Meeqqanut suliassaqarfimmi nammineq kajumissutsimik suliniuteqarnernut sinaakkusiussat pitsanngorsakkat
Una siunertaavoq;
Meeqqanik suliaqarfimmi nammineq kajungissutsiminnik suliaqartartut sinaakkutaannik pitsanngorsaaneq, taamaalilluni inuiaqatigiit inuit ajornartorsiutaannik naalaakkersuinikkut aaqqiissuteqarfigineqarnerini peqataatinneqarnerulissapput. Tamanna anguniarparput ima iliorluta:
- Inuiaqatigiinni immikkuualuttut aamma pisortat suliffeqarfiutaasa oqaloqatigalugit aallartinneqarput, najukkami misilittakkat, nukiit pisariaqartitallu illoqarfinnut (nunaqarfinnullu) angalalluni misissorneqarput.
- Aningaasaateqarfinnik oqaloqateqarneq aallartinneqarpoq, taamaalillutik taakkua piviusumut qanillisinnaalerput imminnullu akilersinnaasunik suliniuteqartoqarnissaanik neqerooruteqarsinnaalerlutik.
- Suleqataasut namminersorlutik sulinerinik tapersersuineq, soorlu assersuutigalugu kommuninik inuiaqatigiinnilu kattuffinnik.
- Suliat tamakkerlugit takusinnaanissat anguniarlugu sulinermi qarasaasiaq atorlugu sakkumik nittarsaassisoqarpoq, taamaalilluni suleqataasut tamarmik suliniutinut siunnersuuteqarsinnaalersinneqarput. Innuttaasut taamaalillutik aamma namminneq kajumissutsimik sulinissaminnut nalunaarsinnaalersinneqarput.
- Nunami kajumissutsimik sulisarneq akueriniarlugu nukittorsarniarlugulu nuna tamakkerlugu kajumissutsimik sulinerup nittarsaanneqarnera.
- Suleqatigisartakkat ingerlaavartumik malinnaaffigineri aamma siunissaq ungasinnerusoq eqqarsaatigalugu imminut napatittumik aaqqiissutit pilersinniarlugit najukkami atuutilersitsineq.
2021-p upernarneraniilli kommunit assigiinngitsut tikeraartarpavut aamma peqatigiiffiit, sulisut kommunimilu ingerlatsiviit attuumassuttillit kajungissutsimik sulineq pillugu eqqartueqatiginiarlugit oqaloqatigisarlutigit.
2021-mi ukua tikeraarpagut: Sisimiut, Maniitsoq, Ilulissat, Qaqortoq, Narsaq, Nanortalik
2022-mi ukua tikeraarpagut: Aasiaat, Qasigiannguit, Ilulissat, Sisimiut
Ukiuni taakkunani Nuummi ingerlaavartumik ataatsimeeqateqartarpugut. Illoqarfik tikeraarniakkatsitut pilersaarutigisarput tassaavoq Tasiilaq.
Taakkua saniatigut Danmarkimut tikeraarnikuuvugut danskit aningaasaateqarfii aamma kattuffiit Kalaallit Nunaanni immikkoortortaqarfillit oqaloqatigineqarnissaat isumasioqatiginissaallu qulakkeerniarlugit.
2021-p ingerlaneraniit ullumikkumut inuiaqatigiinni kattuffiit kajumissutsimillu suliaqartartut attaveqaatai ingerlaavartumik ataatsimeeqatigisarpavut, ataatsimeeqatigiikkaangamik imminnut oqaloqatigiissinnaasarput attaveqaasersortarlutillu. Peqatigiiffiit kajumissutsiminnik suliaqartartut sinniisuinik inuttalersuilluta immikkut ilisimasalinnik aamma pilersitsinikuuvugut, taakkua suliniutip eqqortumik ineriartornissaanut ingerlaavartumik peqataatinneqartarput.
Taassuma saniatigut oqaasileriffik suleqatigalugu oqaaseq "kajumissutsimik suliaqarneq" paaseqatigiissutigilluarusullugu februaari 2023-mi aammasumik ataatsimeeqatigivarput. Oqaasilerisut aqqutigalugit qulaajaasoqarmat sulineq massakkorpiaq nanginneqarpoq.
Aalasuliat ilitsersuutitallit suliaralugit 2023-mi sammivagut, taakkua nittartakkamut aamma kajungissutsiminnik suliaqartartut suliai pillugit ilitsersuutit saqqummersinneqassapput. Aalasuliat suliarineqartut makkunannga imaqarput:
- Sulisussarsiortarneq sulisorisanillu atatitsiniartarneq
- Siulersuisuni sulineq
- Aningaaserivimmi kontomik pilersitsineq
- Peqatigiffiup aningaasaqarnera
- Tarnikkut ikiueqqaarneq
- Aningaasaliisussarsiorneq
- Ataatsimeersuarneq
- Meeqqanik innarliisimannginnermut uppernarsaasarneq
- Peqatigiiffinni akerleriinnaveersaartitsineq
- Inuit pillugit paasissutissat suliarineqartarneri
- Peqatigiiffimmik aallartitsineq