Sullissisunut Siunnersuisarfiup meeqqanut inuusuttunullu atugarliortunut tunngatillugu kommuninik siunnersuillunilu ilitsersuineq pingaarnertut suliaraa, taamaaliornikkut suliassaqarfimmi inatsisitigut inunnillu sullissinermi suliatigut ilisimasanik periutsinillu nukittuumik ingerlatsinissaq anguniarneqarpoq.
Sullissisunik Siunnersuisarfik immikkoortunut sisamanut agguagaavoq:
- Suligasuartitaq Task Force
- Siunnersuisartut
- Ilaqutariinnut meeqqanik paarsaqartartunut tunngasut
- Suliniut 5: Meeqqat inuusuttullu pillugit sulianik suliarineqanngitsunik ikilisaaneq
- Suliniut 6: Kommunini sullissinermik ikorfartuineq
Sullissisunik Siunnersuisarfimmi suliat pingaarnerit tulliuttut makku isumagineqarput:
- Meeqqat tapersersorneqarnissaannut inatsit naapertorlugu oqartussaasoqarfimmi suliamik suliaqartunut aqutsisuinullu siunnersuillunilu ilitsersuineq (oqarasuaat, e-mail imaluunniit Skype/Teams atorlugit).
- Meeqqat tapersersorneqarnisaannut inatsit tunngavigalugu inatsisilerinermik pikkorissaaneq.
- Oqartussaasunik siunnersuineq, skabelonit ilitsersuutillu pillugit inatsisilerinermik pikkorissaanerit – nalunaarutinik, inunnik isumaginninnermi suliassanik suliaqarnermi (SFU) iliuusissatullu pilersaarutinik itinerusumik pikkorissaasoqarsinnaanera ilanngullugu.
- Sulianut aalajangersimasunut tunngatillugu oqartussaasumik sulianik suliaqartunut aqutsisuinullu sulianik supervisioni atorlugu siunnersuineq.
- Sullissisunut ilitsersuut naapertorlugu oqartussaasuni sulianik suliaqartumik issiaqateqarluni ilitsersuineq.
- Annertuumik sumiginnaasoqarsimatillugu aamma meeqqanik inuusuttunillu kinguaassiutitigut atornerluineq pillugu suliani annertunerusuni kommunini ikiuunneq.
- Suliamik supervision atorlugu siunnersuineq.
- Ilaqutariinnut paarsisartunut tunngaviusumik pikkorissaaneq.
Sullissisunik siunnersuisarfimmut naliginnaasumik saaffiginnissutit uunga nassiunneqassapput: siunnersuisarfik@nanoq.gl