Inersimasunut, meeqqat inuusuttullu 18-it inorlugit ukiullit kinguaassiuutaasigut kanngutsaattuliortartutut pissusilersortartunut, katsorsaavimmik pilersitsineq
Suliniutip uuma makkua anguniagarai:
- Kinguaassiuutitigut siunissami atornerluisarnerit pinaveersaartinneqarneri
- Atornerlueqqeratarsinnaanerit pimoorunneqarnerisa millisarneri aamma piffissamut kingusinerusumut kinguarsarsinnaaneri.
- Sullitat pisortaqarfinni atorfilinnit sullinneqarnerini tapersersuineq.
- Paqumisuutigineqartut paqumigineqarunnaarnissaanik suliaqarneq aamma pinaveersaartitsiniarluni tapersersuilluni katsorsaallunilu suliniutit pillugit paasissutissiinerit kiisalu inuiaqatigiinni toqqissisimanerunissaq qulakkeerniarlugu inuit pineqaatissiinneqarsimasut inuiaqatigiinni inooqataaqqilernissaanik suliniuteqarneq.
- Sulisut sullitanik, qanigisanik, atornerlunneqarsimasunik najukkamilu inuiaqatigiinnik sullissillutik aallartereersut tapersersorneri inerisarnerilu.
- Taakkununngalu peqatigitillugu suliniutigineqartup pitsaassussaata qulakkeerneqarnissaa suliniutillu allat pisariaqaratarsinnaasut inerisarneqarnissaat anguniarlugit suliassaqarfimmi ilisimasanik katersineq.
- Suliniutip tamakkiisumik paasissutissartaqarluni suleriuseqarfigineqarnissaanik inerisaaneq.
Katsorsartinnissamik neqerooruterput Klinik Killiliisa-mik taaguuteqarpoq aamma Nuummi inissisimavoq. Sullitat ornigullutik tassunga katsorsartikkiartorsinnaapput aamma internet atorlugu katsorsartittoqarsinnaavoq.
Nunami maani kommunit tamaasa tikeraarlugit Klinik Killilliisa pillugu sulisunik paasititsiniaalluta ataatsimeeqateqareerpugut aamma tassunga qanoq innersuussisinnaanersut ilisimatitsereerluta. Sulisut kommuniniittut attavigisagut tamarmik nuannaarput aamma Klinik Killiliisa pillugu anguniagaq isumaqarluartutut misigivaat.
Pineqaatissinneqarsimasunik isumaginnittoqarfik qanimut suleqatigivarput taamaalillutalu atoqatigiittarneq pillugu katsorsaavimmik pilersitsinissatsinnut suleqatigiinneq aallartinnikuullutigu, tassani piginnaanngorsaanitsinni oqaloqatigiinnerlu atorlugu imaajaanitsinni ikiorneqartarpugut.
Innuttaasunut quppersagaaqqamik suliaqarnikuuvugut kiisalu Klinik Killiliisa pillugu sulisunut ilitsersuusiornikuulluta. Taakkua aqqutigalugit qanoq saaffiginnittoqartarnersoq imaluunniit innersuussiniaraanni qanoq iliortoqartarnersoq pillugu paasissutissanik taakkua tunioqqarneqarput.
Oqarasuaat 2022-imi 80-imik aallartittoq pilersipparput, taanna atorlugu Klinik Killiliisa-mut akeqanngitsumik sianertoqarsinnaalerpoq. Oqarasuaat maanngamut sisamanngornerit tamaasa ammasarpoq.
Katsorsaaviup Klinik Killiliisa-p innuttaasut januar 2022-imiilli katsorsartalerpai. Taamaattorli april 2022-imi tamanut aatsaat ammarneqarpoq.
