airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Meeqqanik Inerisaanermut immikkoortortaqarfik


Meeqqat inerisarneqarnerat pillugu suleqatigiinneq, naartulernermiilli aallartinneqartarpoq tamannalu Meeqqanik Inerisaanermut immikkoortortaqarfiup pingaarnertut suliaraa. Meqqat ineriartornerat ilikkariartortarnerallu pillugu angajoqqaat, ulluunerani paaqqinnittarfiit, kommunit Meeqqanillu inerisaanermut immikkoortortaqarfik qanimut suleqatigiittarput.

Meeqqap nammineerluni ineriartornera naartuunermiilli aallartittarpoq. Ukiuni arlalialunni eqqarsartaatsikkut timikkullu piginnaasaqarnikkut ineriartornissaminut meeqqap toqqissisimanissaq, qanilaarfigineqarnissaq sammisaqartinneqarnissarlu atorfissaqartittarpai.

Taamaattumik meeqqap atualernissaq sioqqullugu inuit akornanniittarnissaanut eqqarsartaatsikkut timikkullu pisariaqartitaanik ineriartortitsineq immikkoortortap sulissutigisarpaa. Tamanna ima paasineqassaaq, angajoqqaat ulluuneranilu paaqqinnittarfiit meeqqap ineriartorneranik isumaginninnissamut piginnaasaqassasut.

Meeqqat ataasiakkaat pitsaasunik atugaqarnissaata ineriartornissaatalu qulakkeerneqarnissaa siunertaavoq, tamannalu meeqqap attaveqaataanut tamakkiisumik tapersersuinermik tunniussinikkut pissaaq, meeqqallu pingaarnertut isumassuisuinik perorsaasuinillu suleqateqarnermi atuutissalluni.

Meeqqanik Inerisaanermut immikkoortortaqarfiup suliassaqarfinni pingaarnerni sisamani kommunit ulluuneranilu paaqqinnittarfiit tapersersorpai:

Ilaquttanut tapersersuineq

MANU angajoqaat piareersarneqartarnerannut periusissiaavoq. MANU ilitsersuisunik ilinniartitsisartunillu nuna tamakkerlugu ilinniartitsisarpoq MANU-milu sulisunik tapersersuisarluni, ilaqutariinnik naartusortalinnik siunnersuisartunik ilitsersuisartunillu, ilaqutariit sanngiinnerusumik inissisimasut pingaartillugit.

Angajoqqaanngortussat sanngiinnerusumik inissisimasut sullinneqartussat, MANU+-imi pineqartut, MANU+-imik suliniutip pilersinneqarnerani isiginiarneqarsimapput. Suliniut 2019-imi pilersinneqarpoq kalaallit-danskit suleqatigiinnerisigut. MANU nittartagarpoq uani:

manu.gl

Nuna tamakkerlugu Siusissukkut iliuuseqarneq

Siusissukkut iliuuseqarnermi meeqqap ukioqannginneraniit marlunnik ukioqalernissaata tungaanut ineriartornera immikkut isiginiarneqarpoq, tamanna illoqarfinni nunaqarfinnilu tamani Siusissukkut iliuuseqarnermi suliaqartut tamarmik akunnerminni assigiinngitsutigut suleqatigiinneranni pisarpoq.

Meeqqanik ujartuineq atugarliortitsinerlu

Ulluunerani neqeroorutaasuni sulisunik piginnaanngorsaaneq suleqatigiit aalluppaat. Tassa, ulluunerani neqerooruteqarfinni sulisut meeqqanik sammisaqartitsisarnermut ineriartortitsinissamullu piginnaanngorsarneqassapput kiisalu meeqqanut avatangiisinik ilorrisimaarnarluni ilikkagaqarfiusussanik pilersitsissallutik.

Tamatuma saniatigut meeqqap pitsaasunik atugaqarnissaa qulakkeerumallugu, ulluunerani neqeroorutini sulisut angajoqqaanik qanimut suleqateqarnissaat aallunneqarpoq.

Meeraq pillugu ilisimasat annaaneqassanngillat

Meeqqat 0-18-inik ukiullit immikkut isiginiarneqarput, meeraq pillugu ilisimasat annaaneqassanngillat assersuutigalugu meeraq illoqarfimmut nunaqarfimmulluunniit kiisalu ulluunerani paaqqinnittarfimmut allamut nuuppat.

Oqartussaqarfiit assigiinngitsut akornanni suleqatigiinnerit inerneri, alliartornermini meeqqap arlaatigut kalluarneqarfigisimasai, meeqqanut ataasiakkaanut atukkanik pitsaasunik pilersitsisinnaapput.

Meeqqanik Inerisaanermut immikkoortortaqarfimmut saaffiginnissutit suulluunniit uunga nassiunneqartassapput: miim@nanoq.gl