Paarisa meeqqat inuusuttullu pingaarnerutillugit isumaginninnermi peqqinnissamullu suliassaqarfimmi peqqissutsimik siuarsaanermik pingaarnertullu pitsaaliuinermik suliaqarpoq.
Paarisap suliaanut pingaarnernut ilaavortaaq, suliat akornanni suleqatigiinnermik ataqatigiissaarineq aqqutigalugu immikkoortut assigiinngitsut akornanni pitsaaliuinermik pitsaanngorsaaneq.
Uppernarsineqarsimasunik suliassaqarfillu akornanni atuutilersinneqarsimasunik tunngaveqarluni peqqissutsimik siuarsaanermik pitsaaliuinermillu iliuusissanik inerisaallunilu atuutilersitsinernik Paarisa aamma suliaqarpoq.
Paarisap suliaqarfigai:Peqatigiinnerit, namminneq piumassutsiminnik sulianik ataqatigiissaarisut – Suliniut 4: Nammineq piumassutsimik meeqqanik isumaginninnermut tunngatillugu suliniuteqarnermut sinaakkutit patajaatsut, kiisalu Killiliisa, Atoqatigiinnikkut peqqissuuneq, paasissutissat aamma imminornermik pitsaaliuineq
Paarisami suliat pingaarnerit tulliuttut isumagineqarput:
- Inuuneritta III-mik atuutilersitsineq - Naalakkersuisut meeqqat pitsaasumik inuuneqarnissaannut suleqatigiinnissamut periusissiaat 2020-2030.
- Killiliisamik atuutilersitsineq - Naalakkersuisut kinguaassiutitigut atornerluinermut periusissiaat 2018-2022.
- Pitsaaliuineq peqqissutsimillu siuarsaaneq ukununnga tunngatillugit: Imigassaq, pujortarneq, nerisat, timimik atuineq sianissutsikkullu peqqissuuneq.
- Imminornermik pitsaaliuineq.
- Peqqissumik atoqatigiinneq, "Inuusanik suliniut" ilanngullugu.
- Paasissutissat.
- Meeqqanut tunngatillugu nammineq piumassutsimik suliniarnerup pitsaanerusumik atugassaqartinneqarnissaa.
Paarisap isumagisaraa innuttaasunut nittartagaq paarisa.gl
Nittartagaqarnermi siunertaavoq pitsaasumik inooriaaseqarneq pillugu ilisimasanik isumassarsianillu siammarsaanissaq sumullu ikiortissarsiortoqarsinnaaneranik siunnersorneqarsinnaanermillu ilisimasaqarneq.
Pitsaaliuinermut immikkoortortaqarfimmut Paarisa-mut nalinginnaasumik saaffiginnissutit uunga nassiunneqassapput: paarisa@nanoq.gl