Meeqqat ornittagassaannik misiligutitut pilersitsineq
Meeqqat inuusuttullu toqqissisimasumik unnukkut unnuakkullu, ingammik akissarsiviup kingorna sapaatip-akunnerata naanerani, ornittagaqarnissaat qulakkeerniarlugu suliniummi anguniakkat immikkoortui pingasut makkua sulissutigineqarput:
- Meeqqat inuusuttullu aamma qitiusoqarfimmi, najukkami nunalu tamakkerlugu suleqatigiit meeqqat ornittagaanik neqeroorummik ilisimasaqalernissaat anguniarneqarpoq, taamaalilluni meeqqat nerisassanik, isumassorneqarnissamik unnuiffissamillu pisariaqartitsisut neqeroorut pillugu ilisimatinneqartalissapput innersuunneqartalerlutillu.
- Meeqqanik inuusuttunillu sullissineq eqqarsaatigalugu ornittakkap, kommunip suleqatillu allat inissisimaffii, piginnaasaat suliaallu erseqqissuussapput, taamaalilluni meeqqat ornittagai immikkut ittumik ornittakkat siunertaatut allassimasut malillugit atorneqarsinnaalissapput.
Meeqqat inuusuttullu ikippallaat kommunini ornittakkanik arlalinnik neqeroorutigineqartunik atuisarneri piffissami pilersaarutip ingerlanneqarfiani tamarmi unamminartuuvoq.
Ornittakkat 2021-imi aamma 2022-imi nittarsaanneqarnissaat sammineqarpoq. Isumaginninnermut Aqutsisoqarfimmit ornittani sulisut suleqatigalugit allagartarsuit il.il. suliaqarluta tapersiivugut.
Ornittakkani sulisunut isumassarsiat allattaavii aamma nassiuppavut, tassani ornittakkat qanoq iliorlutik nittarsaassinerunissaat aamma illoqarfimminni meeqqat inersimasullu neqeroorummik ilisimanninnissaannik qanoq qulakkeerinnissinnaaneri allaaserineqarput. Kommunit namminneq aamma nittarsaassisimapput, atuarfinni ilaatigut saqqummiisarlutik.
Ornittakkat ilaanni piffissap ingerlanerani pitsaasumik ineriartortoqarsimavoq. Kommunini ataasiakkaani sulisut ornittakkanik nittarsaassingaatsiarsimapput taamaattumillu piffissap ingerlanerani meeqqanik amerlanerusunik atorneqartarsimallutik.
Ornittakkat atorneqartarnerinik pitsanngorsaaniarluni kingullertigut suliniarneq allanngortinneqarmat kommunit ornittakkamik qanoq atuisinnaanerlutik toqqaanissaminnut periarfissaqarnerulersinneqarsimapput.
Ornittakkanik makkunani pilersitsisoqarpoq: (najugaq allagartarsuarlu ikkutissapput)
- Nanortalik
- Aasiaat
- Tasiilaq
- Ilulissat
- Sisimiut
Ammasarfiit nikerartarput, akissarsiulli nalaani ammakkajuttarput.
