airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Tapiissutit


Juullimut taperneqarnissamut qinnuteqarfissaq kingulleq: 10. november
TAPI-mut qinnuteqarfissaq kingulleq: 15. januar

Isumaginninnermi anguniakkanut assigiinngitsunut Isumaginninnermut Aqutsisoqarfimmut qinnuteqarnissamut periarfissaqarpoq 
Matuma kinguliani tapiissutit aaqqissuussat ataasiakkaat kiisalu tapiissutinut ataasiakkaanut piumasaqaatit suunersut pillugit paasisaqarnerugit.

Kikkut qinnuteqarsinnaappat? 
Kommuninut, nammineq piumassuseq malillugu suliniaqatigiiffinnut aamma paaqqinnittarfinnut imminnut pigisunut tapiissuteqartoqarsinnaavoq. 

UKU PILLUGIT TAPIISSUTINIK QINNUTEQARSINNAANNGILATIT: 
- Ullormusianut
- Sulinermi akissarsiassaraluanut annaasanut
- Aaqqissuussanut niuernermik tunngaveqartunut - tassunga ilaallutik aaqqissuussinerit isernermi akiliuteqartitsinertallit
- Suliniutit Kalaallit Nunaannut attuumassuteqanngitsut

Tapiissutit qanoq annertussuseqarpat?

Ukiumut katillugit aningaasaliissutit Aningaasanut inatsimmi kontuni 30.14.29-mi aamma 30.10.45-mi takuneqarsinnaapput. Ukiumi pineqartumi qinnuteqartut ataatsimut amerlassusii aallaavigalugit tapiissutit ataasiakkaat nalilerneqartarput.

Ukioq 2022-imi Isumaginninnermut Aqutsisoqarfiup aningaasat ima agguataarnissaat naatsorsuutigaat:

Ornittakkat  3.711 
Qimarnguiit 1.999 
Nuna tamakkerlugu suliniaqatigiiffiit 90
Isumaginninnerup iluani suliniutit

2.383

Innarluutillit sapaatip akunnera 200
Juullikkunni sammisat 200
Ilaqutariinnut paarsisartunut siunnersuutinut tapiissutit  1.206*

*Taakku saniatigut ilaqutariinnut inissiiviusartunut suliassaqarfik pitsanngorsaaviginiarlugu quppersagaliornermut, atuakkiornermut il.il. kiisalu isumasioqatigiissitsinernut aningaasat atorneqarsinnaapput.

Qinneqarnissamut piffissaq killiliussaq
Juullikkunni ingerlatanut tapiissutinut 10. november.
Tapiissutinut allanut 15. januar.

Nalunaarusiorneq aamma naatsorsuutit
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.

Nalunaarusiat nassiuguk uunga tapi@nanoq.gl
Uani assersuutitut nalunaarusiaq pillugu takuuk

Apeqqutissaqarpit?
Mailerfigisigut uunga: tapi@nanoq.gl
Imaluunniit Isumaginninnermut Aqutsisoqarfik sianerfigiuk uunga: (+299) 58 04 19


Toqqaannaq iserfissat