Dana Lennert Poulsen Namminersorlutik Oqartussani ukiut 40-t sulivoq aamma qaffasissumik atorfillitut piffissap ingerlanerani ilaatigut atorfeqartarpoq. Taassuma saniatigut Dana Naalakkersuisumut aamma allatsitut atorfeqarsimavoq kiisalu 2017-miit Isumaginninnermut Aqutsisoqarfiup allattoqarfiani sulilluni.
Ivalo Møller Lange Namminersorlutik Oqartussat iluini assigiinngitsunik ukiuni 25- ni atorfilittut sulivoq, perorsaasutut ilinniarnini naammassigamiuk Ilulissani Ikinngummi sulilluni aallartippoq aamma piffissap ingerlanerani isumaginninnermut tunngasunik suliaqarpoq kiisalu Isumaginninnermut Aqutsisoqarfimmi maanna atorfeqarluni.
Suliarujussui pillugit qujaffigaavut aamma soqutiginnillutik ukiut ingerlanerini suliartortarsimaneri pillugit qujaffigalugit.
Nalliuttorsiornerit ilaquttat qanigisat, ikinngutit suleqatillu peqatigalugit Hans Egedep illuani tallimanngorneq 1. oktober 2021-mi malunnartinneqarput.