Isumaginninnermut Aqutsisoqarfik Meeqqanut Inuusuttunullu Naalakkersuisoqarfiup ataaniippoq.
Isumaginnittoqarfimmi ingerlatsinermut ineriartortitsinermullu suliassat Isumaginninnermut Aqutsisoqarfiup isumagisarpai: Nuna tamakkerlugu meeqqanut inuusuttunullu paaqqinnittarfiit aamma inunnut innarluutilinnut ulloq unnuarlu neqeroorutit ingerlanneqarnerat, kommuninik suleqateqarluni isumaginninnikkut suliffeqarfiit allilerneqarnerat, inuttut atugarliortunut pitsaaliuineq katsorsaanerlu, kommuninut, suliffeqarfinnut il.il. ilitsersuinerit pikkorissaasarnerillu.
Isumaginninnermut Aqutsisoqarfik meeqqat tapersersorneqarnissaannut inatsit kiisalu inuit innarluutillit tapersersorneqarnissaannut inatsit naapertorlugit tapiissutit pillugit suliani inunnut kommuneqarfiit avataani najugalinnut isumaginnittoqarfiuvoq.
Isumaginninnermut Aqutsisoqarfiup meeqqanut inuusuttunullu kiisalu innarluutilinnut suliassaqarfiup iluani isumaginninnikkut aaqqissuusseqqinnermut suliassat aqutsinermut tunngasut taamatuttaaq suliassat kommuninit ikorfartorneqartut aamma isumagisarai.
Takorluugaq
Kalaallit Nunaanni innuttaasut tamarmik toqqissisimasumik peqqissumik atugarissaartumillu inuuneqarnissamik periarfissaqarnissaannik qulakkeerinneqataavugut. Taamaasilluni inuuneq nalilik pitsaanerpaaq anguneqarsinnaaqqullugu.
Kommunit suleqatigalugit ataatsimut isigisumik sulisarpugut, ataatsimoorussamillu isumaginninnermi peqqinnerulersitsiniarnermilu meeqqanut, inuusuttunut ilaqutariinnullu suliniutinik pilersitsisarpugut.
Innuttaasut ilaqutariillu pisariaqartitaat aallaavigisarparput, najukkanilu naleqartitat nukittuffiillu najoqqutaralugit.
Isumaginninnermut Aqutsisoqarfik arfineq marlunnik immikkoortortaqarfeqarpoq:
- Meeqqanik Inerisaanermut immikkoortortaqarfik
- Sullissisunik Siunnersuisarfimmi Immikkoortoqarfik
- Inulerinermut Immikkoortoqarfik
- Ulloq Unnuarlu Inissitsiterinermullu Immikkoortoqarfik
- Paarisa
- Allattoqarfik
- Aningaasaqarnermut Immikkoortoqarfik
Isumaginninnermut Aqutsisoqarfiup aaqqissuussaaneranik takussutissiaq:
