Nutaarsiassaasivik

Imminut toqunnissamik eqqarsaatit pissutigalugit meeqqat inuusuttullu ikiortissarsiortarput

Nunarsuaq tamakkerlugu imminut toquttarnermik pitsaaliuinermut ullorititami oqarasuaatikkut siunnersuineq Tusaannga pillugu ukiumoortumik nalunaarusiap takutippaa meeqqat inuusuttullu ikiortissarsiortarnerannut imminut toqunnissamut eqqarsaatit pingaarnertut pissutaasartut.

Alliap ammasarfini sivitsorpai

Septembarip aallaqqaataa aallarnerfigalugu, qanigisaminnut nakuusernermik kamaqqajaanermillu ajornartorsiuteqartut, ajornannginnerusumik Alliaq-mi katsorsartinnissamut attaveqarsinnaalissapput. Ammasarfiit sivitsorneqarput sapaatip-akunnera naallugu ullut tamaasa ammasartussanngorlugu.

Meeqqanut inuusuttunullu tunngassutilinnik suliat ataqatigiissillugit aaqqissuunneqarnissaannut Sullissisunut siunnersuisarfiup Kommune Qeqertalik suleqatigaa

Isumaginninnermut Aqutsisoqarfiup sullissisunut siunnersuisartui juni aamma juli 2021-mi suliaminnut atatillugu Kommune Qeqertalimmi angalapput, Qasigiannguani, Kangaatsiami, aammattaaq Qeqertarsuarmi meeqqanut inuusuttunullu sullissisartut suleqatigalungit suliat ataqatigiissaarlungit aaqqissuunneqarnissaannut suliaqariartorlutik.

Ingiaqateqarsinnaanermut pisinnaatitaaffimmik qinnuteqaat

Isigisakkut innarluuteqarnerit pillugu ingiaqateqarnissannik Air Greenland aamma Arctic Umiaq Line aqqutigalugit, angalanerni uppernarsaammik qinnuteqarnermi immersuiffissaq Isumaginninnermut Aqutsisoqarfiup nittartagaani nanisinnaanngorpat.

Meeqqanik inuusuttunillu sullissisut angalaqatigiit Tasiilami aallartisarnerat

Suliniut 10, kalaallit qallunaallu suleqatigiinnerannut attuumassutilik, piffissami 30. junip 9. julillu akornanni Meeqqanik sullissisut angalasartut aallartisarniarlugit Tasiilamiissimavoq. Suliniut 10 aamma nunaqarfinnut qanittunut Isortumut, Kulusummut, Kuummiunut, Sermiligaamut aamma Tiilerilaamut aqqusaartuivoq.

Paaqqinninnersiutinut aalajangersakkat missingersuutaanut tunngavii

Isumaginninnermut Aqutsisoqarfiup nittartagaani paaqqinninnersiutinut aalajangersakkat missingersuutaanut najoqqutassiaq takusinnaanngorpat.

Alliaq Tasiilamiissimavoq

Katsorsartinnissamut neqeroorut Alliaq, ulluni 27. majip aamma 2. junip akornanni Tasiilamiissimavoq.

Isumaginninnermut Aqutsisoqarfiup, kommunit aamma ulloq unnuarlu paaqqinnittarfiit qaninnerusumik suleqatigiinnerat

Nunap kommuniisa aamma ulloq unnuarlu paaqqinnittarfiisa qaninnerusumik suleqatigiinneq pilersinniarlugu 2020-miit maannamut Isumaginninnermut Aqutsisoqarfik annertuumik suliniuteqarsimavoq.

Kinguaassiutinut tunngasunik ilinniartitsinissamut ilinniartitsissutissat nutaat

Paarisa Isumaginninnermut Aqutsisoqarfimmi immikkoortortaasoq, meeqqat atuarfianni atuartut angajulliit kinguaassiutinut tunngasunik ilinniartitsisoqartarneranik ilinniartitsissutissanik ineriartortitsiniarluni, Sex og Samfundi isumaqatigiissuteqarfigisimavaa.

Isumanginninnermut aqutsisoqarfiup killiliisa digitaliusoq saqqummersippaa

Qitornavit inuit attaveqaataannik atuinera pillugu oqaloqatigiuk

Paarisamit, Kalaallit Nunaanni Politiinit aamma Kalaallit Nunaanni Pinerlutsitsinaveersaarnikkut Siunnersuisoqatigiinnit, PiSiu, angajoqqaat meeqqamik inuit attaveqaataannik atuisarnerannik immikkut eqqumaffiginneqqullugit kaammattorneqarput.

Sapaatip akunnera 18-imi ataatsimoorfiit peqqinnartut akuutitsisullu

Sapaatip-akunnera 18-imi Nunatsinni imigassartortarnermi ileqqut imigassartoriaaserlu ukkatarineqartarlutillu eqqartorneqartarput. Ukioq manna sammisami ”Ataatsimoorfiit peqqinnartut akuutitsisullu”-mi meeqqat ilaqutaasalu atugarissaarnerat isumakkullu peqqissuunerat ukkatarineqarpoq.

Kinguaassiutitigut atornerlunneqareernerup kingorna inuunerup ingerlaqqittarnera pillugu isiginnaagassiaq

Killiliisa-mi maligassiuisut nammineq oqaluttuartik pillugu kinguaassiutitigut atornerlunneqareernerup kingorna inuunerup ingerlaqqittarnera pillugu isiginnaagassiami ”Tarnima Nammatai”-ni takuneqarsinnaavoq.