut neqeroorutit, matumani ornittakkat ilanngullugit | |
| Ornittakkanik ingerlatsinermut tapiissutit (ingerlatsinermut tapiissutit) Meeqqanut tapersiisarneq pillugu inatsimmi §25 takuuk, neqeroorutit suussusii | Ingerlatsineq |
|
Suliniutit aamma isumaginninnermi perorsaanikkut neqeroorutinut tunngassuteqartumik misileraalluni aaqqissuussinerit. Meeqqanut tapersiisarneq pillugu inatsimmi §25 takuuk, neqeroorutit suussusii |
Suliniut |
| Qimarnguiit | |
| Qimarnguinnik ingerlatsineq. | Ingerlatsineq |
|
Qimarnguinnut atatillugu suliniutit |
Suliniut |
| Nammineq piumassuseq malillugu nuna tamakkerlugu suliniaqatigiiffiit | |
| Nammineq piumassuseq malillugu nuna tamakkerlugu suliniaqatigiiffinnut ingerlatsinermut tapiissutit | Ingerlatsineq |
|
Isumaginninnermi suliassaqarfiup iluani paasititsiniaanermik aamma siunnersuinermik sammisaqartitsinerit, suliniaqatigiiffiup pilersinneqarnerani aallaaviusut |
Suliniut |
| Sammineqartussatut ilimagineqartut, aningaasanut inatsimmi konto 30.10.45 | Suussuseq |
|---|---|
| Ilaqutariinnut paarsisartunut suliniutit | |
| Matumani ilaqutariinnut paarsisartunut siunnersortinut ingerlatsinermut tapiissutit ilanngullugit | Ingerlatsineq |
| Atuagassiaaqqat, atuakkat il.il. kiisalu ilaqutariinnut paarsisartunut suliassaqarfimmik nukittorsaaniarluni isumasioqatigiinerit |
Suliniut |
Aningaasat kontomiit aamma atorneqarsinnaasut, suli aalajangersaavigineqanngillat. 2025-mi ukiap ingerlanerani innarluutilinnut sapaatip akunneritinneqartumik kommunit piviusunngortitsinerannut kiisalu 2025-mi ukiup sisamararterutaani kingullermi juullilernerani sammisaqartitsinissanut tapiissutinik agguaassinissamut aningaasat atorneqassapput.
Qinnuteqarnissamut killiliussaq
Qinnuteqarfissaq ukiut tamaasa novembarip naaneraniit januaarip qeqqata tungaanut ammasarpoq. Sukumiinerusumik ulluliineq nittartakkami nalunaarutigineqarpoq qinnuteqarfissap ammannginnerani.
Qinnuteqarfissaq ammarpat linkit immersuiffissat ikkunneqarumaarput.
Qinnuteqaatit qinnuteqarfiup avataatigut nassiunneqartut suliarineqarneq ajorput.
Nalunaarusiorneq aamma naatsorsuutit
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.
Nalunaarusiat nassiuguk uunga tapi@nanoq.gl
Uani assersuutitut nalunaarusiaq pillugu takuuk
