Meeqqat inuusuttullu pillugit suliat suliarineqarsimanngitsut ikilisarneqarneri.
Kommunini meeqqat pillugit suliat uninngatitat ikilisarneqarnerini ikiuunnissaq siunertaavoq. Meeqqat inuusuttullu piffissaq eqqorlugu ikiorneqarnissaminnik pisariaqartitsinerminni ikiorneqarniassammata taamaaliortoqarpoq. Suliniutip 5-p najukkami sulianik suliaqartartut nalunaarutit aamma suliat nutaat suliarinissaannut piffissamik nukissaannillu tunissavai.
- Suliat suliarneqarnerinut aamma ilaqutariit katsorsartittartut pillugit ukua ikioriartorneqarput:
- Qeqqata kommunia
- Kommune Kujalleq
- Avannaata kommunia
- Kommune Qeqertalik (nammineq aningaasaatini atorpai)
Kommunini tamani suliat suliarineqarnerinut ikiuunnerit naammassereerput.
Kommuninit sisamaasunit kommunit pingasut - Qeqqata Kommunia, Kommune Kujalleq aamma Avannaata Kommunia - Danmarkimi kommuninit sulianik suliaqartartunit aamma ilaqutariinik katsorsaasartunik attukkiussanit ikiorserneqarput. Taakkua kommunini ataasiakkaani qammatit sisamat sulillutik sulianik suliaqarlutillu sanileralugu ilitsersuussipput.
Kommune Qeqertalik Isumaginninnermut Aqutsisoqarfimmi Suligasuartitanit imaluunniit kalaallisut oqaasilimmik namminersortumit sulianik suliaqarnissaminut taamaallaat ikioqquneqarnikuuvoq. Isumaginninnermut Aqutsisoqarfiup Suligasuartitaasa Kommune Qeqertalimmi sulianik suliaqartarneq tapersersorpaat. Isumaginninnermut Aqutsisoqarfiup aamma Kommune Qeqertaliup suleqatigiillutik siunnersortit attartortittartut sulilersineqarnissaanik suliaqarput, taakkua isumaginninnermik misissuinerit aamma iliuusissatut pilersaarutit "saniatigooraluagu" suliaqartinneqassapput. Suli sulisoqarpoq aamma Isumaginninnermut Aqutsisoqarfimmit piffissaq ingerlasoq suli ataqatigiissaarinninneq tapersersorneqassaaq aamma pitsaassuseq qulakkeerneqartassaaq.
Sulianik suliaqartarneq pillugu utertitsilluni nalunaaruteqartarneq tamaat isigalugu pitsaasuuvoq, naak sulianik suliaqartut ikiuunneri aallartinngitsiarnerini nutserinerit aamma sulianik aaqqissuussinerit unamminartortaqarasimagaluartut.
Kommunimi sulisunit utertitsilluni nalunaarnerit paasinarsisippaat sanileralugu ilitsersuunneqarneq aamma suliat suliarinissaannut sakkut pissarsiarisimasatik assut iluaqutigisimagaat. Taamaattorli najukkami sulianik suliaqartarneq eqqarsaatigalugu suliaq suli pingaaruteqarpoq, tassami suliat suliarineqanngistut suli amerlasoorujussuupput.
2020- mi aamma 2021-mi Qeqqata Kommunia, Kommune Kujalleq aamma Avannaata Kommunia danskit kommuuniannit sulianik suliaqartartunit aamma ilaqutariinnik katsorsaasartunit aalajangersimasumik amerlassusilinnit ikiorserneqarput:
| Kommuni |
Sullissisut amerlassusaa |
llaqutariinnik katsorsaasartut amerlassusaat |
Katillugit |
| Qeqqata Kommunia |
5 |
4 |
9 |
| Kommune Kujalleq |
8 |
4 |
12 |
| Avannaata Kommunia |
6 |
3 |
9 |
| Katillugit |
19 |
11 |
30 |
