Isumaginninnermut Aqutsisoqarfiup innuttaasunut neqeroorutai Innuttaasunut immikkoortortaqarfimmit ingerlanneqarput. Innuttaasunut immikkoortortaqarfiup ilaatigut ingerlappai, Meeqqanik kinguaassiuutimikkut atornerlunneqarsimasunik katsorsaasut angalaqatigiittartut aamma Inersimasunik kinguaassiuutimikkut atornerlunneqarsimanermit kingunerlutsitsisunik katsorsaasut angalaqatigiittartut. Immikkoortortaqarfiup isumaginninnermut tunngatillugu oqarasuaatikkut siunnersuineq, Tusaannga, akisussaaffigaa.
Inulerinermut immikkoortortaqarfik immikoortunut pingasunut agguarneqarsimavoq:
- Ataqatigiissaarineq
- Innuttaasunut Sullissivik - Suliniut 10: Meeqqanut inuusuttunullu atugarliortunut kinguaassiuutitigut atornerlunneqarsimasunut katsorsaanissamut neqeroorut pitsanngorsarneqassaaq, aamma Suliniut 16: Inersimasunut meeqqanut inuusuttunullu 18-it inorlugit ukiulinnut kinguaassiuutitigut kannguttaatsuliornermik pissusilersortartunut katsorsaanermik sullissivimmik pilersitsinissaq
- Ilaqutariinnut immikkoortoq - Suliniut 8: Meeqqanut ornittagassaannik misiliutitut pilersitsineq, aamma Suliniut 9: Ilaqutariinnut Sullissiviit sulinerat meeqqanut, inuusuttunut ilaqutaannullu atugarliortunut siunnerfilerneqassaaq
Inulerinermut immikkoortortaqarfimmi suliat pingaarnerit tulliuttut isumagineqarput:
- Tusaannga aqqutigalugu isumaginninnerup tungaatigut oqarasuaatikkut siunnersuineq
- Inersimasunik kinguaassiuutimikkut atornerlunneqarsimanermit kingunerlutsitsisunik katsorsaasut angalaqatigiittartut
- Meeqqanik kinguaassiuutimikkut atornerlunneqarsimasunik katsorsaasut angalaqatigiittartut
- Katsorsarneqarnissamut neqeroorut Alliaq inunnut nakuusertartunut saaffiginnippoq
- Inatsisitigut ataataqanngitsunut katsorsaanissamut neqeroorut inatsisitigullu ikorfartuineq
- Ilaqutariinnut immikkoortoq aqqutigalugu Ilaqutariinnut Sullissivinnut qimarnguinnullu piginnaanngorsaaneq
- Inunnut meeqqanut inuusuttunullu kinguaassiuutitigut kannguttaatsuliornermik pissusilersortartunut katsorsaanermik sammisumik ikorfartuinermik katsorsaanermillu neqeroorut sanarfineqarpoq
(Inulerinermut immikkoortortaqarfik neqeroorutaalu pillugit paasissutissat uani atuarsinnaavatit)
Inulerinermut immikkoortortaqarfimmut naliginnaasumik saaffiginnissutit uunga nassiunneqassapput borgerrettetafdeling@nanoq.gl