Ulloq unnuarlu Inissitsiterinermullu immikkoortortaqarfik, ulloq unnuarlu paaqqinniffinnik kiisalu ulloq unnuarlu neqeroorutinik Namminersorlutik Oqartussanit pigineqartunik ingerlatsinermik tamakkiisumillu aqutsinermik isumaginnippoq.
Immikkoortortaqarfik Qitiusumik inissiinissamut innersuussisarfimmik, ulloq unnuarlu paaqqinniffinnut aammalu ulloq unnuarlu neqeroorutinut Namminersorlutik Oqartussanit kommuninillu pigineqartunut kiisalu nammineq pigisunut inissitsiterinerni atorneqartartumik ingerlatsivoq.
Immikkoortortap akisussaaffigaattaaq ulloq unnuarlu paaqqinniffinnik Namminersorlutik Oqartussanit kommuninillu pigineqartunik namminerlu pigisunik akuersisarneq.
Immikkoortortaqarfik immikkoortunut sisamanut agguagaavoq:
- Ineriartornermut immikkoortoq
- Qitiusumik inissiinissamut innersuussisarfik
- Ulloq unnuarlu paaqqinniffiit, aammalu ulloq unnuarlu neqeroorutit
- Nuna tamakkerlugu qimarnguit
Immikkoortortamit suliat pingaarnerit makkua isumagineqarput:
- Perorsaanermik siunnersuineq, ilitsersuineq, inerisaanerlu
- Ulloq unnuarlu paaqqinniffinnut aammalu ulloq unnuarlu neqeroorutinut Namminersorlutik Oqartussanit pigineqartunik nalinginnaasumik ingerlatsineq
- Qitiusumik inissiinissamut innersuussisarfik
- Sanaartornermut, illuutinut aserfallatsaaliinernullu suliassat
- Ulloq unnuarlu paaqqinniffinnik akuersineq
Ulloq unnuarlu Inissitsiterinermullu immikkoortortaqarfimmut saaffiginnissutit uunga nassiunneqassapput uupi@nanoq.gl